Matthew1
1Sirăq chhe njang Candranh Krit Yêsu de, con sinau Đa-vit, con sinau Ap-ra-ham:2Ap-ra-ham dĕh I-sac, I-sac dĕh Ya-côp, Ya-côp dĕh Yu-đa bây pôp ŏh nĕh de,3Yu-đa gŭq saq bây Tha-ma dĕh Phê-rêt bây Sê-rach, Phê-rêt dĕh Hêt-rôn, Hêt-rôn dĕh A-ram,4A-ram dĕh A-mi-na-đap, A-mi-na-đap dĕh Na-ach-son, Na-ach-son dĕh Sanh-môn,5Sanh-môn gŭq saq bây Ra-hap dĕh Bô-ô, Bô-ô gŭq saq bây Ru-tơ dĕh Ô-bêt, Ô-bêt dĕh Ye-sê,6Ye-sê dĕh vatau Đa-vit, Đa-vit gŭq saq bây si-ur U-ri de dĕh Sa-lô-môn,7Sa-lô-môn dĕh Rô-bô-am, Rô-bô-am dĕh A-bi-ya, A-bi-ya dĕh A-sa,8A-sa dĕh Yô-sa-phat, Yô-sa-phat dĕh Yô-ram, Yô-ram dĕh Ô-sia.9Ô-sia dĕh Yô-tam, Yô-tam dĕh A-cha, A-cha dĕh Ê-sê-chia,10Ê-sê-chia dĕh Ma-na-se, Ma-na-se dĕh A-môn, A-môn dĕh Yô-si-a,11Yô-si-a dĕh Yê-cô-nia bây pôp ŏh nĕh de sŭng dâq ôp dĭch u Ba-bi-lôn,12en alưr dâq saq ôp dĭch u Ba-bi-lôn, Yê-cô-nia dĕh Sa-la-thi-ên, Sa-la-thi-ên dĕh Sô-rô-ba-bên,13Sô-rô-ba-bên dĕh A-bi-ut, A-bi-ut dĕh Ê-li-a-kim, Ê-li-a-kim dĕh A-sô,14A-sô dĕh Sa-đôc, Sa-đôc dĕh A-chim, A-chim dĕh Ê-li-ut,15Ê-li-ut dĕh Ê-lê-a-sa, Ê-lê-a-sa dĕh Ma-than, Ma-than dĕh Ya-côp,16Ya-côp dĕh Yô-sep, siklô Ma-ri de, en a nĕh, Siđăch Yêsu, Candranh gĕh cuôl pành Siđăch Yơt Dưnya, gĕh dĕh jưr.17Canŏq, lĕq khây nggơih a Ap-ra-ham tât Đa-vit gĕh mât puôn nggơih, a Đa-vit tât dâq saq ôp dĭch u Ba-bi-lôn gĕh mât puôn nggơih, en a dâq saq ôp dĭch u Ba-bi-lôn tât Candranh Krit khoi gĕh mât puôn nggơih.18Sinlơ dĕh jưr Candranh Krit Yêsu de nĕh caheq: Lăm Ma-ri, mê Nĕh, gĕh tăm lŭp bây Yô-sep, cồ canŏq lor a lăm khây nĕh tăm gŭq saq simơ, Ma-ri gĕh rŏh vŭn a Siđăch Wênh.19Hôm Yô-sep, siklô nĕh, cồ tamun yăh sŏng, en mvăc đăng cơnh parang vrŭq nĕh de lŭh, nŏq nĕh cơnh lăq chĕq Ma-ri chŏq ramŏq.20Cồ canŏq, sŭng lăm nĕh sinâng sĭq khây vrŭq nŏq, aheq sên tĭq, con gŭn Cô Voq de lŭh bây nĕh sŭng lăm vĭq vơq, nhai: “Ơ Yô-sep, con sinau Đa-vit, pôp vâng phŭng vrŭq sai Ma-ri ôp si-ur vầy, mvăc Con Se cồ gĕh rŏh vŭn sŭng nĕh cồ a Siđăch Wênh.21Nĕh nhâng dĕh du lâm Con klô, en pôp căh tan'hya săq an con pành Yêsu, mvăc Con nŏq yơt văl vơn lŭh ntrăch a bưn bap khây nĕh de.”22Ăp vrŭq heq gĕh ôp lŭh chĕq dip bây camvŭm cồ gĕh Cô Voq nhai don tiêng tri, pành:23“Căh sên tĭq, ur drŭh palâng rŏh vŭn, en dĕh du lâm con klô, en vu cuôl săq Nĕh pành Em-ma-nu-ên” — gĕh yịch pành “Cô Voq gŭq bây vơn.”24En lăm gĕh pre căh a vĭq, Yô-sep ôp dân ca con gŭn Cô Voq de gĕh pân pađau en sai Ma-ri chĕq ôp si-ur nơm.25Cồ canŏq, nĕh đăng gŭq saq simơ bây Ma-ri an tât lăm Ma-ri dĕh du lâm Con klô. En nĕh cuôl săq con nŏq cồ Yêsu.
FAR EAST BROADCASTING COMPANY