Romans5
1Payh canŏq, mvăc gĕh cuôl pành sŏng yăh don a tôq camvân, vơn nhâng wŏq sŏq gĕh sinlơ tăm la-êr bây Siđăch Trôq don Siđăch vơn, cồ Siđăch Yơt Dưnya Yêsu,2cồ don ju Candranh nŏq, vơn sŏq sinlơ tôq camvân khoi lăq gĕh trong lăp sŭng sinăc yăh heq, cồ gatŭq vơn gĕh tao yăq kranh gajăp u vlơ, bây vơn lơ vôq don vlơ sinlơ camvân sĭq sinlơ sindraq sindil Siđăch Trôq de.3Payh đăng gal cồ ayh canŏq, en khây vơn hôm lơ vôq sŭng gŏq sinlơ rabăh rabơp, mvăc gưt pành sinlơ rabăh rabơp văt tât prơn camhlăng chĕq wŏq vadâng truh;4en cồ prơn camhlăng wŏq vadâng heq văt tât sinlơ rom tagăh gĕh vŭh pănjôn, en sinlơ rom tagăh gĕh vŭh pănjôn heq văt tât sinlơ don camvân.5En hôm sinlơ don camvân nŏq đăng ôp pachĕq sinlơ camvân, mvăc sinlơ sinđach Cô Voq de gĕh rung tŭh lăp sŭng nuih talaq vơn de don ju Siđăch Wênh, Candranh cồ gĕh paq an vơn iưn.6En ndŏh cồ lĕq, lăm vơn hôm mo cồ khây tamun ndŏh gĕh prơn, payh lăp sŏng vadâq nŏq, Siđăch Yơt Dưnya chưt ala an khây tamun ndŏh tôq.7Nhâng đăng dê gĕh vu lây chưt ala an tamun yăh sŏng. Cồ pành gĕh tamun khoi thêng chưt ala an tamun yăh talaq.8En Siđăch Trôq an vơn sây sinlơ sinđach nơm Nĕh sĭq bây khây vơn, nŏq cồ lăm vơn hôm mo cồ tamun bưn bap, nŏq Siđăch Yơt Dưnya chưt ala an vơn.9Nŏq, avrêq, lăm cồ gĕh cuôl pành sŏng yăh don a n'ham Siđăch, nŏq vơn pành nhâng gĕh yơt ntrăch a sinlơ măq nuih gŏq dông wŏq don u Siđăch.10Mvăc hê khây vơn, cồ pành tamun tăm chŏl, en gĕh tăm rawa yăh bây Siđăch Trôq don u sinlơ chưt Con Nĕh de, nŏq lăm gĕh tăm rawa èn, nŏq vơn nhâng gĕh yơt don sinlơ hôm mrĭh Siđăch de gŏq dông wŏq.11En đăng gal ayh canŏq, vơn hôm lơ vôq u sŭng Siđăch Trôq don ju Siđăch vơn, cồ Siđăch Yơt Dưnya Yêsu, cồ don u Nĕh, vrêq heq vơn gĕh wŏq sinlơ tăm rawa la-êr.12Payh ơ vrŭq nŏq, dân ca ayh cồ du mvu nŏq bưn bap lăp sŭng dưnya heq, en payh cồ ju bưn bap sinlơ chưt, canŏq sinlơ chưt khoi tăm têp răp lam lĕq con tamun, mvăc payh u sinlơ nŏq cồ ăp ndu jêng ayh bưn bap.13Mvăc di tât vadâq ravwŏq de, nŏq bưn bap vênh lam sŭng dưnya heq èn, payh bưn bap hôm ndŏh gĕh tinh di tât lăm cồ ndŏh gĕh ravwŏq.14Cồ canŏq, sinlơ chưt sa vôq a nggơih A-đam di tât nggơih Môi-se, tât daq lawân u vlơ khây tamun cồ đăng tagoq tât bưn bap simơ dân ca sinlơ tagoq bap A-đam de, en nĕh cồ rup nggui sĭq Candranh cồ gĕh tât.15Cồ canŏq, sinlơ tĭh wil đăng dân ca sinăc paq an bây tanrong canŏq. Mvăc payh ơ sinlơ ôp tĭh du mvu ngăn ôp an gŏq ndu chưt, nŏq sinăc yăh Siđăch Trôq de, nggâm sinlơ paq an don ju sinăc yăh du mvu de, nŏq cồ Siđăch Yơt Dưnya Yêsu, chĕq ân an gŏq ndu cồ vênh canăh gŏq dông wŏq!16Păch yăh nŏq đăng gal dân ca sŏq ju vrŭq du mvu bưn bap. Mvăc cồ sinlơ wŏq dôih lŭh a du mvu, văt tât sinlơ sa dôih, payh pơq vôq a cồ gŏq sinlơ bưn bap, sinăc yăh dăh tât sinlơ cuôl sŏng yăh.17Mvăc payh sinlơ bưn bap cồ du mvu de, en sinlơ chưt jơ vôq pành ju tamun nŏq, en payh khây tamun wŏq gĕh sinlơ vênh rămvi păch yăh an ngăn nggâm sinăc paq an sĭq sinlơ sŏng yăh pành gĕh jơ vôq gŏq dông wŏq sŭng sinlơ hôm mrĭh don du mvu, nŏq cồ Siđăch Yơt Dưnya Yêsu.18Payh canŏq, mŏq pành ơ du sinlơ tĭh bưn bap iau ăp du lăp sŭng sinlơ sa dôih, nŏq payh ơ du vrŭq ôp yăh sŏng khoi iau ăp du sĭq tât sinlơ yăh sŏng cồ sinlơ hôm mrĭh de ca nŏq.19Mvăc tât daq canŏq caheq payh ju sinlơ đăng tôq iêt du mvu de, ôp an gŏq ndu jêng tamun bưn bap, nŏq khoi don ju sinlơ tôq chăng du mvu de ôp an gŏq ndu gĕh jêng yăh sŏng dân canŏq.20Măt ndây, ravwŏq gĕh trŭq lăp chĕq sinlơ baq tagoq bưn bap du gŏq dông. En tŭq lây bưn bap vênh gŏq, nŏq sinăc yăh vênh rămvi dông wŏq,21chĕq an bưn bap văt vôq sŭng sinlơ chưt canŏq caheq, nŏq sinăc yăh khoi văt vôq don sinlơ yăh sŏng dân canŏq chĕq saq tât sinlơ hôm mrĭh wân lawân, don Siđăch Yơt Dưnya Yêsu, Siđăch vơn de.
FAR EAST BROADCASTING COMPANY