Romans7
1Ơ pôp ŏh ur klô (mvăc ănh nhai bây khây tamun gưt ravwŏq), ha cồ pôp ŏh đăng gưt pành ravwŏq gĕh prơn măq u vlơ du mvu sŭng vajŏq khây mva cồ tamun nŏq hôm mrĭh ngăn hàh?2Mvăc tamun ur gĕh siklô gĕh ravwŏq rêt tănchăp bây siklô cồ hôm mrĭh bây nơm, en hê siklô chưt, nŏq pôp ur heq gĕh đŏh lŭh ntrăch a ravwŏq sĭq siklô nŏq.3Payh canŏq, sŭng lăm siklô hôm rĭh, hê pôp ur heq tăm sai bây du mvu klô ndây, nŏq nĕh chĕq an vu gưt taq bây săq cuôl pành ur lêng cani camăn. En hê siklô chưt, nŏq nĕh gĕh lahông ntrăch a ravwŏq, nĕh đăng gal cồ tamun lêng cani camăn cồ pănggrăp bây siklô ndây.4Khoi canŏq, ơ khây pôp ŏh ur klô ănh de, payh nơm pôp ŏh khoi gĕh ôp an chưt sĭq ravwŏq don săq swan Siđăch Yơt Dưnya de, chĕq an pôp ŏh gĕh tăm pănggrăp bây tamun ndây, nŏq cồ bây Candranh gĕh ôp an tao rĭh sĭq vlâq a gatŭq chưt; chĕq an vơn lŭh plây jo an Siđăch Trôq.5Mvăc lăm vơn hôm rĭh sŭng săq swan, khây can'hir cơnh bưn bap payh ju ravwŏq nchhuch ôp vrŭq sŭng khây vau swan vơn de chĕq văt tât sinlơ chưt.6Nŏq vrêq heq vơn gĕh plôq đŏh hwât ntrăch a ravwŏq, mvăc gĕh chưt sĭq bây vrŭq cồ vơn lor gĕh tănchăp rêt, payh canŏq vơn phlâq vôq chĕq ôp vrŭq bây tanrong me Siđăch Wênh de cồ đăng gal bây têr dâm sirăq sibưt de.7Canŏq, vơn nhai păch lây? Ravwŏq cồ bưn bap hàh? Vrŭq nŏq đăng sẫy lŭh gĕh. Cồ nhâng, ănh đăng singgal gưt bưn bap payh cồ đăng don a ravwŏq. Mvăc ănh đăng dân gưt bưn bap can'hir cơnh payh cồ ravwŏq đăng pađau: “May vâng can'hir cơnh.”8En cồ bưn bap, alưr lăm nhŭp sưmvŏh gĕh vadâq ju ganơt, văt tât ăp can'hir cơnh sŭng ănh. Mvăc đăng gĕh ravwŏq nŏq bưn bap chưt.9Măt ndây, lor aheq, ănh hôm mrĭh payh đăng gĕh ravwŏq, nŏq alưr lăm ganơt tât, nŏq bưn bap pruh tao rĭh,10En ănh heq pôq chưt. Bây ganơt cồ vrŭq têch iau tât sinlơ hôm mrĭh, nŏq nĕh gĕh sây dân ca sinlơ chưt cồ sĭq bây ănh.11Mvăc alưr lăm sưmvŏh gĕh vadâq don lăp ganơt, bưn bap gĕh tagat ănh, en payh ju nŏq, nĕh tachưt ănh.12Canŏq, ravwŏq cồ gŭn, ganơt khoi cồ gŭn, yăh sŏng, bây lamưn yăh.13Canŏq, vrŭq lamưn yăh phŭch pành jêng sinlơ chưt an ănh iưn hàh? Vrŭq nŏq đăng sẫy lŭh gĕh. Palâq sĭq vlâq, chĕq don ju vrŭq lamưn yăh, bưn bap mơ dir prang lŭh dân cồ bưn bap, nŏq cồ vrŭq văt tât sinlơ chưt sŭng ănh, en payh ju ganơt, bưn bap cồ jêng lŭh viêm chhâc vyăq van'han.14Mvăc vơn gưt pành ravwŏq cồ gŭn măn, en nơm ănh heq cồ săq swan, gĕh tăch chĕq ôp dĭch atĕh bưn bap.15Mvăc ănh đăng dân gưt vrŭq ănh ôp lŭh. Mvăc đăng gal ănh ôp vrŭq cồ ănh cơnh. Aheq ănh ôp vaih cồ vrŭq ănh ncom.16En hê ănh ôp vrŭq cồ ănh đăng cơnh, nŏq ănh khoi du nuih bây ravwŏq pành ravwŏq cồ rom yăh.17En vrêq heq nơm ănh đăng hôm ôp vrŭq nŏq wŏq, en payh cồ bưn bap gŭq sŭng nơm ănh!18Mvăc ănh gưt pành sinlơ yăh đăng gŭq sŭng ănh, nŏq cồ sŭng săq swan ănh. Mvăc nuih cơnh vrŭq yăh nĕh gât gŭq sŭng nơm ănh, en ôp lŭh vrŭq yăh nŏq đăng ôp gĕh.19Mvăc vrŭq yăh cồ ănh cơnh nŏq ănh đăng ôp, en vrŭq viêm chhâc cồ ănh đăng cơnh, nŏq vaih ănh ôp bây.20En hê ănh ôp vrŭq cồ nơm đăng cơnh, nŏq đăng gal nơm ănh ôp vrŭq nŏq wŏq, nŏq cồ bưn bap gŭq sŭng nơm ănh.21Payh canŏq, ănh singgal lŭh ravwŏq heq sŭng ănh, nŏq cồ sŭng con tamun ngwân cơnh ôp vrŭq yăh heq, nŏq cồ sinlơ viêm chhâc gât hôm gŭq sŭng ănh.22Mvăc ănh vui cơnh sĭq ravwŏq Siđăch Trôq de bây con tamun sŭng di lăm.23En ănh sên sây gĕh du ravwŏq ndây sŭng khây vau swan nơm tăm pâm tăm chŏl vlâq ravwŏq sŭng nuih tôr ănh bây nĕh nhŭp phlâq ănh ôp bây ravwŏq bưn bap, cồ ravwŏq gât hôm gŭq sŭng khây vau swan ănh je.24Ănh cồ du mvu tamun lŏh sat lŭng! Vu lây yơt ănh lŭh ntrăch a rup swan sinlơ chưt de heq?25May mo Siđăch Trôq don Siđăch Yơt Dưnya Yêsu, Siđăch vơn de! Mvăc canŏq en payh, sŏq bây vôq tôr, nơm ănh tachŏq an ravwŏq Siđăch Trôq de, en bây săq swan nŏq chĕq an ravwŏq bưn bap de.
FAR EAST BROADCASTING COMPANY