Matthew15
1Alưr nŏq, khây tamun Pha-ri-si bây khây gru pađau ravwŏq a Yê-ru-sa-lem tât bây Siđăch Yêsu, nhai pành:2“Lŭh khây con tuyh Gru de ôp tĭh khây ravwŏq ađơm khây cô camvĭnh de? Mvăc khây nĕh đăng rao ti lăm sa bănh.”3Aheq lăm âh sĭq vlâq, Siđăch nhai bây khây nĕh: “Lŭh khây cô khoi ôp tĭh ravwŏq Cô Voq de payh ơ khây ravwŏq ađơm vơn de?4Mvăc Cô Voq gĕh pân pađau, pành: ‘Căh gưt deng prĭh mê vap con de,’ en ‘Vu lây raq răh vap ha mê, căh chĕq nĕh lăp gatŭq chưt.’5Palâq sĭq vlâq khây cô nhai: ‘Vu lây nhai bây vap ha mê nơm: “Hê vrŭq lây cồ con ôp văt tât sinlơ yăh an mê vap, nŏq cồ păch pađăc gĕh pađăc hao an Cô Voq iưn en,”’6en nĕh nŏq đăng ôp du păch yăh lây an vap nơm. Canŏq, khây cô hwât chĕq camvŭm Cô Voq payh ơ ravwŏq ađơm vơn de.7Ơ khây tamun gĕh tanrong mvâr tĭq! Ê-sai gĕh nhai lor dip lŭng sĭq khây cô, pành:8‘Văl heq tapơ Ănh u mŭnh u lapiêt, sŭng lăm nuih talaq khây nĕh gŭq ngai a Ănh.9En khây nĕh cŭh sưmvăh Ănh valây chĕq, lăm pađau khây ganơt cồ khây ravwŏq con tamun de.’”10En lăm cuôl con văl tât, Siđăch nhai bây khây nĕh: “Căh chăng en gưt dân:11Đăng gĕh păch lây saq lăp sŭng mŭnh ôp an du mvu lŭh sŭq cavơm, palâq sĭq vlâq nŏq cồ păch a mŭnh nhai lŭh, păch heq cồ ôp an tamun nŏq sŭq cavơm.”12Alưr nŏq, lăm tât mơch en, khây con tuyh nhai bây Siđăch: “Gru gĕh gưt pành khây tamun Pha-ri-si măq nuih lăm chăng camvŭm nŏq đăng?”13Aheq lăm âh camvŭm, Siđăch nhai: “Ăp chhơ lây cồ Vap Gŭn gayh Ănh de đăng tăm gĕh rơq tât tơm rayĕh.14Valay khây nĕh chĕq! Khây nĕh cồ khây tamun iau vôq jingo măt. En hê tamun jingo măt iau trong an tamun jingo măt, nŏq lĕq var ndu vông hlŏq jưr chhŭng.”15Vrêq heq lăm âh sĭq vlâq, Phi-e-rơ nhai bây Siđăch: “Wĭnh nhai lŭh an khananh gưt camvŭm prŭp nŏq.”16Aheq Siđăch nhai: “An tât lăm heq pôp ŏh khoi đăng dân gĕh uy?17Pôp ŏh ndŏh dân gĕh pành ăp sinlơ saq lăp sŭng mŭnh nŏq saq jưr talaq en gĕh hwât lŭh sŭng vi saq vri uy?18Hôm khây păch lŭh ntrăch a mŭnh lŭh a sŭng nuih talaq, en nĕh ôp an sŭq cavơm con tamun.19En a nuih talaq văt lŭh khây sinlơ sinâng viêm vôt, tachưt tamun, nhŭp vĭq sai vu, cani camăn, can'hưn can'hlĕq, candân mvâr, nggâm khây camvŭm nhai bap.20Nŏq cồ khây păch ôp sŭq cavơm vu, hôm vrŭq sa a ti ndŏh rao đăng ôp an sŭq cavơm vu.”21En lăm lŭh saq ntrăch a nŏq, Siđăch Yêsu sĭq vlâq tu khây ntĕh Ti-rơ bây Si-đôn de.22En sên tĭq, du mvu ur tamun Ca-na-an, alưr lăm a maq ntĕh nŏq tât, gĕh cuôl wĭnh, pành: “Cŭh Siđăch, Con vatau Đa-vit, wĭnh