Mark11
1Lăm khây nĕh saq mơch tât palây Yê-ru-sa-lem en, tât palây Bê-pha-yê bây palây Bê-tha-ni, sĭq maq gŭng Ô-liu, Siđăch săng var ndu con tuyh nơm saq,2en nhai bây khây nĕh: “Căh saq lăp sŭng palây avôq măt pôp ŏh, lăm a saq lăp tât nŏq, pôp ŏh gĕh sây du lâm con asĕh răch con cồ vu tănchăp, hôm ndŏh gĕh vu lây hao vlơ nĕh. Saq đŏh chhe tănchăp an nĕh en têch nĕh sĭq heq.3Hê vu lây nŏq lŭp pôp ŏh: ‘Lŭh khây pôp ôp păch nŏq?’ nŏq âh pành: ‘Siđăch gĕh vrŭq cơnh don nĕh en Siđăch nhâng dơp nĕh sĭq vlâq.’”4Khây nĕh saq en sây du con asĕh răch con cồ vu tănchăp u vôq pông aling maq trong, nŏq khây nĕh đŏh chhe lŭh an nĕh.5Gĕh var pe ndu tao yăq u nŏq nhai bây khây nĕh: “Var ndu pôp gĕh ôp păch lây lŭh đŏh chhe tănchăp asĕh răch con nŏq?”6Khây nĕh âh vlâq bây khây tamun nŏq dân ca Siđăch Yêsu gĕh pân, en khây tamun nŏq chĕq an khây nĕh saq.7Khây nĕh têch asĕh răch con sĭq an Siđăch Yêsu en lăq ao jong aling nơm vlơ asĕh răch nŏq, en Siđăch gŭq vlơ nŏq.8Gŏq ndu lăq ao khây nĕh chĕq bây trong, hôm gĕh vu ndây, nŏq răh singging chhơ gĕh păh a tŭq ntĕh tamăn.9Lĕq khây tamun saq avôq bây khây tamun saq alưr cuôl măq: “Hô-sa-na! Tapơ payom Candranh saq tât sŭng săq Cô Voq.10Yăh vŏq âr daq vatau gĕh tât a cô jây Đa-vit vơn de! Hô-sa-na u vlơ tŭq prĭh tĭq!”11Siđăch gĕh saq lăp palây Yê-ru-sa-lem, tât sŭng nhi cŭh, en lăm gĕh sên rawênh ăp sinlơ, mvăc lăm nŏq trôq mơch mau en, Siđăch saq lŭh tât palây Bê-tha-ni bây mât var con tuyh.12Tât năr alưr, lăm khây nĕh gĕh saq lŭh ntrăch palây Bê-tha-ni en, nŏq Siđăch pangot.13Lăm sên sây du tơm chhơ vả gĕh gŏq la a vi ngai, Siđăch tât, Siđăch saq wŏng sên gĕh dâq nĕh gĕh plây lây vlơ chhơ ha đăng. Nŏq lăm gĕh tât mơch chhơ nŏq, Siđăch đăng sây gĕh păch lây ayh la ngăn, mvăc ndŏh tât khây gĕh play vả.14Chĕq vlâq vrŭq heq, Siđăch nhai bây tơm chhơ nŏq: “Aheq pŏh mvôq đăng hôm gĕh vu lây sa play a tŭq may wŏq.” Khây con tuyh Nĕh gĕh chăng camvŭm nŏq.15Lăm saq tât palây Yê-ru-sa-lem, en saq lăp sŭng nhi cŭh, Siđăch saq dăh tamun cồ tăch tamun vro sŭng nhi cŭh lŭh ling, Nĕh phlâq vông mvrăh khây tamun tăm gâl jên de bây gê khây tamun tăch sŭm vrăt de.16Siđăch đăng an vu lây văt păch lây saq găn nhi cŭh.17En Siđăch pađau khây nĕh en nhai: “Đăng gal gĕh camvŭm chêr pành: ‘Nhi Ănh nhâng gĕh cuôl nhi vơu ngwân an lĕq con văl ăp palây’ hẩng?
