CINGTHUILAWKNAW16cth_bcf
1Lungthin hoi pouknae teh tami e doeh,hatei laihoi bout deinae teh BAWIPA koehoi e doeh.2Tami hmunae pueng heh ama ni hmunae lahoi teh a thoung,hatei BAWIPA ni muitha hah yawcu dawk a khing.3Na thaw teh BAWIPA dawk poe hawna pouknae caksak lah ao han.4BAWIPA ni bangpueng hai ama hanelah a sak.Tamikathoutnaw haiyah thoenae kâhmo hnin hanelahsak e lah ao.5A lungthin hoi kâoup e tami teh BAWIPA han lah panuet a tho,a lung kânging awh nakunghai, rek lah ao mingming han.6Lungmanae hoi yonthanae lawkkatang tehBAWIPA takinae lahoi tami ni yonnae ouk a ceitakhai.7Tami e hringnuen ni BAWIPA a lungyouk torei teh,a taran hoi patenghai a kâpo sak.8Kamsoumhoehe lahoi moikapap tawn e hlak teh,lannae lahoi yitca tawn e ahawihnawn.9Tami e lungthin ni amae lamthung ouk a pouk,hatei BAWIPA ni teh a khoktakan hah ouk a hrawi.10Siangpahrang pahni dawk Cathut lawk pâpho hane ao,lawkcengnae koe a pahni a payon sak hanelah awm hoeh.11Kânging e yawcu hoi khinglung teh BAWIPA e doeh,congko dawk e khinglung puenghai a kut thawtawknae doeh.12Thoenae lahoi sak e heh siangpahrang hanelah teh panuet a tho,bangkongtetpawiteh, bawitungkhung tehlannae lahoi caksak lah ao.13Lannae pahni teh siangpahrang hanelah konawmnae lah ao teh,lawkkatang kadeinaw hah a lungpataw.14Siangpahrang lungkhueknae teh duenae patounenaw patetlah ao,hatei tamilungkaang ni teh a roum sak han.15Siangpahrang mithmaiang dawk hringnae ao,a ngaikhainae teh a hnukteng e kho tâmai patetlah ao.16Sui hlak hai lungangnae tawn e heh banghloimaw ahawi,hahoi ngun hlak hai thaipanueknae heh kârawi hanelah ao.17Tamikalannaw e lamthung teh yonnae ceitakhai e hah doeh,a lamthung ka ring e ni a hringnae a ring.18Rawk hoehnahlan kâoupnae ao teh,rawp hoehnahlan lunglennae muitha ao.19Kâoupnae lahoi lawphno kârei hlak teh,kârahnoumnae hoi ka rahnoumcalah o e ahawihnawn.20Kâhruetcuetcalah hoi lawk ka tarawi e ni hnokahawi a hmu vaiteh,BAWIPA ka kâuep e teh tami yawkahawi e doeh.21Lungthin hoi a lungkaang e tehkho ka pouk e doeh tie lah ao vaiteh,lawkradip ni thoumthainae a pung sak.22Thaipanueknae heh ka tawn hanelah tehhringnae tuiphuek lah ao teh,tamipathunaw e cangkhainae teh pathunae doeh.23Tamilungkaang ni teh a pahni hah a cangkhai teh,a pahni hoi thoumthainae hah ouk a kâthap.24Lawkkahawi teh khoipha patetlah ao,hring nahanelah a radip teh hru hanelah damnae lah ao.25Tami pouknae lateh lamkalan lah a kamcu ei,apoutnae koe teh duenae lamthung doeh.26Thaw ka tawk e teh ama hanelah doeh a tawk,bangkongtetpawiteh a vonhlamnae pahni ni a patoun e doeh.27Cathut ka taket hoeh e ni thoenae tangkom a tai teh,a pahni teh hmaisaan patetlah ao.28Lungthin longkawi ni kâyuenae cati a kahei teh,tamcueklawk ka dei e ni hai huiko a kapek.29Kaisue e ni a imri a pasawtpanep teh,hawihoehnae lamthung dawk ouk a hrawi.30A mitmasip teh kahawihoehe dueng doeh a pouk,a pahni a kâroe sak teh thoenae dueng doeh a tâco sak.31Lannae lamthung dawk hmu e lah awm pawiteh,sampo teh bawilennae bawilakhung doeh.32Athakaawme tami hlak a lungkasaw e tami ahawihnawn,a hringnae kâcakuep thai e kaukkung tehkhopui ka lawm e hlak ahawihnawn.33Congko dawk cungpam teh rayu lah ao,hatei laideitâtuengnae pueng teh BAWIPA e doeh.