1Jesuh naw axüisaw he üng, â Katnak üng khyang kyukngtäng sak khaia biloki cun a jo se ve,2â Hina anghmawca he üngka mat a mkhyekat saka kthaka ta a nghngü üng ksum khawp lü mliktui üng tawnin a hama daw bawk khai ni.3â Cäei ua, na bena naw a ning katnak üng na mcäi vai, a ngjut üng na mhlät vai.4â Mhmüp mat üng khyüh vei ning mkhyekat na lü, khyüh vei, â ngjut vengâ ti lü, a ning law si üng na mhlät vai,âa ti.
Jumnak
5Acunüng ngsä he naw, â Kami jumnak jah pung peaâ ti u se,6Jesuh naw, â Anca ui nglung ata kba jumnak nami tak üng, hina thing üng, â Na pya maha ngphawng law lü, mliktuia khana va ngdüiaâ ti u lü, nami ngthu ngai khai.
M'ya mata Khutbi
7â Cunsepi, nangmi üngka u naw a m'ya lai thawnkia pi kyase, toksäma pi kyase a law be üng, â law lü, ei law ktäiaâ ti khai aw?8â Acukba am pyen lü, â ka ei vai na pyan law pea, na suisak suiawi lü, ka eiawk kâ um üng na ngänga. Acunkäna namät ei kaw piâ am ti khai aw?9â M'ya naw a mahpa a pyena kba a bilawha phäha a mahpa naw, â Na bä niâ ti khai aw? Am ti.10â Acukba ngthupet he avan nami jah pawh käna, â Keimi hin kami mahpa kami jekyai sakia am kya naw, kami pawh kung vai kami pawhki ni,â ti uaâa ti.
Jesuh naw Khyang xa jah Mâ yai beki
11Acunüng hinkba kyaki, Jerusalema ami ceh üng, Samarih la Kalile ngâ yü jun üng citki.12Acunüng, ngnam mata a luh la, mnehkse mnehkia khyang xa naw ami na khyüm, acun he cun athuknaka ngdüi u lü,13â Bawipa Jesuh aw, jah m'yeneiaâ tia, angsanga ngpyangki he.14Acunüng Jesuh naw, a jah hmuh üng, â Cit u lü, ktaiyü hea veia va ngtengei kyusak uaâa ti. Acunüng, hinkba kyaki, ami ceh kâ um üng ami van ngcim lawki he.15Acunüng, ami van üngka mat naw, yai beki ti a ksing la, angsanga Pamhnam a mküimto maha, nghlat be lü,16Jesuha khaw kunga kawp lü, jekyainaka ngthu a pyen; acuna khyang cun Samarih khyanga kyaki.17Acunüng, Jesuh naw msang lü, â Khyang xa nami ngcim bekia am kya aih se? Kawe cen hawia ni ami ve?18â Hina khyangmjükce naw Pamhnam mküimto khaia nghlat law beki hinâa ti.19Acunüng Jesuh naw, â Tho law lü, cita; na jumnak naw ning yai sak be ve,âa ti.
Mhnama Khawa pha law vaia Mawng
20Acunüng, Pharise he naw, â Itia ni Pamhnama khaw a pha law kawm?â tia kthäh u se, Jesuh naw, â Pamhnama khaw cun hmuh thei vaia pha law khaia am kya;21â Teng u, hia ni, cuia ni,â ti vaia am kya, Pamhnama khaw cun nami kâ uma awmki ni,âti lü a jah msang.22Acunüng, axüisaw hea veia, â Khyanga Capa khawmhmüp he, mhmüp matca hleng hmu hlü u lü pi am nami hmuhnak thei vaia kcün pha law khai.23â Acunüng, nami veia, â Teng u, hia ni, cuia niâ ning jah tina khai he, ä cit u lü, ä nami jah läk vai;24khaw nghmüm law se â khana mkek, khan avan üng a vai lawa kba, khyanga Capa a law bea mhmüp üng acunkba kya law khai.25â Cunsepi, am acun ham üng, aktäa khuikhanak khamei lü atuh ngsawn hea ksekhanak vaia awm khai.26â Nawea kcün üngka kba khyanga Capa a law be üng pi kya law khai.27â Nawe mlawng üng lut se, mlikpitui phu lawki naw ami van a jah mthihnaka mhmüp am a pha law hlana küt üng, ei aw u lü, ngkhyungla u lü awmki he.28â Acunakba Lotaha xün hün üng; ei aw u lü, khei u lü, jawitu u lü, nglingsaw u lü, ngsawngsaki he;29cunsepi, Sodom khaw üngka naw, Lotah a ktawiha mhmüp üng khana üngka mei la kat, khawa a lawki naw ami van a jah mthiha kba,30khyanga Capa a law bea mhmüp üng kya law khai.31â Acuna mhmüp üng upi, mkyung khana awmki naw, im kâ um üngka a khawhthem loei khaia ä kyum law se. Acuna kba laia awmki pi a hnua ä nghlat be se.32â Lotah khyu süm ua.33â Upi, amäta xünnak küikyan khaia büki naw mkhyüh lü, upi a xünnak mkhyühki naw küikyanei khai.34â Ka ning jah mthehki, acuna mthan üng ihnak mat üng ipki xawia khyang nghngih, mat jäk se mat awm hüt khai.35â Ksum suki xawia nghnumi nghngih üngka mat jäk se mat awm hüt khai.36â Laia awmki xawi nghngih üngka, mat jäk se mat awm hüt khai,âa ti.37Acunüng, axüisaw he naw, â Bawipa aw, hawia ni?â tia ami kthäh. Jesuh naw, â Akthia awmnak naküta nghmukse he ngcun khai he,âa ti.