Luke11
1Vrŭq sẫy lŭh lăm Yêsu nĕh vơu ngwân du gatŭq tĭq, lăm Nĕh vơu ngwân en, gĕh du mvu con tuyh pơq camvŭm bây Nĕh: “Cŭh Siđăch, wĭnh tămti khananh vơu ngwân, dân ca Yăng gĕh tămti con tuyh nĕh.”2En Yêsu nhai bây khây nĕh: “Lăm pôp ŏh vơu ngwân, nŏq ngwân:‘Cŭh Vap, wĭnh săq Vap gĕh tapơ gŭn.Wĭnh daq ntĕh Vap sô tât.3Wĭnh an khây con păch sa păch rĭh ăp năr khây con de.4Wĭnh plôq hwât khây con sĭq bưn bap khây con de,mvăc khây con gĕh plôq hwât ăp ndu cồ tăm văc dôih khây con.Wĭnh vâng dơp khây con lăp sinlơ lamvoch.’”5En Yêsu nhai bây khây nĕh: “Vu lây sŭng pôp ŏh gĕh min-iêr minda, nggâm năc năng tât bây nĕh, en nhai bây nĕh nŏq: ‘Ơ min-iêr, an ănh chwâl pe lâm bănh,6mvăc minda ănh je a vi ngai tât bây ănh, en nơm ănh đăng gĕh păch lây chĕq prang an nĕh?’7Lăm vu tĭq âh vlâq a sŭng nhi, pôp nŏq payh cồ nhai: ‘Vâng ôp khlŏng ănh. Lapông păng èn, bây ŏh con ănh vĭq u chơnơng simơ bây ănh. Ănh đăng tao an min-iêr păch lây gĕh uy.’8Gru nhai bây pôp ŏh, pành tât daq cồ tamun nŏq đăng tao chĕq nhŭp an pôp tĭq mvăc cồ min-iêr nĕh de, en mvăc payh cồ măt ngâr côt kĕh pôp tĭq de, nŏq khoi vông tôr tao, tamun heq nhŭp an pôp tĭq lôch bănh cồ nĕh cơnh.9Gru khoi nhai bây pôp ŏh, pơq wĭnh, vrŭq wĭnh nŏq gĕh paq an pôp ŏh; nhâng wŏng, nŏq pôp ŏh choh vlam; gưt gŏh lapông, nŏq lapông pơq an pôp ŏh.10Mvăc hê vu lây wĭnh nŏq gĕh, vu lây wŏng nŏq vlam, bây lapông pơq an vu lây cồ gŏh.11Vap lây u sŭng pôp ŏh, lăm con nơm wĭnh ca, tamun nŏq an con đe vĭh ala a ca?12Ha con nŏq wĭnh chăp, tamun nŏq an nĕh canda wing?13Payh canŏq, hê pôp ŏh, cồ pành viêm, hôm gưt khây păch cồ yăh chĕq an ŏh con nơm, nŏq Vap cồ Candranh avlơ trôq khoi an Siđăch Wênh khây tamun cồ wĭnh Nĕh gŏq vlơ a nŏq wŏq?”14Siđăch me dăh du con chaq cammlo. Nŏq èn, vrŭq sẫy lŭh lăm chaq lŭh ntrăch, tamun cammlo nhai gĕh, bây văl ganơ nhâng phŭng sinâng.15Aheq takiq ndu sŭng khây nĕh nŏq nhai: “Cô nŏq dăh chaq, don Bê-ên-sê-bun, cồ vatau chaq.”16Khây tamun ndây, mvăc chĕq long găn Yêsu, khây nĕh đôq lŭp Yêsu an du chin'hâu avlơ trôq.17En payh gưt dân sinlơ sinâng khây nĕh, Yêsu nhai bây khây nĕh: “Daq lây lăm tăm paklăh payh tăm chŏl vlâq nơm jŏq sô khoi tayaih lawăch, bây caniêp tăm chŏl vlâq caniêp mŏh takhlai lêch.18Hê Sa-tan khoi tăm paklăh tăm pâm ndăng ganai nơm, nŏq mŏq daq ntĕh nĕh gân hôm di gĕh? Mvăc khây cô nhai ănh dăh chaq don Bê-ên-sê-bun.19Payh pành ănh dăh chaq don ju Bê-ên-sê-bun, nŏq don vu lây chĕq con sinau khây cô dăh chaq? Mvăc di tơm nŏq, khây nĕh cồ khây tamun nhŭp dôih khây cô.20Cồ canŏq, hê