Mark3
1Siđăch Yêsu saq lăp sĭq vlâq nhi tăm vatom, en gĕh du mvu nhot lapăng ti nĕh gŭq u nŏq.2Khây nĕh gŭq cŏch sên Siđăch ăp dâq, gĕh gal Siđăch ranăm an tamun ji nŏq sŭng năr Sa-bat đăng, chĕq khây nĕh yăq Siđăch Yêsu.3Siđăch nhai bây tamun gĕh lapang ti nhot: “Sô lŭh tao yăq lăp vlăc canđal heq.”4En Siđăch lŭp khây nĕh: “Sŭng năr Sa-bat gĕh ôp vrŭq yăh ha vrŭq viêm; yơt tamun ha tachưt tamun?” En khây nĕh gŭq krap singêt.5Alưr dơp măt deng khây nĕh bây hao nuih, si-yưr nuih mvăc nuih talaq khây nĕh kranh lŭng, Siđăch nhai bây tamun nhot ti: “Vrêq ntŏng lapang ti pôp de lŭh.” Tamun nŏq ntŏng lŭh nŏq lapang ti nĕh gĕh yăh.6Nŏq lăm saq lŭh ling en, Khây tamun Pha-ri-si bây khây tamun sĭq maq Hê-rôt dŭh dăh tăm nhai wŏng trong chĕq tăm chŏl sĭq vlâq Siđăch, ôp lăm lây chĕq khây nĕh gĕh tơm tachưt Siđăch.7Siđăch Yêsu nggâm khây con tuyh Nĕh de diêr saq tu maq daq lênh, en du mintan tamun gŏq săq lŭng saq bây a palây Ga-li-lê, a palây Yu-đê,8a palây Yê-ru-sa-lem, nggâm a palây I-đu-mê nggâm bây palây maq tŏq nlê Yô-đanh, dân ca rawênh palây Ti-rơ bây palây Si-đôn, mvăc iêt chăng gưt gŏq vrŭq Siđăch gĕh ôp, gĕh gŏq săq văl ganơ saq tât bây Siđăch.9Siđăch săng khây con tuyh nơm ôp lăm lây sŭmmrăp sindăc an du lâm duq ken an Nĕh mvăc văl ganơ, chĕq khây nĕh đăng piêt Siđăch.10Payh canŏq Siđăch gĕh ranăm yăh an gŏq tamun, tât daq hê vu lây gĕh ji râng nŏq tăm piêt saq tât mơch Nĕh chĕq tapoq gĕh Nĕh.11Ăp dâq lây khây chaq camhôch sây Siđăch, khây nĕh gasưt măt u vôq măt Siđăch, en cuôl măq mŭnh, nhai pành: “Gru cồ Con Siđăch Trôq.”12Siđăch măq mŭnh chih lăh khây nĕh chĕq khây nĕh đăng nhai an vu gưt sĭq Nĕh.13Siđăch Yêsu saq hao tu vlơ gŭng en cuôl khây tamun cồ nơm Nĕh cơnh, aheq khây nĕh saq tât tu Siđăch.14Siđăch iơq săch mât var ndu (khây tamun cồ Siđăch nhâng gĕh cuôl ôp con tuyh), chĕq khây nĕh gŭq bây Siđăch nggâm chĕq Siđăch pađăr khây nĕh saq nhai camvŭm Cô Voq de,15nggâm ca paq an chin'hâu dăh chaq.16Siđăch săch sŏq mât var ndu: bây Si-môn, Siđăch tan'hya săq Phi-e-rơ;17Ya-cơ, con klô Sê-bê-đê, bây Yăng, ŏh Ya-cơ, cồ khây tamun Siđăch gĕh tan'hya săq pành Bô-a-net, săq nŏq cồ khây con klô lơp tŏh târ;18nggâm Anh-rê, Phi-lip, Ba-thê-lê-mi, Ma-thi-ơ, Thô-ma, Ya-cơ con klô A-phê, Tha-đê, Si-môn Sê-lôt,19bây Yu-đa Ich-ca-ri-ôt, nĕh cồ tamun iau vu nhŭp Siđăch.20Siđăch lăp sŭng du rot nhi, en con văl đưc tât du dâq wŏq, tât daq Siđăch nggâm khây con tuyh nŏq khây nĕh đăng sa bănh gĕh.21Lăm nŏq khây pôp ŏh sŭng chhe hwai Siđăch chăng canŏq, khây nĕh saq tât chĕq jơ Siđăch, mvăc khây nĕh nhai pành: “Yêsu nrui en.”22Khây gru pađau ravwŏq, cồ khây tamun saq jưr a palây Yê-ru-sa-lem, nhai pành: “Nĕh heq vlam chaq Bê-ên-sê-bun khlâm,” en nhai: “Don prơn vatau chaq nŏq nĕh dăh chaq.”23Nŏq lăm nŏq gĕh cuôl khây nĕh tât bây nơm, Siđăch Yêsu nhai bây khây nĕh don a dŭng: “Mŏq chaq Satan dăh chaq Satan di gĕh?24Hê sŭng du daq tăm paklăh tăm pâm ndăng ganai, nŏq daq nŏq đăng kram gân gĕh.25Hê sŭng du caniêp gĕh sinlơ tăm paklăh tăm chŏl sĭq vâq ndăng nơm, nŏq caniêp nŏq đăng kram gân an di gĕh.26Nŏq hê Satan saq hao tăm pâm sĭq vlâq bây nơm en tăm paklăh, nŏq nĕh đăng gŭq kram gĕh, nŏq cồ tât năr vlam sinlơ chôch lawăch.27Palâq vlâq bây vrŭq tăm chŏl ndăng nơm, lăm gĕh lăp sŭng nhi tamun camhlăng prơn, đăng gĕh vu lây gĕh prơn sŏq can'hưn păch caya nĕh nŏq de hê cơnh canŏq nŏq tănchăp nĕh nŏq lor, en alưr nŏq mơ sŏq can'hưn nhi nĕh.28Nhâng canŏq, Ănh nhai bây khamay, pành ăp sinlơ bưn bap khây ŏh con tamun de nŏq gĕh hwât lĕq, an nŏq cồ lawân khây camvŭm chhât tagoq tât Cô Voq cồ khây nĕh nhai lŭh,29Palâq sĭq vlâq hê vu lây nhai chhât tagoq tât Siđăch Wênh, nŏq đăng gĕh hwât tât wân lawân, nŏq tamun nŏq gĕh mvăq bưn bap wân lawân.” —30Siđăch nhai canŏq mvăc vu nhai: “Nĕh heq vlam chaq yang khlâm.”31Mê Siđăch bây pôp ŏh Siđăch de tât, nŏq lăm tao yăq u ling, khây nĕh don vu nhai an Siđăch, cuôl Siđăch lŭh.32Con văl gŭq rawênh Siđăch Yêsu, en vu nhai bây Siđăch: “Sên tĭq, mê Gru bây pôp ŏh Gru gŭq u ling tĭq, saq wŏng Gru.”33Âh vlâq khây nĕh, Siđăch nhai: “Vu lây cồ mê Ănh nggâm khây pôp ŏh Ănh?”34En alưr lăm sŏq măt deng khây tamun gŭq vênh rawênh nơm, Siđăch nhai: “Heq sên hèq, mê Ănh bây khây pôp ŏh Ănh!35Mvăc hê vu lây ôp bây camvŭm Siđăch Trôq, nĕh nŏq cồ pôp ŏh klô, pôp ŏh ur, bây mê Ănh.”
FAR EAST BROADCASTING COMPANY