1 KOLINTO13
Minkayilu mi Mpeve na luzolo
1Tala ti nina zonza ndinga zi bantu, na zi zimbazi, kansi, tala ti nii na luzolo ko, nii kwandi bonso lusuku lu bandi hoti ngunga yina yuwakana.2Na lendi ba na munkayulu we bikula, na we bakudila mansweki mamvimba, na we zaba misamu mimvimba, mpe nalendi ba na kiminu kimvimba kilendi tuma ku milandu mu katuka ha kifulu ki midi, kansi ti nii na luzolo ko, muntu wumpamba kwandi nidi.3Kati ni nakabula mvwilu ani yimvimba ku bamputu, kati ti ni nayoka nitu ani kutiya, kansi ti nii na luzolo ko, nabaka ndandu ko.4Luzolo luvibudulu ludi mpe luu lufuluka mu mambote. Luzolo luzininanga ko, luzolo lukisiikisanga ko mpe lukitumpidikanga ko,5luhidikanga misamu minsoni ko, lusosanga ndandu andi ko, lufwemanga ko, luyindulanga misamu mimbi ko.6Luzolo lukwe yangalalanga musamu wulembolo ba wulunungu ko, kansi lukwe yangalalanga kikedika.7Lukwe lemvokilanga mimvimba, lukwe kwikilanga mimvimba, lukwe sanga kivuvu mu mimvimba, lukwe vibidilanga mimvimba.8Luzolo lulendi fwa ko. Zimbikudulu zina zimbala, zindinga zina suka, nzayilu yina zimbala.9Mu dyambu ti, tukwe zabanga mu ndambu kwandi, na ndambu kwandi tukwe bikulanga,10kansi mo maa malunga bu maakwiza, mo malembolo ba malunga maazimbala.11Bu naba mwana, nedi zonzanga bonso mwana, nedi yindulanga bonso mwana, nedi bakulanga bonso mwana. Bwabu bu nameni kula, nabikiidi ma kimwana.12Bubedidi tuna yena bonso kifwani kina lembolo toma yenika mu kitala-tala, kansi kilumbu kidi, kitwaatalasana meso na meso. Bubedidi mwa ndambu kwandi nzebi, kansi naazaba Nzambi bonso bu katomini nzabila.13Bwabu bima bitatu byaatatamana muba: kiminu, kivuvu na luzolo. Kansi mu byabitatu kima kivudidi bunene, ni luzolo.Wycliffe Bible Translators, Inc.