Ephesians5
1Anưq, dayh vlôh jêêk khơl dro dơơp atôôlh tyauq Kơy Plêêk, đaji koot xau thier jah xung xiaq ku Kadraq,2ji dayh riirh đom xung xiaq, kung đaji Lôôk Wơơt Dêh heq xiaq haay ji chiuq kaxêêt kadih Kadraq vii haay đaji muuyq kuah lêh ji kuah tưp dii muuy thơơm rahuut tơơk tưp tok Kơy Plêêk.3Măn varơuq apuq atrăp, kung tôôy varơuq be vah long hmưch trôôch yôôych pheq đnooy te liq nhăk truh đom katul oh ay, đaji varơuq nưq laa tamuut dii khơl vah,4kung te đnooy apok hôônh, apok leh yuôôr aal, long apok tache agưt leh xaay — laa kaluh thưq leh tamuut — đơu tađôôy muut đnư bơơn apok kuh kway.5Dik anưq, dayh xet varơuq neq dong kajưk đaneq tôôy dro apuq atrăp, be vah, long hmưch trôôch — nưq laa adro kuh kway vangưl — raay leh e kơ ngiip đom daak dêh ku Lôôk Wơơt Dêh ji Kơy Plêêk.6Te xôq kơyq aluut pa ôôh oh ay bơơn kaluh apok đnooy leh yuôôr aal, vii bơyh kaluh varơuq nưq, đơơt tôq dayq ku Kơy Plêêk tôh pôôt tol khơl koot xau leh dơơp tyauq.7Lunưq, oh ay te vlôh jêêk khơl adro jưq phon dii oot,8vii adroyq hơq oh ay măn kamơng jaluk, bơh juneq laa xaraar tađnah đom Lôôk. Dayh xa măn đaji koot xau ku xaraar tađnah9(vii raak play ku xaraar tađnah măn katul tôôy varơuq tamaq kaxay, hyioh jăk, ji dong dik),10tuôôy rơơt rol 'yo hlê 'leq laa varơuq kaxay xuum Lôôk.11Te jưq phon muut kaluh varơuq be e ich ku varơuq kamơng jaluk, bơh dayh kahnoq oot vlôh măn iaq,12vii dik laa kamưưl tuôôy vơ nhăk truh kaluh varơuq oot dưk dơơp kach padu kadook.13Bơh tôôy paroh jah hloq ro tuôôy jah kahnoq vlôh bơyh xaraar tađnah, vii tôôy paroh jah hloq ro raay laa xaraar tađnah.14Kơq nưq, e apok xanoh: “Dayh kadrăch kah, nee adro đong vik, dayh dưk tok xing đom bing manih kaxêêt, Lôôk Wơơt Dêh hnoq ahnhe tađnah xăk.”15Lunưq, dayh văch 'yo rơơt rol kach oh ay đong xa măn — te đaji adro vlô apoop bơh đaji manih khôôt xet,16tuôôy dayh alay kawat, vii kaluh hngơy laa xơuq.17Vii anưq, te vlôh jêêk adro vlô apoop, bơh pheq hlolh leq laa iq trôôch ku Lôôk.18Te vuul lok, vii varơuq nưq laa bơyq ba. Wih hlê, dayh ik galơh galaay dii Kơy Phool Hiel,19tơơl hlê dii mamuuyq bơơn thi thiên, kacheeu vah ji baai kacheeu thiêêng liêng, dii xuum klaak haay kacheeu ayuôôt ji vanê ayuôôt Lôôk,20tưp apok kuh kway Kơy Plêêk, laa Vaq, đom tôôy tuôôy truh tôôy varơuq taayh yal Lôôk Wơơt Dêh Jê-xu, Lôôk haay,21ji tameng mamuuyq đom varơuq 'yo yôq Lôôk Wơơt Dêh —22Dro dơơp kadrê, pheq tameng kanau ni đaji tameng Lôôk.23Vii kanau laa akoq kadrê, kung đaji Lôôk Wơơt Dêh laa akoq tayuup vah — jơq Kadraq laa Wơơt Lôôk ku xăk xamơk.24Lunư, tayuup vah tameng tyauq Lôôk Wơơt Dêh luleq yôôych kadrê kung tameng tyauq kanau ni đom tôôy varơuq lunưq.25Adro dơơp kanau, dayh xiaq kadrê ni, kung đaji Lôôk Wơơt Dêh heq xiaq tayuup vah ji chiuq kaxêêt kadih xăk vii tayuup vah,26xôq Kadraq hnoq ik tađôôy đơơu tayuup nưq, atêq tuôôy dơơp ăm paxa rêh bơơn varơuq 'nhaau xarêh ku daak kung dii apok đaauq,27xôq ka Kadraq taway kahnoq vlôh ka kadih kadraq muuyq tayuup vah tađnah tađnaak, leh e a'moh mơy long jah ka'lăk kadrôôp, long paq kê varơuq leq lunưq, bơh xôq tayuup jah vah xarêh ji leh aduq xôq đnooy ik.28Tyauq kach lunưq yôôych kanau kung pheq xiaq kadrê ni đaji kadih xăk ni. Dro kanau xiaq kadrê ku ni laa xiaq kadih ni.29Vii be kơyq 'yarơ xăk ni dong leq, bơh văch xiap ji jư 'yo ni, kung đaji kach Lôôk Wơơt Dêh đôôyq dii tayuup vah,30vii haay laa kaluh chi thêêh ku xăk Kadraq.31“Vii ka kơq nưq, khơl kanau hnoq aklah vlôh miq vaq ji hnoq jah pajêêk dii kadrê ni, dêq baarq hnoq vlôh jêêk muuyq xăk.”32Varơuq kadook neq thier kôt lơyq — bơh gô đong đnooy truh Lôôk Wơơt Dêh ji truh tayuup vah.33Long anưq, oh ay kung tyauq trôôk nưq — tưng dro muuyq — tôôy dro kanau pheq xiaq kadrê ni đaji kadih ni, măn dro kadrê nưq laa duh 'yo kul kanau ni.
FAR EAST BROADCASTING COMPANY