ănh dăh chaq don con rayh ti Cô Voq de, nŏq daq Cô Voq de tât bây khây cô en.21Lăm du mvu gĕh prơn camhlăng gĕh sŭmmrăp lôch sindăc chĕq jơ sên nhi nơm, nŏq păch caya sŭng nhi nĕh gĕh yăh iên.22En lăm du mvu camhlăng vlơ a pôp nŏq pâm tât, tamun nŏq sa vôq pôp nŏq, nhŭp khây tam phlơng pĭh taq pôp nŏq, cồ păch nĕh don camvân, en tamun nŏq tăm paq khây păch avlăh gĕh a pôp nŏq.23Vu lây lăm đăng gŭq bây ănh nĕh tăm chŏl bây ănh, bây vu lây lăm đăng tăm răp bây ănh nŏq taprăh taprăng.24Lăm chaq yang lŭh ntrăch a du mvu, nĕh saq tât khây gatŭq sŏh ra'ngŏh wŏng vi gŭq lu. En lăm đăng wŏng gĕh, nĕh nhai: ‘Vrêq ănh sĭq vlâq nhi ănh, tŭq cồ ănh gĕh lŭh ntrăch.’25Alưr lăm sĭq tât, nĕh sây nhi gĕh bôih câr yăh jrŏh nggâm chĕq păch đăp nđăp.26Lăm nŏq, nĕh saq siêr pâh lâm chaq ndây chin'hâc dông a nĕh lăp simơ gŭq sŭng nhi nŏq. En sinlơ hôm mrĭh lăm alưr tamun nŏq rayôc lŏh sat vlơ a daq vôq.”27Vrŭq sẫy lŭh lăm Yêsu nhai khây camvŭm heq, du mvu ur tĭq sŭng mintan con văl pơq lŭh camvŭm, nĕh nhai bây Yêsu: “Yăh vŏq âr candưl gĕh vŭn gru bây mŏh cồ gru gĕh tapu.”28En Yêsu âh: “Payh cồ nhâng, Yăh vŏq âr an vu lây cồ iêt camvŭm Siđăch Trôq bây wŏq jơ.”29Lăm văl ganơ vatom vlâq gŏq dông, Yêsu pơq mŭnh nhai: “Chhe njang heq cồ chhe njang viêm chhât. Nĕh wŏng miêng du chin'hâu, cồ đăng gĕh chin'hâu lây gĕh paq an nĕh payh ayh cồ chin'hâu Yô-na de.30Mvăc Yô-na gĕh jêng chin'hâu canŏq an văl palây Ni-ni-ve, nŏq Con Tamun khoi cồ chin'hâu canŏq an chhe njang heq.31Sŭng năr nhŭp dôih, Ur Vatau Maq Cang Năr tao yăq bây tamun chhe njang heq, bây bĕq dôih khây nĕh, mvăc un heq tât a gatŭq chôch lưt plây ntĕh chĕq iêt camvŭm vanŏh vatau Sa-lô-môn de, en sên tĭq, gĕh du mvu Candranh măq mi vlơ Sa-lô-môn gŭq u heq.32Sŭng năr nhŭp dôih, văl palây Ni-ni-ve tao yăq simơ bây chhe njang heq saq yăq nĕh, mvăc khây nĕh gĕh palâq vôq lor a camvŭm pađau ca'hya Yô-na, bây sên heq, du candranh cồ măq mi dông Yô-na u heq.33Alưr lăm sŏh ŭnh, đăng gĕh vu lây chĕq u vi nđâp, khoi đăng chĕq atĕh vaniêng vadâng, en chĕq u vlơ jâng ŭnh chĕq vu lây saq lăp gĕh sây silang tagăh.34Vông ŭnh rup swan cồ nggrăp măt pôp ŏh de. Lăm măt pôp ŏh cồ yăh, lam rup nơm pôp ŏh khoi gĕh vênh sinlơ silang tagăh. En lăm nĕh viêm, rup nơm pôp ŏh khoi vênh nggui jingo.35Mvăc canŏq, căh jơ nơm, pôq sinlơ silang tagăh u sŭng pôp ŏh cồ nggui jingo.36Canŏq hê lam rup nơm pôp ŏh vênh vŭp silang tagăh, đăng gĕh tŭq lây jingo tưl, nŏq nĕh silang chrach lam lĕq, dân ca vông ŭnh sol silang pôp ŏh.”37En nŏq, lăm Yêsu pâh nhai, du mvu tamun