1Hateiteh Job, pahren lahoi ka dei e heh na thai pouh haw,ka lawk ka dei e heh na ngai pouh haw.2Atu ka pahni ka ang teh,ka pahni dawk hoi ka lai ni lawk a dei.3Ka lawknaw heh kalan e ka lungthung hoi a tâco teh,ka pahni ni kathounge panuenae a pâpho.4Cathut e Muitha ni na sak teh,Athakasaipounge kâha ni hringnae na poe.5Na pathung thai pawiteh na pathung haw,ka hmalah na lawk hah bout kâpouk haw.6Atangcalah tetpawiteh, kai teh Cathut hmalah lawk ka dei pouh e lah ka o,kai hai vaiphu hoi sak e lah ka o van.7Kai dawk kaawm hoeh e takinae ni na takisak roeroe han,nahoeh pawiteh, ka kut heh na tak dawk ri poung mahoeh.8Ka hnâthainae dawk na dei toung dawkvah,na lawk teh ka thai toe.9Na lawk ka ek hoeh dawkvah ka thoung,Yonnae ka tawn hoeh, payonpakainae kai dawk awm hoeh.10Hatei, kai taran nahane atueng kahawi a hmu teh,a taran patetlah na pouk.11Ka khok hah hlong na buet teh,ka lamthung pueng hah a khet na ti.12Khenhaw! hivah nang teh na lan hoeh, na pathung han,bangkongtetpawiteh, Cathut teh tami hlak a len.13Ama ni a lawk bangpatethai noutna mahoeh telah,bangkongmaw ama hah na pathoe.14Bangkongtetpawiteh, Cathut ni lam alouklah hoi lawk a dei thai,hatei, tami ni hmawt panuek hoeh.15Karum a i navah vision dawk mat ka ip e,ikhun dawk a i lahun nah,16Tami e hnâkâko hah a ang sak teh,amae cangkhainae hah a cak sak.17A sak e thung dawk hoi tami a ban teh,a kâoupnae dawk hoi hro lah ao thai nahanelah,18a hringnae hah tangkom thung hoi a kountouk teh,tahloi hoi duenae thung hoi a hringnae a rungngang.19Tami teh a ikhun dawk patawnae hoi a yue teh,a hrunaw hah puenghoi patawnae hoi a pataw sak.20Hottelah a hringnae ni rawca a panuet teh,katuipounge rawca hai a hringnae ni a panuet.21A takthai a kamsoe teh,kamnuek boihoeh e a hrunaw hah a kamnue.22A hringnae ni tangkom hah a hnai teh,a hringnae ni kathetkung hah hoehoe a hnai.23Ahni hanelah laiceinaw awm boipawiteh,kâponae kasakkung 1000 thung dawk tami buet tabang awm pawiteh,tami ni amae lannae hah a hmu sak thai nahanelah.24Ama ni tami hah a pahren teh,tangkom thung bonae koehoi ama teh a rungngang han,ratangnae buet touh ka hmu toe telah a ti.25A takthai teh camo e takthai patetlah bout ao vaiteh,a nawcanae patetlah bout ao han.26Cathut koevah a ratoum vaiteh, ama teh a lathueng vah a lunghawi han,a minhmai hah lunghawi hoi a hmu han,bangkongtetpawiteh, ama ni tami teh a lannae hoi bout a ban sak.27A huikonaw a khet teh ka yon toe,tamikalan hah ka rawp sak toe,hot teh kai hanelah banghai cungkeinae awmhoeh telah a ti.28Tangkom thung e a hringnae hah a ratang vaiteh,a hringnae ni angnae a hmu han.29Khenhaw! Cathut ni hete hnopueng heh,vai hni, atangcalah vai thum totouh tami koe a sak.30Hringnae angnae ni a ma hah a tue thai nahanelah,a hringnae tangkom thung hoi a tâco sak.31Na hnâpakeng nateh, Job na thai pouh haw,duem awm haw ka dei han.32Dei hanelah na tawn pawiteh, na pathung haw, dei haw,bangkongtetpawiteh, yon ngaithoum hane na ngaikhai poung.33Telah nahoeh pawiteh, na thai pouh haw,duem awm haw, lungangnae na dei pouh han.