Nŏq lŭh khamay jêng nĕh lŭh tŭq can'hưn gan'hăp.”18Khây sipăm măq bây khây gru pađau ravwŏq chăng canŏq, nŏq khây nĕh wŏng trong chĕq khây nĕh cơnh tachưt Siđăch, mvăc khây nĕh phŭng Siđăch, nŏq lĕq văl ganơ sây krăq krây sĭq sinlơ pađau Siđăch de.19Tât mau jingo, khây nĕh saq lŭh ntrăch a palây.20Căh ôi silang, lăm saq ngăn, khây nĕh sây tơm chhơ vả lăq ro a tơm diyĕh en.21Alưr căh sĭq vlâq, Phi-e-rơ nhai bây Siđăch: “Ra-bi, sên tĭq! Chhơ vả cồ Gru gĕh chih lăq ro en.”22Lăm âh vlâq, Siđăch Yêsu nhai bây khây nĕh: “Căh gĕh sinlơ tôq camvân u Siđăch Trôq.23Nhâng, Ănh nhai bây pôp ŏh, pành vu lây nhai bây vwây gŭng heq: ‘Vrêq păr hao en tatrŏh jưr daq lênh,’ nŏq đăng gĕh vông tôr sŭng nuih talaq nơm, cớ tôq pành păch nơm nhai mơ gĕh jêng, nŏq vrŭq nŏq nhâng gĕh jêng an tamun nŏq.24Nhâng canŏq, Ănh nhai bây pôp ŏh, lĕq ăp sinlơ pôp ŏh vơu ngwân nggâm wĭnh, căh tôq pành pôp ŏh gĕh wŏq en, nŏq păch nŏq nhâng gĕh jêng an pôp ŏh.25Lăm pôp ŏh tao yăq vơu ngwân, hê pôp ŏh gĕh vrŭq tăm chŏl vlâq bây vu lây nŏq, nŏq căh hwât chĕq an, chĕq Vap pôp ŏh de cồ Candranh a vlơ Trôq nhâng hwât an pôp ŏh sĭq ăp sinlơ bưn bap pôp ŏh de.”26 (Nŏq hê pôp ŏh đăng hwât an, nŏq Vap pôp ŏh de cồ Candranh a vlơ trôq nhâng đăng hwât an ăp sinlơ bưn bap pôp ŏh de.)27En khây nĕh saq tât palây Yê-ru-sa-lem du dâq wŏq en lăm Siđăch saq sŭng nhi cŭh, khây sipăm măq, khây gru pađau ravwŏq, nggâm khây tamun camvĭnh tât bây Siđăch.28Khây nĕh nhai bây Siđăch: “Don prơn chin'hâu lây lŭh Cô ôp ăp vrŭq nŏq bây vu lây gĕh dơp an Cô prơn chin'hâu heq chĕq Cô ôp gĕh ăp sinlơ nŏq?”29Nŏq Siđăch Yêsu nhai bây khây nĕh: “Ănh nhâng lŭp khamay du camvŭm, en saq âh camvŭm ănh, en Ănh nhâng nhai an khamay don prơn chin'hâu lây lŭh ănh ôp ăp vrŭq nŏq.30Vrŭq ŭm vôq Yăng de cồ a Trôq ha a con tamun? Wĭnh âh camvŭm Ănh.”31Khây nĕh tăm nhai bây ndăng ganai pành: “Vơn saq âh lăm lây? Hê vơn nhai: ‘A vlơ trôq’, nŏq Nĕh nhâng gĕh nhai: ‘Hê canŏq, lŭh khamay đăng tôq Yăng?’ 32Palâq sĭq vlâq, hê vơn nhai: ‘A con tamun,’ …?” (Khây nĕh phŭng văl ganơ, mvăc vu lây nhâng sên pành Yăng nhâng cồ du tiêng tri.)33Nŏq lăm âh mŭnh Siđăch Yêsu, khây nĕh âh: “Khananh đăng gưt.” Siđăch Yêsu nhai bây khây nĕh: “Ănh nhâng đăng nhai bây khamay don prơn chin'hâu lây lŭh Ănh ôp ăp vrŭq nŏq.”