Pha-ri-si panh Yêsu sĭq sa war di gĕh bây nĕh. Lăm saq tât èn, Yêsu lăp gŭq u panâr sa war.38Lăm sây canŏq, Tamun Pha-ri-si sây krăq krây lŭng mvăc nĕh sây Yêsu đăng rao ti lor a war sa.39Aheq Yêsu nhai bây nĕh: “A vrêq, tamun Pha-ri-si khây cô rao jrŏh adăl ling nggan bây thaih, en sŭng di lăm khây cô vênh sinlơ can'hir cơnh bây păch viêm chhât.40Khây nĕh cồ gala galâp tĭq! Đăng gal Candranh cồ ôp jêng a dăl ling bây khoi ôp jêng u sŭng di lăm hàh?41Cồ canŏq, căh paq an khây păch cồ u sŭng di lăm dân ca vrŭq ôp yăh, bây sên heq, ăp sinlơ cồ soch jrŏh an khây cô.42Payh canŏq, nhâng lŏh sat an tamun Pha-ri-si khây cô, mvăc khây cô pađăc phân mât ncong sŭng pai klơ, la khlôih bây ăp pai canji u sŭng re, en khây cô hwât tagayh sinlơ sŏng yăh nggâm nuih talaq sinđach Siđăch Trôq. En căh vrŭq di nhâng chĕq ôp heq, bây đăng gĕh hwât tabayh khây vrŭq tĭq.43Nhâng lŏh an tamun Pha-ri-si khây cô, mvăc khây cô sinđach cơnh gatŭq gŭq yăh vlơ lĕq u sŭng nhi vatom bây khây camvŭm khwây mơq tŭq tăch vro.44Nhâng lŏh an khây cô, mvăc khây cô dân ca nhi camhôch tabayh, en vu đăng gưt lăm chơh mpên jot u vlơ.”45Alưr nŏq, chĕq âh vlâq, muôi sŭng khây nĕh cồ mvơ ravwŏq nhai bây Yêsu: “Ơ gru, gru khoi ôp prênh haih khananh lăm nhai canŏq.”46En Yêsu pành: “Lŏh an tamun mvơ ravwŏq khây cô wŏq! Mvăc khây cô vŭq an vu khây sinlơ canjŏq canjơng đăng văq truh, en cồ nơm khây cô đăng tagoq tât con rayh ti nơm lăp tung văq canjŏq nŏq.47Lŏh sat an khây cô, mvăc khây cô tatao nhi camhôch an khây tiêng tri iưn, en cô jây khây cô tachưt khây nĕh.48Canŏq, khây cô ôp candân nggâm rom nuih sĭq vrŭq ôp cô jây nơm, mvăc Khây nĕh ta chưt khây tamun nhai lor, en khây cô tatao nhi camhôch.49Payh canŏq, sipơp vanŏh Cô Voq de gĕh nhai: ‘Ănh săng khây tamun nhai lor bây khây con tuyh saq tât khây nĕh, en khây nĕh tachưt bây pâm gông gŏq ndu sŭng khây nĕh’50chĕq n'ham lĕq khây tamun nhai lor de gĕh tapinh a dâq vưt vri avrêq đôq sĭq vlâq u chhe njang heq,51a n'ham A-bên di tât n'ham Sa-cha-ri de, cồ tamun vu tachưt u vlăc canđal mvrăh cŭh bây nhi cŭh. Nhâng, ănh nhai bây khây cô, n'ham nŏq gĕh đôq sĭq vlâq a chhe njang heq.52Lŏh an tamun mvơ ravwŏq khây cô, mvăc khây cô nhŭp păch krêh lapông sinlơ vanŏh; payh nơm khây cô đăng lăp, en khây cô păng khăq vu ndây lăp.”53Alưr lăm Yêsu saq ntrăch tŭq nŏq, khây gru tămti ravwŏq bây tamun Pha-ri-si pơq vôq tăm chŏl Yêsu vyăq lŭng bây tăm chôl cammlăh bây Yêsu sĭq gŏq vrŭq,54wŏng dâq lây chĕq lăm dăq Yêsu sĭq camvŭm nhai lŭh a mŭnh Yêsu.
FAR EAST BROADCASTING COMPANY