Mark5
1En khây nĕh saq tu maq tŏq vâr daq lênh, tât sŭng palây Yê-ra-sê.2Lăm Siđăch lŭh ntrăch a duq, sưmmrât, gĕh du mvu vlam chaq yang khlâm a rông camhôch saq lŭh wŏq Siđăch,3tamun heq gĕh gatŭq rĭh u sŭng rông camhôch, en đăng gĕh vu lây gĕh prơn jơ nĕh gĕh uy, cồ sŏq đé chhe loih nhâng đăng truh,4mvăc gŏq dâq vu tănchăp nĕh don a tacông bây chhe sênh, en nĕh gĭq chăch chhe sênh, bây pâm pachăh tacông, en đăng gĕh tamun lây cồ lôch prơn chĕq khăq jơ nĕh gĕh.5Lĕq năr sĭq măng sŭng lĕq rông camhôch nggâm vlơ khây gŭng canăng, nĕh cuôl sec nggâm chrĕh chit rup nơm a tamô sôt.6Lăm sây Siđăch Yêsu a ngai, nĕh mprăng tât en vĭq ncŭp u vôq măt Siđăch.7Măq mŭnh cuôl sec, nĕh nhai: “Ơ Yêsu, Con Siđăch Trôq Măq Mi, ănh bây Cô gĕh păch lây đăng? Ănh wĭnh Cô sŏq săq Siđăch Trôq, vâng ôp pagơq ănh vầy.”8Mvăc Siđăch Yêsu gĕh nhai bây nĕh, pành: “Ơ chaq camhôch tĭq, saq lŭh ntrăch a tamun heq.”9Siđăch Yêsu lŭp nĕh: “May păch săq?” Chaq âh bây Siđăch: “Săq ănh je cồ Bĭnh ya, mvăc khananh gŏq săq lŭng.”10En nĕh côt kĕh wĭnh bây Yêsu pành Siđăch vâng dăh khây nĕh lŭh ntrăch a vi nŏq.11Lăm nŏq, u nŏq gĕh du mintan sŭr gŏq lŭng gĕh lơi sa u vlơ gŭng,12nŏq khây nĕh wĭnh Siđăch, pành: “Wĭnh an khananh lăp sŭng du mintan sŭr tĭq, chĕq khananh saq khlâm lăp khây sŭr.”13Siđăch an Khây chaq, en lăm lŭh ntrăch nŏq khây chaq yang khlâm lăp mintan sŭr, nŏq mintan sŭr — mơch var ravu lâm — a tabôq gŭng lôt jăc jưr chhuôi daq lênh en chưt tavŭq sŭng daq lênh.14Khây tamun tê sŭr mprăng sĭq du nggâm nhai lŭh vrŭq nŏq u sŭng palây pala nggâm u sŭng sindruc, nŏq văl ganơ saq tât chĕq sên khây vrŭq cồ gĕh ôp lŭh.15Khây nĕh tât tŭq Siđăch Yêsu en sây tamun cồ chaq khlâm — nŏq cồ tamun vlam Bĭnh ya chaq khlâm lăp — gŭq u nŏq, gĕh chuq sŏh ao mphla yăh sĭq vlâq nggâm sây dân vôq tôr nĕh tanggăh sĭq vlâq, nŏq khây nĕh phŭng lŭng.16Khây tamun cồ gĕh sây gưt nhai vlâq an khây nĕh chăng vrŭq gĕh ôp lŭh canŏq caheq an tamun chaq khlâm bây vrŭq sĭq mintan sŭr.17En khây nĕh pơq mŭnh côt kĕh wĭnh Siđăch Yêsu lŭh ntrăch a palây nơm de.18Lăm Yêsu saq jưr lăp duq, tamun cồ gĕh vlam chaq khlâm wĭnh Siđăch chĕq nĕh gĕh gŭq bây Siđăch.19Siđăch Yêsu đăng an nĕh, nŏq nhai bây nĕh: “Sĭq tu nhi pôp de, tât bây khây pôp ŏh pôp de chĕq nhai sĭq vlâq an khây nĕh gưt vrŭq măq Siđăch gĕh ôp an pôp nggâm canŏq caheq Cô Voq gĕh sinđach pôp.”20Em nŏq, nĕh lŭh saq en jưr vôq nhai lŭh sŭng ntĕh Đê-ca-bô-lơ sĭq vrŭq măq mi canŏq caheq cồ Siđăch Yêsu gĕh ôp an nơm iưn, en vu lây khoi camhơi rơi.21Alưr lăm Siđăch Yêsu gŭq vlơ duq saq tu maq tŏq vâr daq du dâq wŏq, gĕh du mintan văl ganơ gŏq săq tăm vatom vlâq rawênh Siđăch, nŏq Siđăch gŭq u vâr daq lênh.22Tĭq, muôi sŭng khây tamun sên vôq nhi tăm