Acts6
1Lăm vrêq, sŭng khây năr nŏq, lăm khây con tuyh hao gŏq săq, gĕh sinlơ tăm cammlăh lŭh a khây tamun Yo-thai nhai trong Hi Lap bây tamun Hê-bơ-rơ, mvăc khây tamun mrô khây nĕh de đăng gĕh vu lây chĕq măt tât sŭng vrŭq paq păch sa ăp năr.2Canŏq en, lăm mât var con tuyh vatom du mintan gŏq săq khây con tuyh, en khây nĕh nhai: “Heq cồ vrŭq đăng ôp gĕh an khananh lăm lăq chĕq vrŭq tămti camvŭm Cô Voq amaq chĕq ôp vrŭq paq păch sa.3Canŏq, khwây khây pôp ŏh, wĭnh săch sŏq u sŭng khây pôp ŏh pŏh ndu tamun klô gĕh camvŭm candân yăh, vênh rămvi Siđăch Wênh nggâm sinlơ vanŏh, cồ khây tamun cồ khananh patăq chĕq ôp vrŭq heq.4Hôm khananh chĕq chhu vôq sŭng vrŭq vơu ngwân bây vrŭq tămti camvŭm Cô Voq.”5Camvŭm nŏq ôp rom nuih talaq avôq măt lĕq săq vatom tamun tôq. Canŏq en, khây nĕh săch sŏq Ê-tiên, cồ tamun vênh rămvi sinlơ tôq bây Siđăch Wênh, Phi-lip, Bô-cô-rơ, Ni-ca-nô, Ti-môn, Ba-mê-na, bây Ni-cô-la, cồ tamun An-ti-ôt, tôq bây Yo-thai yao,6cồ khây tamun cồ khây nĕh iau tât tao yăq a vôq măt khây con tuyh, en lăm vơu ngwân sŏng, khây con tuyh chĕq ti vlơ khây nĕh nŏq.7En nŏq, camvŭm Cô Voq de gĕh nhai parang hwi lŭh, en khây con tuyh u Yê-ru-sa-lem hao gŏq vyăq lŭng, cơp lawân du vatom gŏq săq khây gru sipăm gĕh wŏq sinlơ tôq camvân.8Lăm vrêq, Ê-tiên vênh sinăc bây prơn gŭn, ôp khây vrŭq măq mi bây păch chin'hâu măq sŭng văl ganơ.9Cồ canŏq, gĕh khây tamun prŭh tao, cồ khây tamun sĭq maq nhi vatom tĭq, cồ gatŭq gĕh cuôl pành “Khây Tamun Lahông”, nggâm khây tamun Si-ren, tamun A-lec-san-tri, nggâm var pe ndu a Si-li-si, bây A-si, tăm cammlăh bây Ê-tiên.10Cồ canŏq, khây nĕh đăng lôch camvŭm chĕq chŏl sĭq vlâq truh sinlơ vanŏh nggâm Siđăch Wênh cồ Ê-tiên gĕh don Candranh nŏq chĕq nhai.11Alưr nŏq, khây nĕh vro chwâl var pe ndu chĕq nhai pành: “Khananh gĕh chăng nĕh nhai khây camvŭm bưn bap chŏl sĭq vlâq Môi-se bây Cô Voq.”12Khây nĕh đưc rôih lĕq con văl nggâm khây cô camvĭnh bây khây gru pađau ravwŏq, en lăm nchhât tât, khây nĕh nhŭp Ê-tiên en đưc tât vi Dŏq Tăm vlam.13Khoi sŭng lăm nŏq, khây nĕh sŭmmrăp khây tamun nhai candân mvâr, nhai pành: “Nĕh heq đăng lu nhai khây camvŭm bap tât gatŭq gŭn nggâm ravwŏq.14Mvăc khananh gĕh chăng nĕh nhai pành Yêsu tamun Na-sa-ret tĭq sẽ yaih gatŭq heq bây pagâl khây ravwŏq cồ Môi-se gĕh pađau sĭq vlâq an vơn.”15Lăm chĕq măt chĕq deng lăp Ê-tiên, lĕq săq khây tamun cồ gŭq sŭng Dŏq Tăm vlam sây măt nĕh dân ca măt con gŭn.
FAR EAST BROADCASTING COMPANY