1 KOLINTO11
1Landeeno kifwani kyani, bonso mebende nkwe landanga kifwani ki Klisto.
Mukento na bakala mu ntangu ye sambila
2Nina lusiika mu mimvimba mu dyambu ti lukwe mbambukilanga moyo kadi ntangu na lukwe kebanga ndongosolo bonso bu naluhaanina zo.3Ntiidi lubakula musamu ewu: Klisto ni Mfumu yi kadi bakala, bakala wuu mfumu yi mukento, mpe Nzambi wuu Mfumu yi Klisto.4Dyonso bakala dikwe sambilanga hoti dikwe bikulanga na mutu wufuku, dikwe zitisanga mfumu andi.5Kansi wonso mukento wuna sambila hoti wuna bikula na mutu wulembolo fuku kana zitisa mfumu andi ko. Mu dyambu ti, mfwanakani bonso mukento wu basidi kungulu ku mutu.6Tala ti mukento kaa na mutu wufuku ko, bamuhempa kungulu. Mpe, tala ti nsoni zidi ku mukento mu ba na milengi mizengo, hoti na kungulu, bika kafuka mutu andi.7Bakala kalendi fuka mutu ko, mu dyambu ti yandi kifwani mpe nkembo yi Nzambi kadi. Kansi, mukento nkembo yi wubakala kadi.8Mu dyambu ti, bakala kafuma mu mukento ko, kansi mukento wufuma mu bakala.9Mpe ka bakala ko bahidika mu dyambu di mukento, kansi mukento bahidika mu dyambu di bakala.10Ni hahoho, mukento fweti fuka mutu andi mu lonka ti wuu ku nsye lutumu na mu dyambu di zimbazi.11Kansi mu kizingu kyeto mu Mfumu, mukento kalendi ba wulembolo bakala ko, mpe bakala kalendi ba wulembolo mukento ko.12Mu dyambu ti, bonso bufumina mukento mu bakala, bwabobo mpe, bakala dibutukila mu mukento, na mimvimba mikwe fumanga kuu Nzambi.13Taleeno yebende: budi bumbote ku mukento kasambila Nzambi na mutu wulembolo fuku e?14Nganunu, nza yabende yina lulonga ko ti nsoni zidi ku bakala muba na milengi mimila e?15Kansi, yidi nkembo ku mukento muba na milengi mimila. Mu dyambu ti, bamuhaana milengi mimila mu fukanga mutu andi bonso kitambala.16Tala ti muntu wuna tya mu lubindisa mpaka mu musamu bewuwu, kazaba ti: mu Mabundu ma Nzambi na yeto bende mpe, tuu na kifu bekyokyo ko.17Mu misamu mina landa, nina lusiika ko, mu dyambu ti, bu lukwe vukananga lukwe vula hidikanga misamu mimbi, kansi ka mimbote ko.18Ntete-ntete, nina yuwanga ti, bu lukwe vukananga nkabani zikwe banga neeno, mpe nakwe kwikilanga fyoti.19Wukedika, ha kati dyeno ha fweti banga na nkabani, mwanki minsambidi mikedika mi ba mizabakana ha kati dyeno.20Bu lukwe kutakananga, nina yena ti ka bindya bi Mfumu ko lukwe dyanga,21mu dyambu ti, bu lukwe zakalanga ha meza, kadi muntu kwe bingilanga mu bonga bindya bi yandi bende. Ni hahoho lukwe belanga ti, wumosi wuu na nsatu, kansi wuhiika wuna kolo.22Kadi, luu na zinzo mu dya na mu nwa ko e? Hoti, Dibundu di Nzambi luna vweza, mpe lutiidi mu fwisa nsoni yobobo balembolo ba na kima e? Nki nalendi luteela e? Nganunu lutiidi na lusiika e? Mu musamu bewuwu, nina lusiika ko.23Kadi ndongosolo yi nina lulonga, ku Mfumu natambula yo: Mfumu Yesu, mu mpimpa beyoyo yi bamukanga, wubonga dimpa,24bu kamana vutula matondo, wubukuna dyo na wuta ti: «Bongeeno na dyeeno, yi ni nitu ani yihaanu mu dyambu dyeno. Sangeeno bobo mu mbambukilanga moyo.»25Wusa bumosi mpe na mbungu, bu bamana dya, wuta ti: «Mbungu beyiyi ni luwawanu lumoona mu menga mani ma ba tengola mu dyambu dyeno. Sangeeno bobo mu mbambukilanga moyo ntangu zimvimba zi luna nwa yo.»26Mu dyambu ti, ntangu zimvimba zi luna dya dimpa bedidi na zi luna nwa mbungu beyiyi, luna samuna lufwa lu Mfumu natee bu kana kwiza.27Ni hahoho, yondowo wuna dya dimpa bedyodyo hoti wuna nwa mbungu yi Mfumu na mbeelo yilembolo lunga, waasa disumu ha ntadisi yi nitu na menga ma Mfumu.28Ni hahoho, bika kadi muntu kakifyongonina, teekila kadya dimpa na kanwa mbungu,29kadi yondowo wuna dya na wuna nwa wulembolo zaba ti yiyiyi ni nitu yi Mfumu, wuna dya na wuna nwa mfundusu mu yandi bende.30Ni hahoho, babingi ha kati dyeno baa na byeta na bimbevo, mpe babingi bafwa.31Tala ti tukifyongonini yeto bende, baatufundisa ko.32Kansi, bu tukwe fundusungu, Mfumu kwe tusembanga mwanki tulembolo fundusu ha kimosi na bantu ba nza.33Buna zimpangi zani, bu lukwe kutakananga mu dya, kingangeeno bahiika.34Tala ti muntu wuu na nsatu, kateka saa dya ku nzo andi, mwanki lukutukunu lweno lulembolo lunatina mfundusu yeno. Mu byuhu bihiika, mbo nahaanina byo mvutu bu naakwiza kuu yeno.Wycliffe Bible Translators, Inc.