vatom, săq nĕh de cồ Jai-ru, saq tât, en lăm sây Siđăch Yêsu, nĕh chŏl nkrŭng jưr u jâng Siđăch.23Nĕh côt kĕh wĭnh Siđăch nŏq nhai pành: “Con ur ken ănh mơch chưt èn. Wĭnh Gru tât nŏq Gru chĕq ti vlơ nĕh an chĕq nĕh gĕh ranô yăh bây gĕh hôm mrĭh.”24En nŏq Siđăch Yêsu saq bây nĕh, con văl gŏq săq khoi saq bây Siđăch nggâm piêt rawênh Siđăch.25Gĕh du mvu ur ji lŭh n'ham lĕq mât var mva en,26nĕh payŭh payăh lŭng sĭq ti khây gru tăch jrơu bây lĕq jên lĕq caih nơm de, nŏq đăng gĕh păch lây, nŏq palâq vlâq, ji nŏq hôm mo vyăq dông,27alưr gĕh chăng nhai sĭq Siđăch Yêsu, nŏq saq tât mơch alưr Siđăch Yêsu vlăc canđal con văl, nĕh rapâq lăp ao Siđăch.28Mvăc nĕh sinâng pành: “Hê ănh rapâq lăp ayh ao Siđăch ngăn, nŏq ănh khoi lĕq ji.”29Nhâng sưmmrât, păch ji lŭh n'ham nĕh de đăng lŭh wŏq, en nĕh gưt sŭng rup nơm, pành sŭng nơm gĕh sinlơ ranăm lĕq ji.30En nŏq, Siđăch Yêsu, gưt sŭng nơm Nĕh pành du prơn camhlăng gĕh lŭh a Nĕh, nŏq pale sĭq tu mintan gŏq săq tĭq, Siđăch lŭp pành: “Vu lây cồ rapâq lăp ao Ănh je?”31Khây con tuyh Siđăch âh bây Nĕh: “Cô sây con văl gŏq săq lŭng gĕh piêt Cô, lŭh Cô hôm lŭp: ‘Vu lây rapâq lăp Ănh’ canŏq?”32Siđăch Yêsu deng rawênh chĕq sên vu lây cồ ôp păch nŏq.33Nŏq vrêq, tamun ur nŏq, mvăc nĕh gưt nŏq phung candŭh bây râm săq, gưt gĕh păch ôp lŭh sŭng rup nơm, nŏq nĕh tât, pin jưr u jâng Siđăch en nhai lŭh lĕq an Siđăch ăp sinlơ cồ nĕh ôp.34Nŏq Siđăch Yêsu nhai bây nĕh: “Ơ con ur, sinlơ tôq camvân con de gĕh ranăm con. Saq yăh sŭng sinlơ yăh song săq nggâm gĕh camhlăng ntrăch a sinlơ ji con de.”35Sŭng lăm Siđăch Yêsu hôm mo nhai, gĕh khây tamun a nhi tamun sên nhi tăm vatom tât nhai pành: “Con ur cô de chưt èn. Vâng ôp tabaq Gru wŏq?”36Nŏq lăm gĕh iêt chăng camvŭm khây nĕh nhai, Siđăch Yêsu nhai bây tamun jơ sên nhi tăm vatom: “Vâng phŭng vầy, ayh tôq camvân ngăn.”37Siđăch Yêsu đăng an vu lây saq bây Nĕh, ayh Phi-e-rơ, Ya-cơ bây Yăng, cồ ŏh Ya-cơ.38Siđăch saq tât nhi tamun sên nhi tăm vatom en sây ăp ndu ôp ngây nga bây nhim rơp nggâm cồ đơm ca wai.39Lăm saq lăp, Siđăch nhai bây khây nĕh: “Lŭh khamay jưl nuih bây nhim rơp? Con se đăng chưt, nŏq nĕh ayh vĭq ngăn.”40En nŏq khây nĕh gơm chhŏh Siđăch, nŏq lăm gĕh dăh lĕq khây nĕh lŭh ling, Siđăch têch bây mê, vap con se de nggâm khây tamun saq bây Siđăch, en Siđăch tât gatŭq con se vĭq.41Alưr văt ti con se, Siđăch nhai bây con se: “Ta-li-tha, cum!” camvŭm nŏq cồ gĕh gưt caheq: “Ơ con ur, Ănh săng con tao yăq vồh.”42En sưmmrât, con ur nĕh prŭh tao bây saq, (mvăc nĕh gĕh mât var mva en), en khây tamun u nŏq sây krăq krây, camhơi rơi lŭng.43Siđăch măq mŭnh pân pađau khây nĕh pành vâng an vu lây gưt păch heq, bây Siđăch nhai bây khây nĕh an con se sa.
FAR EAST BROADCASTING COMPANY