1 TESALONIKA2
Kisalu ki Pawuli ku mbanza Tesalonika
1Zimpangi, walutomini zaba yebende ti, ka mumpamba ko tuyizila kuu yeno.2Waluzebi ti, tekila tutula ku yeno, bamana tutuka na kuyenisa mpasi ku mbanza yi Filipi. Kansi Nzambi wutuhaana kibakala mu samuna kuu yeno Musamu Wumbote mu kati di zimvita zizingi.3Mambu ma tululonga maa ma luvunu ko, maa ma makani mambi ko, mpe maa ma madyela mambi ko,4kansi budidi ti ni Nzambi wuyena ti balunga tudi mu tuhaana kiyeko ki Musamu Wumbote, tuna longa, ka mu dyambu dye yangidika bantu ko, kansi mu yangidika Nzambi kwe talanga mitima.5Waluzebi ti, tusadila nzonzolo ye luleba ko, tuba mpe na mayindu me ludya mbongo ko. Nzambi mbangi eto kadi.6Tusosa dyaka nkembo wu kwe fumanga ku bantu ko, ni kuba ku yeno ni kuba ku bantu bahiika.7Mpeleko tuba na luve mu sadila bumfumu bweto kuu yeno bonso zintumwa zi Klisto, kansi tukikulula ha kati dyeno, bonso ngudi bu kakwe bongilanga baala bandi.8Mu dyambu di luzolo lweto mu yeno, tuba bakubama mu luhaana, ka Musamu Wumbote kaka ko, kansi mpe luzingu lweto. Kadi yeno luyiza ba ku yeto bantu nkatika bamfunu.9Zimpangi, bambukeeno moyo mu mpasi zeto na lebakani dyeto: mu ntangu yi twedi lusamuninanga Musamu wumbote, twedi salanga mpimpa na mwini, mu lembolo ba kizitu ku muntu ha kati dyeno.10Yeno mbangi ludi na Nzambi mpe, ti nkadulu eto ku yeno minkwikidi yiba yivedila, yilunungu na yilembolo ba na kibila.11Luzebi ti tuba ku kadi muntu mu yeno, bonso tata kakwe sanga mu baala bandi.12Tulusyamisa, tulukindisa, na tululomba mu ba na nkadulu yifwanakani ha meso ma Nzambi, wuna lutumisa ku Kimfumu kyandi na ku nkembo andi.13Ni hahoho, yeto mpe tuna tatamana mu vutulanga matondo ku Nzambi mu musamu ewu: bu tulusamunina Mambu ma Nzambi, yeno luyuwa mo na lutambula mo, ka bonso mambu ma bantu ko, kansi bonso Mambu ma Nzambi bu madi mu bukedika. Bwabobo makwe sadilanga mu yeno minkwikidi.14Yeno zimpangi, lulendi kifwani ki Mabundu ma Nzambi mu Yesu-Klisto maa mu kizunga ki Yuda. Bantu ba nsi eno baluyenisa mpasi, zazozo mpe Bayudayo bayenisa ku mabundu ma nsi yi Yuda.15Yawu bahonda Mfumu Yesu na mimbikudi, ni yawu batuyenisa mpasi. Bayangidikanga Nzambi ko, mpe mitantu mi bantu bamvimba badi.16Bana tukakidila mu longa ku balembolo ba Bayudayo Mambu malenda bavuukisa. Mu bobobo, bana tatamana mu bwesa kitezo ki masumu mawu. Kansi ku nsukunu, nganzi zi Nzambi zi babwididi.Mabanza ma Pawuli mu bwesa yena bisi Tesalonika.
17Zimpangi, tuhambana neeno mu mwa ntangu, mu nsuni kansi ka mu mabanza ko, tusiidi ngolo mu bwesa luyena, mu dyambu ti tuba na mpwila yiyingi mu bwesa luyena.18Twedi sosanga mu kwiza kuu yeno ka mu nkumbu yimosi kaka ko, vula-vula meno Pawuli, kansi Satana wedi tukakidilanga.19Banani baa kivuvu kyeto, kyese kyeto, hoti dyaka masiika meeto e? Ka yeno ko ha ntadisi yi Mfumu eto Yesu, bu kaakwiza e?20Ninga, yeno ludi nkembo eto na kyese kyeto!Wycliffe Bible Translators, Inc.