Nŏq lŭh khamay jêng nĕh lŭh tŭq can'hưn gan'hăp.”18Khây sipăm măq bây khây gru pađau ravwŏq chăng canŏq, nŏq khây nĕh wŏng trong chĕq khây nĕh cơnh tachưt Siđăch, mvăc khây nĕh phŭng Siđăch, nŏq lĕq văl ganơ sây krăq krây sĭq sinlơ pađau Siđăch de.19Tât mau jingo, khây nĕh saq lŭh ntrăch a palây.20Căh ôi silang, lăm saq ngăn, khây nĕh sây tơm chhơ vả lăq ro a tơm diyĕh en.21Alưr căh sĭq vlâq, Phi-e-rơ nhai bây Siđăch: “Ra-bi, sên tĭq! Chhơ vả cồ Gru gĕh chih lăq ro en.”22Lăm âh vlâq, Siđăch Yêsu nhai bây khây nĕh: “Căh gĕh sinlơ tôq camvân u Siđăch Trôq.23Nhâng, Ănh nhai bây pôp ŏh, pành vu lây nhai bây vwây gŭng heq: ‘Vrêq păr hao en tatrŏh jưr daq lênh,’ nŏq đăng gĕh vông tôr sŭng nuih talaq nơm, cớ tôq pành păch nơm nhai mơ gĕh jêng, nŏq vrŭq nŏq nhâng gĕh jêng an tamun nŏq.24Nhâng canŏq, Ănh nhai bây pôp ŏh, lĕq ăp sinlơ pôp ŏh vơu ngwân nggâm wĭnh, căh tôq pành pôp ŏh gĕh wŏq en, nŏq păch nŏq nhâng gĕh jêng an pôp ŏh.25Lăm pôp ŏh tao yăq vơu ngwân, hê pôp ŏh gĕh vrŭq tăm chŏl vlâq bây vu lây nŏq, nŏq căh hwât chĕq an, chĕq Vap pôp ŏh de cồ Candranh a vlơ Trôq nhâng hwât an pôp ŏh sĭq ăp sinlơ bưn bap pôp ŏh de.”26 (Nŏq hê pôp ŏh đăng hwât an, nŏq Vap pôp ŏh de cồ Candranh a vlơ trôq nhâng đăng hwât an ăp sinlơ bưn bap pôp ŏh de.)27En khây nĕh saq tât palây Yê-ru-sa-lem du dâq wŏq en lăm Siđăch saq sŭng nhi cŭh, khây sipăm măq, khây gru pađau ravwŏq, nggâm khây tamun camvĭnh tât bây Siđăch.28Khây nĕh nhai bây Siđăch: “Don prơn chin'hâu lây lŭh Cô ôp ăp vrŭq nŏq bây vu lây gĕh dơp an Cô prơn chin'hâu heq chĕq Cô ôp gĕh ăp sinlơ nŏq?”29Nŏq Siđăch Yêsu nhai bây khây nĕh: “Ănh nhâng lŭp khamay du camvŭm, en saq âh camvŭm ănh, en Ănh nhâng nhai an khamay don prơn chin'hâu lây lŭh ănh ôp ăp vrŭq nŏq.30Vrŭq ŭm vôq Yăng de cồ a Trôq ha a con tamun? Wĭnh âh camvŭm Ănh.”31Khây nĕh tăm nhai bây ndăng ganai pành: “Vơn saq âh lăm lây? Hê vơn nhai: ‘A vlơ trôq’, nŏq Nĕh nhâng gĕh nhai: ‘Hê canŏq, lŭh khamay đăng tôq Yăng?’ 32Palâq sĭq vlâq, hê vơn nhai: ‘A con tamun,’ …?” (Khây nĕh phŭng văl ganơ, mvăc vu lây nhâng sên pành Yăng nhâng cồ du tiêng tri.)33Nŏq lăm âh mŭnh Siđăch Yêsu, khây nĕh âh: “Khananh đăng gưt.” Siđăch Yêsu nhai bây khây nĕh: “Ănh nhâng đăng nhai bây khamay don prơn chin'hâu lây lŭh Ănh ôp ăp vrŭq nŏq.”
FAR EAST BROADCASTING COMPANY