sinđach ănh! Con ur ănh de vlam chaq khlâm lŏh sat lŭng nggơi.”23Cồ canŏq Siđăch đăng âh sĭq vlâq nĕh du camvŭm lây. En lăm tât mơch Siđăch, khây con tuyh ngwân wĭnh Nĕh, pành: “Wĭnh Gru săng nĕh nŏq saq chĕq, mvăc nĕh côt cĕh diêt alưr vơn.”24Aheq lăm âh camvŭm, Siđăch nhai: “Ănh đăng gĕh pađăr tât, hê đăng gal an khây dive chroc voc sŭng nhi I-sơ-ra-ên de.”25Cồ canŏq lăm saq tât, tamun ur nŏq chŏl nkrŭng jưr a vôq Siđăch, nhai: “Cŭh Siđăch, wĭnh lŭh ti têch yơt con.”26Vrêq heq, lăm âh sĭq vlâq, Siđăch nhai: “Nhŭp bănh ŏh con de en hwât an so con iưn nŏq đăng yăh.”27Aheq tamun ur nŏq âh: “Cŭh Siđăch, gal canŏq, ayh cồ var pe lâm so con ngăn khoi gĕh sa a khây bănh lêch a vlơ nra nơm khây nĕh de tarŏh jưr ằm.”28Lăm nŏq, chĕq âh sĭq vlâq, Siđăch Yêsu nhai bây nĕh: “Heq ơ tamun ur tĭq, sinlơ tôq camvân pôp de măq nŏq! Vrŭq gĕh jêng an pôp dân ca pôp cơnh.” En con ur nĕh de gĕh jâc yăh a lăm nŏq.29Lăm saq ntrăch a gatŭq nŏq, Siđăch Yêsu saq poch bây vâr daq lênh Ga-li-lê, en lăm hao vlơ vuôi tabôq en, Siđăch gŭq u nŏq.30En khây mintan con văl gŏq săq saq hao bây Siđăch, gĕh khây tamun jâng pakheq, tamun jingo măt, tamun cannwe, tamun cammlo, bây gŏq tamun ndây nggâm bây khây nĕh. Vu chĕq khây tamun nŏq u jâng Siđăch, en Siđăch jâc yăh an khây nĕh,31tât daq, mintan con văl camhŏq lăm sây tamun cammlo nhai gĕh, tamun cannwe gĕh yăh, tamun jâng pakheq pơq jâng saq, en tamun jingo măt deng sây, en khây nĕh tapơ Siđăch Trôq I-sơ-ra-ên de.32Vrêq heq, lăm cuôl khây con tuyh nơm de tât, Siđăch Yêsu nhai: “Ănh sinđach an mintan con văl, mvăc khây nĕh gĕh gŭq lawân bây Ănh pe năr èn en đăng gĕh păch lây chĕq sa. Ănh đăng cơnh an khây nĕh sĭq talaq pangot, phŭng khây nĕh siyom vlơ trong.”33Khây con tuyh âh bây Siđăch: “Sŭng tamăn singot nŏq păch vi lây lŭh gĕh gŏq bănh canŏq chĕq khananh an mintan con văl gŏq săq canŏq sa hơm?”34Siđăch Yêsu nhai bây khây nĕh: “Pôp ŏh gĕh gŏq lâm bănh?” En khây nĕh âh: “Pŏh lâm, nggâm var pe lâm ca ken.”35En lăm săng mintan con văl gŭq jưr vlơ ntĕh,36Siđăch văt pŏh lâm bănh nggâm var pe lâm ca, en alưr lăm may mo, Siđăch gĭq lŭh dơp an khây con tuyh, en khây nĕh tăm paq an mintan con văl.37Con văl lĕq săq sa en gĕh hơm talaq. Khây nĕh vatom pŏh la-i vênh păch canăh a khây bănh lêch.38Lăm vrêq, tamun cồ sa cơp gĕh puôn ravu ndu tamun klô, đăng cơp tamun ur bây con se.39Lăm an con văl sĭq en, Siđăch lăp sŭng duq en saq tât ntĕh Ma-ga-đan.
FAR EAST BROADCASTING COMPANY