1Sabbath käna, amhnüp khyühnak ngawilam, khaw athaih law hlü hnüh üng, Marih Makdalin ja a püi Marih kce mat am, ngâ utnak teng khaia cetki xawi.2Pamhnama khankhawngsä mat khankhaw üngkhyüh kyum law se, ngkhyü aknuia ngsünki. Kâ utnak mkawta lungnu mkawt üngka ktawngin lü lunga khana ngawki.3A hmai khawmlaiha mäih law lü a suisak pi khuia mäiha bawki.4Mkawt mtäte naw khankhawngsä cun hmu u lü kyühei ngen u lü akthi kcea mäiha awmki he.5Khankhawngsä naw nghnumie üng, â Käh kyühei ua, kutlamktung üng ami taih Jesuh nami sui hüki ti ka ksingki.6â Ani hia am ve; a pyena kba, tho be pängki ni. Hia law lü Bawipaa ngkawhnak teng law ua.7â Akjanga cit u lü, â Jesuh thihnak üngkhyüh tho be lü, nami ma Kalile khawa cet ve, acuia nami hmu khai ni tiâ axüisaw he üng jah mtheh ua. Ka ning jah mtheh khawi cen süm be ua,â a ti.8Acunüng kyühnak ja aktäa jenak am, lungdü üngkhyüh cet lü axüisaw he üng jah mtheh khai hea dawngkie.9Ahunata Jesuh naw lama jah na khyum lü, â Dimdeihnak am ve ua,âti se, law u lü, a khawe jah mhjut mtham u lü hjawkhahkie.10Jesuh naw, â Käh kyühei ua. Cet u lü ka benae Kalile khawa ami na ceh vaia jah va mtheh ua, acuia na hmu khaie ni,âa ti.
Lungdü Mtätea Ngthu Pyen
11Nghnumie ami ceh kâ um üng, yekap avang mlüh kâ uma cet u lü thawnhlawki naküt cun ktaiyü ngvaie üng ami jah mtheh vai.12Ktaiyü ngvaie naw axüe ngvai jah va nghmu u lü, yekape üng ngui khawkän jah pe u lü,13â Mthana, kami ih kâ um üng axüisaw he naw a yawk ami mpyuk law ni ti lü, nami jah mtheh vai.14Acunüng Khaw Uk naw a ngjak taw üng, nangmia mkhye am ni ti a ksing vaia kami mcäi khaie ni,â ti lü ami pyen.15Yekape naw ngui cun la u lü ami jah mtheha mäiha ami pawh u. Acunakyase ahina ngthu cun tuh vei cäpa Judahea ksunga ngthang hüki.
Jesuh Axüisawea veia A Ngdangnak
16Axüisawe xaleiate cun Kalile khawa cet lü Jesuh naw a jah mthehnak mcunga kaikie.17Jesuh ami hmuh üng hjawkhahkie. Cunüngpi avang cun ami mlung uplatki.18Jesuh naw thäih law lü, â Khawmdek ja khankhawa anaa naküt cun ka kut kâ uma pet pänga kyaki.19Acunakyase, cit u lü khyang naküt ka hnukläkea jah pyang u lü, Pa, Capa ja ngmüimkhya ngcima ngming üng baptican jah pe ua.20Ahmäi ka ning jah mthehe ami jah läklam vaia jah mthei ua. Khawmdeka düt vei cäpa nami hlawnga ka ve khai,âa ti.