2 KOLINTO8
Lusadusu lu bisi-Masedwani
1Zimpangi, tutiidi mu luzabikisa bwedi Nzambi kahaanini lusakumunu ku mabundu ma kizunga ki Masedwani.2Mpeleko baba mu ntontolo zimpasi zimumpila-mumpila, kansi baba bafuluka mu kyese kihyokidi kitezo, mpe mu buwelo bwawu bubwingi, bahaana bimvwama bihyokidi kitezo mu kyese.3Mbangi nidi ti, mu luzolo lwawu baheeni bonso buu lubaku lwawu na baheeni mpe kuhyoka lubaku lwawu, mu luzolo lu yawu bende4mpe batoma tubombidila tubahaana luve, mwanki yawu mpe baba kintwadi mu haana lusadusu ku bantu bavwihulu ku Nzambi.5Bahaana kuhyoka bi twedi kingila kuu yawu, mu dyambu ti bahaana ntete luzingu lwawu ku Mfumu, mboki batutumimina, bonso bu luzolo lu Nzambi.6Ni hahoho, tusyamisina Tito mu manisa kuu yeno, kisalu bekyokyo kye haana lusadusu, bonso bu katonina kyo.7Mu dyambu ti bafuluka ludi mu mimvimba: kiminu, kuzaba kuzonza, nzayilu, vema mu mimvimba na luzolo kuu yeto, seeno ti kitezo bekyokyo lulonka kyo mu kisalu kye haana lusadusu.8Ka ntumunu ko nina haana, kansi bu naluzonzidi vema di bahiika, ni mu luhaana hwahwa dye lonka ti luzolo lweno lukedika ludi.9Mu dyambu ti, luzebi bumbote bu Mfumu eto Yesu-Klisto: yandi wuba mvwama, wukisa muntu wu muwelo mu dyambu dyeno, mwanki lukituka zimvwama mu buwelo bwandi.10Mabanza mani nina haana mu musamu bewuwu: bufweni ku yeno mu tatamana, mumvu wuhyokidi yeno luba bantete, ka mu sala kaka ko, kansi mu bonga dyaka nzengolo ye sala.11Bwabu, sukiseeno kisalu bekyokyo! Tomeeno kye sadila mu luzolo bonso bu lubongila kyo nzengolo mu sala, mwanki kidedakana bonso buu lubaku lweno.12Mu dyambu ti Nzambi kwe tambulanga munkayulu wuheeni muntu mu mutima wumbote, bonso budi lubaku lwandi, kansi ka lulembolo ba nandi ko.13Mu dyambu ti, ka tutidi mu lukotisa mu nkwamusu ko mu katula bahiika mu mpasi, kansi mu sosa kwandi ludedakana:14bwabu mu ntangu beyiyi bimvimba byeka neeno bibingi, bina luhaana hwahwa mu sadisa yobobo baa mu nsatu. Bumosi mpe, kilumbu ki lwaaba yeno mpe mu nsatu, yawu baaba na byo bibingi baalusadisa. Ni bwabobo lwaabeela badedakana,15bonso buwudi wusonama:«Muntu bewowo wutoota bubwingikahyokidila kima ko,na muntu bewowo wuba na mwa ndambukalembolo ba na kima ko .»16Bika tutonda Nzambi bu katuula mu mutima wu Tito vema kumosi mu dyambu dyeno.17Tito wutambula ndombolo eto, mpe bu kaba na vema kukwingi, ni kabonga yandi bende nzengolo mu kwiza ku yeno.18Tuna tambika ha kimosi nandi, mpangi yina kwe siiki mabundu mamvimba mu nsamununu andi yi Musamu Wumbote.19Bumosi mpe, bamusoola ku mabundu mu kwiza neto mu nzyetolo, mu kisalu bekiki kye luhaana lusadusu, kisalu bekiki ki tuna lungisa mu nkembo yi yandi bende Mfumu, mpe mu lonka kimbangi ki luzolo lweto lumbote.20Tutiidi ko batuzonzila bumbi mu dyambu di mbongo zizingi zi tutambudila kizitu mu keba,21tuna sosa kwandi mu hidika misamu mimbote, ka ha ntadisi yi Mfumu kaka ko, kansi na yi bantu mpe.22Tuna tambika ha kimosi nawu mpangi eto. Ntangu zizingi tukwe bakanga hwahwa mu mutonta mpe yandi kwe toma lonkanga vema kwandi. Kansi bwabu, wuna vudila mu lonka dyaka vema kwandi mu dyambu di kivuvu kyandi kikingi mu yeno.23Mu dyambu ditadidi Tito, mukundi ani na mu naani mu kisalu mu Klisto ku yeno. Mu dyambu di zimpangi zihiika zina zyeta ha kimosi nawu, badi bantu ba batambikidi ku mabundu, mpe bana sala mu dyambu di nkembo mu Klisto.24Balonkiseeno bwabu ti lubatiidi bubwingi, mwanki mabundu ma kwikila na ma zaba ti tuu na luve mu kiyangidika mu dyambu dyeno.Wycliffe Bible Translators, Inc.