SAM62cth_bcf
Cathut rungngangnae duem ringnae
Kathutkung: Devit, La kahrawikung Jeduthun koe sak e la
1Atangcalah ka hringnae ni Cathut teh duem a ring.Kai rungngangnae teh ama koehoi doeh a tho.2Ama dueng doeh ka lungsong hoi ka rungngangnae lah kaawm.Ama teh rapan lah ao, ka kâhuen mahoeh.3Bangkongmaw tami buet touh heh na uk han.ka rawm e rapan hoi kâhuen e tapang patetlahnâtotouh maw na raphoe awh han.4Arasangnae koehoi pabo hanelah a kâpan awh.Laithoe deinae koe a lunghawi awh teh.A pahni hoi yawhawi a poe awh ei teh,a lungthung hoi thoe a bo awh.5Ka hringnae, Cathut dueng maha duem ring lawih.Bangkongtetpawiteh, ka ngaihawinae teh a ma koehoi doeh a tho.6Ama dueng doeh ka lungsong hoi rungngangnae lah ao.Ka kâhuen mahoeh.7Ka rungngangnae hoi bawilennae teh, Cathut dawk ao.Ka thaonae lungsong hoi ka kânguenae teh ka Cathut dawk ao.8Tamimaya, ama teh a yungyoe kâuep awh haw.A hmalah na lungthin rabawk awh haw.Cathut teh maimouh kânguenae doeh.9Kangduenae hmuen kârahnoumnaw ahrawnghrang lah ao awh teh,kangduenae hmuen ka rasangnaw teh, laithoe doeh.Yawcu hoi khing pawiteh, hotnaw teh ahrawnghrang hlak a pâhaw awh.10Rektapnae hah kâuep awh hanh.Thama lahoi lawp e dawk kâuep awh hanh.Hno tawnta e dawk na lungpen awh hanh.11Cathut ni vai touh a dei toe.Apâhni bout ka thai e lawk teh, bahu teh Cathut dawk ao.12Oe BAWIPA, nang teh pahrennae hoi na kawi.Nang ni tamipueng amamae tawksak e patetlah ouk na poe.