1Lätnak Pawi a pha vai mhnüp mat a hlü ham üng, Jesuh naw hina khawmdek ceh ta lü Paa veia a cehnak vai kcün pha lawki ti ksingki. Hina khawmdeka veki a khyange cen aläa jah mhläkphyanak lü adüt vei cäpa jah kphyanaki.2Jesuh ja axüisaw he naw mü buh eikie. Sihmona capa, Judaha mlung kâ uma, Jesuh phyehei khaia khawyai naw a mhlawmcawk pänga kyaki.3Pa naw ahmäi a mhjum ja Mhnam üngkhyüh law lü Pamhnama veia cit be khai ti cun Jesuh naw ksingki.4Acunakyase, buh capawi üngka naw tho law lü a jih ngvaih sut lü ngxuheinak jih a vawh.5Kbe ksung üng tui kyäi lü axüisaw hea khaw jah mthih pet lü a jih vawh am a jah xuh pet.6Sihmon Pita veia a pha law üng, â Bawipa aw, ka khaw na na mthih hlü petki aw?â a ti.7Jesuh naw, â Tukbäih i ka pawhmsah ti am ksing hamki; acunsepi, tuha ta na ksing law khai niâti lü a msang.8Pita naw, â Ka khaw käh na mthi sümsüm khaiâ a ti. Jesuh naw, â Na khaw am ka ning mthih pet üng ta keia hnukläka am kya tikiâa ti.9Sihmon Pita naw, â Bawipa aw, acun ani üng ta ka khaw däk am ni lü ka kut ja ka lu pi na mthih petaâ a ti.10Jesuh naw, â Tui nghlawk pängki naküt ngcimki ni, i a mthih vai am hlü, a khaw däk ni a hlü. Nangmi avan ngcimcaih päng ve uki, acunsepi am ngcimcaih hamki mat ve veâa ti. (11U naw jawiei khai a ksing pänga phäha, â Nami van nami ngcimki, lüpi am ngcimki mat nami ksunga vekiâ a ti.)12Ami khaw jah mthih pet lü, a jih ngvaih be lü, ngaw beki naw, â Nami khana ka pawh hin asuilam nami ksingki aw?13â Nangmi naw Saja aw, Bawipa aw nami na ti na khawiki. Nami cangki, ka kya kungki.14â Kei nami na Bawipa ja Saja hngawh naw nami khaw ka ning jah mthih pet üng, nangmi pi mat naw mata khaw nami mthih pet vai.15â Nami khana ka pawha mäiha nangmi naw pi nami pawh hnga vaia ka ning jah mhnuhki.16â Akcanga ka ning jah mtheh ta: mpya cen a mahpa kthaka am däm bawk khawi; ngsäe cun pi jah tüihkia kthaka däm bawkia am kya.17â Ahina ngthungtak nami ksingki, nami ksinga mäiha nami xünpüi üng ta ihlawka nami jo sen khai ni.18â Nami vana mawng ka pyen am ni. Ka xüe ka jah ksingki. Acunsepi, â Kani ei yümki naw am na ngja hlü veâ ti lü, cangcima kümkawi lawnak vaia kyaki.19â Ahin hin am a pha law ham üng, atuh ka ning jah mtheh ni. Acun a pha law üng â Kei Ania Ka Kyakiâ ti nami jumnak thei vaia ka ning jah mtheh ni.20â Akcanga ka ning jah mthehki: au pi ka tüi law dokhameiki cun kei na dokhameiki ni; au pi ka tüi law dokhamki naw, kei pi na dokhameikia kyaki. Kei na dokhameiki naw pi na tüi lawki dokhamkia kyakiâti lü a pyen.
Jesuh naw ami man vai pyenkiâ ¨
21Jesuh naw acukba a pyen law päng üng a mlung khuikha lü, â Akcanga ka ning jah mthehki: nangmi üngka mat naw na phyehei khaiâti lü a jah mtheh.22U a pyennak hman am ksing u lü axüisaw he naw ami püi ci teng lü awmki he.23Axüisawe üngka mat, Jesuha kphyanak cun Jesuha peia ngawki.24Sihmon Pita naw, â U a pyenak ni, na mthehaâ ti lü, a kut am khiktawt hü lü a kthäh.25Acuna axüisaw naw Jesuh peia va ngnawn lü, â Bawipa aw, u ni?â a ti.26Jesuh naw, â Hina muk mte mcawi lü ka peta khyanga kya khaiâti lü a msang. Muk mte mcawi lü, Sihmona capa Judah üng a pet.27Muk mte a doei ja khawyam a kâ uma lutki. Jesuh naw, â Na pawh vai akjanga pawhaâa ti.28Ei kbe kunga ngawkie naw, i a pyennak ti, u naw pi am ksing u.29Avang naw Judah Iskarot naw nguiip a cüma phäh, Jesuh naw, â â Hina pawi üng mi summang vai va khyeia a tinak ni, am ani üng khuikha si mpyaki he üng ikâ eih jah peaâ tikia, ami ngai.30Judah naw muk mte lo lü cit ktäihki. Acun cun mthana kyaki.
Ngthumkhän kthai
31Acukba a ceh käna Jesuh naw pyen lü, â Atuh hin Khyanga Capa mhlünmtaia kya ve. Ani üngkhyüh Pamhnam pi mhlünmtaia kya ve.32â Ani üngkhyüh Pamhnama hlüngtainak mdan lü, Pamhnam naw Khyanga Capa pi amät üng mhlünmtai khai. Sängsäng se Pamhnam naw ani mhlünmtai khai.33â Ka canae aw, nami hlawnga ka ve vai hin am hjo ti. Nami na sui hü khaie. Acunüng, Judah ngvaie üng, â Ka cehnak vaia am law thei ukiâ ti lü ka pyena mäiha atuh pi acukba bäa ka ning jah mthehki.34â Ngthumkhän kthai ka ning jah peki: mat ja mat mhläkphya na ua. Ka ning jah mhläkphyanaka mäiha mat ja mat mhläkphya na u.35â Mat ja mat nami mhläkphyanak üng ta, khyang naküt naw ka hnukläke tia ning jah ksing khaieâa ti.
Pita naw a ma vai Jesuh naw a pyenâ ¨
36Sihmon Pita naw, â Bawipa aw, hawia na cit khai?â a ti. Jesuh naw, â Ka cehnak hlüa nang tuh am law theiki; tuha ta na law thei khaiâti lü, a msang.37Pita naw, â Bawipa aw, ise atuh na hlawnga am ka law theiki ni? Na phäha ta thih vai pi am kyüh nawngâ a ti.38Jesuh naw, â Keia phäha na thih vai akcanga am na kyühki aw? Akcanga ka ning mthehki: nang naw ainghlüi am khawng ham se, ani am ksing ngü ti lü kthum vei na ngcim khaiâa ti.