1 KOLINTO2
Kusamuna Klisto wu bakoma ha kulunsi
1Mpangi zani, bu nayiza kuu yeno mu kwiza lusamunina mansweki ma mpulusu mayenikisa Nzambi, meno nazonzila mu mpova zingolo ko hoti nzayilu zingitukulu ko.2Mu dyambu ti, bu naba neeno, nasosa mu zaba musamu wuhiika, tala ti ka Yesu-Klisto kaka ko, wu bakoma ha kulunsi.3Ni hahoho, nakiyenikisa kuu yeno bonso muntu wulebakana, na kwe tekitanga mu bunkuta,4ndongosolo zani na ndongolo zani ziba mu ndwenga zi bantu ko zikwe kwikisanga bantu mu tambula, kansi ni lulendo lu Mpeve Yilongo lukwe yenikanga mu mi nakwe tanga.5Buna kiminu kyeno kisikamandi mu ndwenga zi bantu ko, kansi mu lulendo lu Nzambi.Ndwenga zi Nzambi
6Tukwe longanga ndwenga ku minsambidi mikula mu kimpeve, kansi ka ndwenga zi ntangu beyiyi ko hoti zi zimfumu zi ntangu beyiyi, zawu zaazimbala.7Nina samuna ndwenga zi mansweki ma Nzambi, zi kasweka ku bantu. Tekila nza yihilama, Nzambi za kakikubikila mu tukotisa mu nkembo andi.8Nakani wumosi mu zimfumu zi nza beyiyi zizaba ndwenga bezizi ko. Tala ti zabazaba, nganunu Mfumu yi nkembo bakoma ko.9Kansi bonso buna ta Masonama:Momo malembolo yena meso, na malembolo yuwa makutu,momo malembolo yindula muntu mu mabanza,Nzambi makakubika ku yobobo bakwe mutyanga.10Nzambi kuu yeto kalonka myo mu Mpeve Yilongo. Mu dyambu ti, Mpeve yikwe fyongoninanga mimvimba, kaati myo midi mitoma swama mu Nzambi.11Ha kati di bantu, nani zebi mabanza ma muntu, tala ti ka Mpeve ko yii mu kati di muntu e? Bumosi mpe, kunaani muntu wulenda zaba mabanza ma Nzambi, tala ti ka Mpeve yi Nzambi ko.12Yeto tutambula Mpeve yi nza beyiyi ko, kansi Mpeve yi tutambula, ni yikwe fumanga ku Nzambi, mwanki tuzaba minkayulu mi tuhaana Nzambi mu mulemvo andi.13Yeto tukwe zonzilanga mu mpova zikwe longanga ndwenga zi kimuntu ko, kansi mu ndwenga zikwe longanga Mpeve yi Nzambi. Bwabobo tukwe bangudilanga misamu mi kimpeve mu mpova zi kimpeve.14Yondowo kwe sikidilanga kaka mu ndwenga zandi zi kimuntu, kalendi tambula bima bikwe fumanga ku Mpeve yi Nzambi ko: ku yandi bo bulahuki budi, mpe kalendi bye bakula ko, mu dyambu ti ni mu kimpeve kwandi bakwe bakudilanga bo.15Muntu wuu na Mpeve yi Nzambi, kwe bakulanga mimvimba. Kansi yandi, kunani muntu lendi mubakula.16Mu dyambu ti wusonama:«Nani zebi mabanza ma Mfumu e?Nani lenda mu muhaana malongi e?»Kansi yeto, mabanza ma Klisto maa neto.Wycliffe Bible Translators, Inc.