Matthew28
1Vrêq heq, a lưr năr Sa-bat, lăm ôi silang năr di muôi sŭng twâng mơch tât, gĕh Ma-ri Ma-đơ-len bây du Ma-ri ndây tât păng mơq ganăp.2Sên tĭq, du dŏq ntĕh lănggưn măq gĕh ôp lŭh, mvăc du con gŭn Cô Voq de, lăm a vlơ trôq rŏh jưr en tât mơch, palăm cŭc tamô en gŭq vlơ nŏq.3Lăm nŏq, maq ling khây cô nŏq cồ dân ca chhe lơp, hôm su ao nĕh de voq dân ca daq yŭh tamô.4Canŏq en, mvăc phŭng râm săq payh ơ con gŭn nŏq, khây congti cŏch jơ kranh nơm en jêng dân ca tamun chưt.5Aheq lăm pơq camvŭm, con gŭn nhai bây khây tamun ur: “Khây pôp vâng phŭng, mvăc ănh gưt pành khây pôp wŏng Siđăch Yêsu, cồ Candranh gĕh pâng jimâng.6Siđăch đăng gŭq u heq pà, mvăc Nĕh gĕh ôp an tao rĭh sĭq vlâq en, dip ca Nĕh gĕh nhai lor. Tât heq vồh, sên gatŭq cồ Nĕh gĕh vĭq.7En lăm jăc jâng saq hao trong, căh đơm an khây con tuyh Nĕh de pành: ‘Siđăch gĕh ôp an tao rĭh sĭq vlâq a gatŭq chưt. En sên tĭq, Siđăch saq lor pôp ŏh ur klô tât Ga-li-lê. U nŏq, pôp ŏh ur klô gĕh vlam Nĕh.’ Sên heq, ănh gĕh nhai an khây pôp gưt en nŏq.”8En lăm jăc jâng saq ntrăch a ganăp sŭng sinlơ phŭng candŭh nggâm sinlơ vui hơn âr, khây nĕh lôt saq chĕq nhai an khây con tuyh Siđăch de gưt.9Sên heq, Siđăch Yêsu vlam khây nĕh, nhai: “Khwây khây pôp!” En lăm tât mơch, khây nĕh ut jâng Siđăch en cŭh sưmvăh Nĕh.10En nŏq, Siđăch Yêsu nhai bây khây nĕh: “Vâng phŭng vầy. Căh saq nhai an khây pôp ŏh Ănh chĕq khây nĕh hao trong saq tât Ga-li-lê, en u nŏq, khây nĕh gĕh vlam Ănh.”11Vrêq heq, sŭng lăm khây nĕh saq, sên heq, var pe ndu sŭng khây congti cŏch jơ, lăm saq lăp sŭng palây, gĕh đơm sĭq vlâq an khây gru sipăm măq ăp vrŭq gĕh ôp lŭh.12En lăm gĕh tăm vatom bây khây cô camvĭnh, bây saq tât sinlơ tăm nhai en, khây nĕh an khây congti gŏq jên,13săng pành: “Căh nhai: ‘Lăm tât sŭng dŭng măng, khây con tuyh Nĕh de gĕh can'hưn rŭp Nĕh de sŭng lăm khananh vĭq.’14En hê vrŭq heq gĕh nhai tât tôr ganwâr măq, khananh wŏng camvŭm chĕq rapôt nĕh en ôp an khây pôp đăng vlam cađĕh cađông.”15Canŏq en, lăm wŏq gĕh jên, khây nĕh ôp dân ca gĕh pân pađau. Vrŭq heq gĕh tăm riq tôr parang lŭh sŭng văl Yo-thai an tât năr heq.16Lăm vrêq, mât muôi con tuyh saq tât Ga-li-lê, tât vwây gŭng cồ Siđăch Yêsu gĕh pađau an khây nĕh.17En lăm gĕh sây Siđăch, khây nĕh cŭh sưmvăh Siđăch, cồ canŏq, gĕh var pe ndu hôm nding ndăng phung.18Lăm saq tât mơch, Siđăch Yêsu nhai păch bây khây nĕh, pành: “Ăp prơn gŭn a vlơ trôq bây u tĕh ntĕh gĕh dơp an Ănh.19Payh canŏq, lăm saq, pôp ŏh căh ôp an lĕq khây văl jêng con tuyh, en ŭm vôq an khây nĕh sŭng săq Siđăch Vap, Siđăch Con bây Siđăch Wênh;20pađau tămti khây nĕh chĕq tôq jơ ăp sinlơ cồ Ănh gĕh pân pađau an pôp ŏh. En sên heq, Ănh gŭq bây pôp ŏh ăp năr an tât chôch dưnya.”
FAR EAST BROADCASTING COMPANY