Revelation18
1Alưr khây vrŭq nŏq ănh sây du con gŭn ndây rŏh jưr a trôq, gĕh kwiềng măq lŭng, en ntĕh gĕh sol silang payh ơ sindraq sindil con gŭn nŏq de.2Nggâm bây camvŭm nhai vênh prơn camhlăng, con gŭn nŏq sec tayh, pành:“Ba-bi-lôn măq talĭh èn!Nĕh jêng gatŭq gŭq khây chaq sŭh de,gatŭq n'un nơm khây wênh chhŭq chhau de,bây gatŭq n'un khây sinlơ sŭm chhŭq cavơm de, nhâng viêm vôt lŭng.3Mvăc lĕq khây daq palây vanhưl payh ơ alăc măq nuih sĭq sinlơ cani camăn nĕh de,khây vatau vlơ ntĕh ôp bap cani camăn bây nĕh,khây tamun tăch vro vlơ ntĕh gĕh gan'hăp hao don prơn camhlăng u sinlơ rĭh bap bưn nĕh de.”4En ănh chăng du camvŭm ndây a vlơ trôq nhai:“Ơ văl ănh, sô lŭh ntrăch a nŏq,chĕq khây con đăng tabaq lăp khây bưn bap nĕh de,bây chĕq khây con đăng wŏq tŭq khây sinlơ rabăh rabơp nĕh de.5Mvăc bưn bap nĕh de chhâl vŭq tât trôq,bây Siđăch Trôq gĕh căh sĭq vlâq khây vrŭq ôp viêm chhâc nĕh de.6Căh ôp an nĕh khoi dân ca nĕh gĕh ôp,bây căh trŏh sĭq vlâq vlơ var dâq, gŏq dông a var dâq bây khây vrŭq ôp nĕh de;sŭng chwan cồ nĕh tăm valâm, căh tăm valâm an nĕh gŏq vlơ a var.7Nĕh lơq vôq iơq nơm bây rĭh palay jên gưt dâng lây,nŏq sô an nĕh sinlơ jicôr bây si-yưr nuih canŏq.Mvăc nĕh nhai sŭng talaq nĕh, pành:‘Ănh gŭq iên dân ca ur vatau,ănh đăng gal ur mrô,bây ănh đăng dâq lây pành gưt sinlơ nhim rơp.’8Payh canŏq, sŭng du năr, khây sinlơ rabăh rabơp nĕh de tavŭq tât:chưt ji, nhim rơp, dŭh pangot,en nĕh vlam chơh sŏh lawăch a ŭnh,mvăc Cô Voq cồ Siđăch Trôq, Candranh ôp dôih nĕh, cồ Candranh prơn gŭn.”9Khây vatau vlơ ntĕh, cồ khây tamun bưn bap cani camăn bây rĭh tavŭh nơm bây nĕh, nhâng nhim rơp bây ranđĭh sĭq nĕh lăm khây nĕh sây sŭmmrơn nhŭq sŏh roq nĕh,10lăm tao yăq a ngai mvăc phŭng candŭh sinlơ minlŏh minsat nĕh de, nhai:“Lŏh sat âr, lŏh sat âr an palây măq,Ba-bi-lôn, palây vênh prơn măq!Mvăc sŭng du si-ur, sinlơ sadôih may dâl tât.”11En khây tamun tăch vro vlơ ntĕh nhim rơp bây ranđih palay an nĕh, mvăc đăng hôm vu lây vro păch pom khây nĕh wŏq —12păch tăch vro a mơh, bạc, tamô tagăh, gŏch daq lênh, cŭmvai len la-it, cŭmvai paho can'ŭr, cŭmvai rom, cŭmvai paho chrach, bây ăp sinlơ chhơ n'hŭm, khây păch ôp a vla rawĕh, ăp păch ôp a chhơ yăh, a căng, a loih, a tamô ncao,13nggâm kwê, păch doq pai, jinao nthôr, jrơu tăng, n'hŭm nthôr, alăc, yầu, vanĭh vum vlang, va phe, gapu lamo, dive, asĕh bây ndĕh asĕh, nggâm dĭch năc bây wênh nggui tamun.14“Play vadâq khay pâh may de, sinlơ ngwân cơnh wênh nggui de, saq ngai ntrăch a may, ăp sinlơ gan'hăp jina bây sindraq tagăh cambet let ntrăch a may, bây khây nĕh đăng vadâq lây pành gĕh wŏng sây wŏq.”15Khây tamun tăch vro khây păch tăch vro heq, cồ khây tamun jêng gan'hăp jina, cồ tao yăq ngai ntrăch a nĕh, nhim rơp bây ranđih palay mvăc phŭng sinlơ jicôr nĕh de,16pành:“Lŏh sat âr, lŏh sat âr an palây măqgĕh dâq chuq cŭmvai len la-it,cŭmvai can'ŭr, cŭmvai paho chrach,bây gĕh ôp rom a mơh,tamô tagăh, gŏch daq lênh,17mvăc sŭng du vadâq, sinlơ gan'hăp yăh rom dân canŏq lŭh chôch lawăch.”Ăp tamun mprăng duq, ăp tamuôi saq duq tât vi lây nŏq, khây tamun ôp vrŭq vlơ duq, nggâm khây tamun ôp vrŭq sŭng daq lênh ayh tao yăq a ngai,18bây cuôl sec lăm sên sây nhŭq sŏh ndŭq nĕh de, pành: “Palây lây dân ca palây măq nŏq?”19Khây nĕh vrŏh vuh vlơ camvôq nơm bây cuôl sec, nhim rơp, ranđih palay, pành:“Lŏh sat, lŏh sat âr palây măq,gatŭq cồ ăp ndu sŭng nĕh gĕh duq vlơ daq lênhjêng gayh gan'hăp jina don păch caya nĕh,mvăc sŭng du vadâq, nĕh bị pâm tayaih.”20(“Căh vui hơn sĭq nĕh, ơ trôq,nggâm khây tamun gŭn, con tuyh bây tiêng tri,mvăc Siđăch Trôq gĕh sadôih sinlơ yăq văq khây pôp ŏh sĭq bây nĕh!”)21En du mvu con gŭn măq camhlăng iơq tăp tamô dân ca lapăl măq bây hwât jưr daq lênh, nhai:“Bây tanrong heq, palây măq Ba-bi-lônmŏh pành hwât camhlăng jưr,bây đăng vadâq lây gĕh deng sây wŏq,22mŭnh tamun lêng đờn vraq, tamun pâm đờn,nĕh ŭh camvuôt, bây nĕh khlôm panŭngđăng vadâq lây pành gĕh chăng u may wŏqkhây vu mvưt mvơđăng hôm vadâq lây pành gĕh wŏng sây u may wŏq,mŭnh ranây pĕhđăng hôm vadâq lây pành chăng gĕh u may wŏq,23ŭnh silangđăng vadâq lây pành sol silang u may wŏq,mŭnh său klô bây său urđăng vadâq lây pành chăng gĕh gatŭq may wŏq,mvăc khây tamun tăch vro may de cồ khây nĕh gĕh prơn camhlăng vlơ ntĕh,mvăc ăp daq palây vlam tagat palôm payh ju păch chin'hâu may de.24N'ham khây tiêng tri nggâm tamun gŭn,bây lĕq săq khây vu lây cồ bị tachưt vlơ ntĕh gĕh wŏng vlam u vi nĕh.”
FAR EAST BROADCASTING COMPANY