2 PETELO1
Zimbote
1Meno Simoni Petelo, nii kisadi na ntumwa yi Yesu-Klisto.Nsonikini ku yobobo batambudi kiminu kintalu bonso yeto, mu nzila yi kisalu ki mpulusu ki Nzambi eto mpe Yesu-Klisto Muvuukisi eto.2Bika Nzambi kaluhaana lusakumunu na kiyenge mu kitezo kihyokidi, mu nzila yi luzaabu lu kedika lu Nzambi na lu Yesu, Mfumu eto.
Mbokolo na nsoololo kuu Nzambi
3Nzambi mu lulendo lwandi wutuhaana bima bimvimba bina tuhaana hwahwa mu zinga mu kintwadi na Nzambi. Wutuzabikisa yondowo wututumisa mu nkembo andi na bunene bu bumbote bwandi.4Mu nkembo na lulendo belolo, Nzambi wutusila nsilulu zivudidi bunene na mfunu, mwanki tulenda mu tina nsadulu zimbi zikwe tukisanga nsatu zimbi zi nza beyiyi, mpe luzingu lwandi luyenika mu yeto.5Mu dyambu bedyodyo, seeno nkatika ngolo mu bwesa mu kiminu kyeno ndyatulu yimbote, mu ndyatulu yimbote bweseeno nzayilu yikedika yi Nzambi,6mu nzayilu bweseeno kukiyaala, mu kukiyaala bweseeno lutatumunu, mpe mu lutatumunu bweseeno kuba kintwadi na Nzambi,7mu kuba kintwadi na Nzambi bweseeno zola ku kimpangi, mpe mu zola ku kimpangi bweseeno luzolo.8Tala ti nkadulu bezozo zii neeno, mpe zikudidi mu yeno, lwatatamana mu sala, mpe zina sa ti lutoma zaba Mfumu eto, Yesu-Klisto.9Kansi ku yondowo lembolo ba na nkadulu bezozo, kalendi yena kukula ko, weka mpofo. Zimbakani ti wuvedoso mu masumu mandi ma ntama.10Ni hahoho, zimpangi, seeno ngolo mu ba bakangama nakekete mu mbokolo yi lutumisina Nzambi na nsoodolo yi kasa mu yeno, tala ti lusidi bobo, lwaabwa mu masumu ko.11Ni bwabobo lwaabakila luve mu kota mu Kimfumu ki mimvu ka mimvu ki Mfumu eto mpe Muvuukisi, Yesu-Klisto.12Ni hahoho, ntangu zimvimba nina lubambulanga moyo mu misamu bemyomyo, mpeleko myaluzebi mpe ludi bakangama nakekete mu kikedika bekiki ki lutambudi.13Kansi nayeni ti bumbote budi mu lubambula moyo bu nakidi mu nitu beyiyi, mwanki luba bantu bana kaya meso.14Nzebi ti mwa ntangu yifyoti kwandi yisidi mu sisa nitu beyiyi, bonso bundonkidi wo Mfumu eto Yesu-Klisto.15Kansi, mbo nasa ti ku manima ma nkwendolo ani, lubambukilanga misamu bemimi moyo ntangu zimvimba.Mbangi zimona meso zi Yesu-Klisto
16Ka mu dyambu di misamu mitoma kubika bantu mu bimpa byawu ko tuluteela nyizulu yi lulendo yi Mfumu eto Yesu-Klisto, kansi butudi mbangi zimona meso zi bunene bwandi.17Wutambula ku Tata Nzambi nkembo na nzitusu, mu ntangu ndinga yiyinene yita mu kati di nkembo andi ti: «Yandi ewu ni Mwana ani wu ntomini tya. Kyese kyani kimvimba mu yandi kidi.»18Bu tuba nandi ha yulu mulandu wulongo, yeto bende tuyuwa ndinga beyoyo bu yiyuwakana ku mazulu.19Mpe tuna toma kwikila misamu mita mimbikudi. Lufweti yuwa bumbote misamu myandi: yandi wuu bonso mwinda wuna lezima ha kibuka kii mpimpa, natee bwisi bu bwatoona mu kya, mpe natee lubwetete lu mene bu lwalezima mu mitima myeno.20Tekila mimvimba, tomeeno zaba ti: kunaani muntu lendi bangula mu madyela ma yandi bende mbikudulu zi Masonama.21Mu dyambu ti kunaani mbikudulu yifumini mu luzolo lu muntu yandi bende. Kansi mu lusadusu lu Mpeve Yilongo, bantu babikula misamu mifuma ku Nzambi.Wycliffe Bible Translators, Inc.