Acts24
1Vrêq heq, alưr prăm năr, gru sipăm măq A-na-nia, nggâm var pe cô camvĭnh nŏq, bây tamun cŏh king săq Tet-tu-lu tĭq saq jưr tât, cồ khây tamun lŭh măt chĕq yăq văq a vôq măt ganwâr măq chŏl sĭq vlâq Phao-lô.2En lăm Phao-lô gĕh cuôl tât, aheq Tet-tu-lu pơq vôq yăq nĕh lăm nhai: “Mvăc gĕh wŏq sinlơ yăh iên măq a cô, en payh ơ gŏq sinlơ pagâl văt tât an con văl heq don u sinlơ deng ngai deng hwi cô de,3mŏh khwây cô candranh Phê-lit, lĕq sŭng ăp vrŭq nggâm lam ăp gatŭq, khananh wŏq chêr prơn vahal nŏq bây lĕq nuih talaq gưt ơn.4Cồ canŏq chĕq ănh đăng ôp an n'hyoq cô gŏq dông wŏq, ănh wĭnh cô, sŏq nuih talaq mbêr nơm de, iêt chăng khananh nhai dêh en.5Nhâng, mvăc gưt gĕh nĕh heq dân ca păch chin'hâc, en cồ tamun đưc rôih sinlơ minsôc minsac u ăp ndu tamun Yo-thai lam dưnya, en khoi cồ tamun văt vôq vatom Na-sa-ret,6en nĕh hôm lŭh prơn ôp sŭq cavơm Nhi Cŭh, khoi cồ tamun khananh gĕh nhŭp jơ, — [Khananh cơnh săc si bây ravwŏq khananh de.7Cồ canŏq nĕh cồ văt vôq săq Li-sia, lăm saq tât gatŭq, gĕh don prơn camhlăng tăm pit nĕh ntrăch a ti khananh,8lŭh camvŭm an khây tamun yăq văq nĕh phải tât avôq cô] — en u vi nĕh, nơm cô tât sŏng bây nĕh chĕq lŭp sĭq lĕq khây vrŭq heq chĕq singgal lŭh khây bap cồ khananh yăq văq nĕh.”9En nŏq, tamun Yo-thai khoi ndap bây, candân pành khây vrŭq nŏq cồ canŏq.10Phao-lô khoi âh sĭq vlâq, lăm ganwâr măq la'ngŏh vôq an Phao-lô nhai: “Mvăc gưt cô gĕh ôp ganwâr săc si an con văl heq sŭng gŏq mva, nŏq ănh vui talaq cŏh king an ănh sĭq khây vrŭq ratênh tât nơm,11mvăc cô singgal gưt gĕh pành a lăm ănh saq hao chĕq cŭh sưmvăh u Yê-ru-sa-lem tât vrêq cồ đăng vlơ mât var năr,12En khây nĕh đăng sây dăn ănh tăm cammlăh bây vu lây sŭng Nhi Cŭh, khoi đăng ôp lŭh sinlơ minsôc minsac u vi gŏq săq, ha sŭng khây nhi vatom, ha lam lĕq palây,13khây nĕh khoi đăng lôch prơn chĕq candân păch lây an cô sĭq khây bap cồ vrêq khây nĕh yăq văq ănh.14Cồ canŏq, ănh wŏq bây cô vrŭq heq, pành bây Đạo cồ khây nĕh cuôl pành njang nŏq, cồ bây nŏq ănh tachŏq Siđăch Trôq un cô jây de, chĕq nuih talaq tôq lĕq khây păch lây don vlơ ravwŏq nggâm khây camvŭm gĕh chêr sŭng khây sirăq tiêng tri,15gĕh sinlơ camvân u Cô Voq en nơm khây nĕh khoi câp nggơ, lăm gưt nhâng gĕh sinlơ tao rĭh sĭq vlâq an lĕq tamun yăh sŏng nggâm bây tamun chin'hâc de.16Payh canŏq, nơm ănh khoi lŭh prơn chĕq gĕh du nuih talaq đăng vlam chih lăh a vôq măt Cô Voq bây con tamun sŭng ăp sinlơ.17Vrêq heq, gŏq mva alưr, ănh palâq sĭq, văt bây jên chĕq paq an daq sikiêq vơn, nggâm khây păch pađăc,18en sŭng lăm nŏq, khây nĕh sây dăn ănh ôp lễ sat rao sŭng Nhi Cŭh, đăng gĕh bây mintan tamun, khoi đăng gĕh bây sinlơ minsôc minsac.19Cồ canŏq khây tamun Yo-thai tĭq a A-si, cồ khây tamun dip lŭh phải tât lŭh măt avôq cô en yăq văq, hê khây nĕh gĕh vrŭq lây châl sĭq ănh.20Ha cồ khây tamun u heq nhai lŭh gĕh sinlơ tĭh wil lây cồ khây nĕh gĕh wŏng sây lăm ănh tao yăq a vôq Vatom Tamun tamun Yo-thai de,21gĕh đăng nŏq cồ sĭq du camvŭm nhai caheq cồ ănh nhai tayh mŭnh lăm tao yăq vlăc cađar khây nĕh, pành: ‘Ănh vlam sinlơ săc si a vôq dêq cô năr heq ratênh tât sinlơ tao rĭh sĭq vlâq tamun chưt de.’”22Canŏq en Phê-lit, mvăc gưt dăn lŭng khây vrŭq ratênh tât Đạo, nŏq nĕh gadưn vrŭq săc si var maq, lăm nhai: “Lăm lây ganwâr văt vôq Li-sia jưr heq gĕh, ănh sẽ nhai dip tĭh khây vrŭq gĕh ratênh tât khây cô,”23en lŭh camvŭm an cô var cŏch jơ Phao-lô, bây khoi an nĕh gĕh sinlơ lahông, bây đăng pâh khăq khây tamun tăm mơch nĕh de tât mơq tê nĕh.24En var pe năr alưr nŏq, ganwâr Phê-lit, lăm palâq sĭq vlâq nggâm bây Đơ-ru-si, si-ur nĕh, cồ tamun Yo-thai, nŏq an cuôl Phao-lô tât en chăng nĕh nhai sĭq sinlơ tôq u Candranh Krit Yêsu.25Cồ canŏq lăm Phao-lô nhai sĭq sinlơ yăh sŏng bây sinlơ byăh dip, nggâm sinlơ ôp dôih tât sŭng năr tan'hui, nŏq Phê-lit, mvăc phŭng candŭh, gĕh âh sĭq vlâq: “Vrêq saq lŭh vŏq, en lăm gĕh vrŭq, ănh an cuôl cô tât.”26Simơ lăm nŏq, khoi payh ơ câp nggơ pành gĕh ndêt jên gĕh Phao-lô lăq ti an nơm, canŏq mŏh, ganwâr măq uĕh cuôl nĕh tât lawân, chĕq tăm nhai păch bây nĕh.27An tât lăm lĕq var mva, Phê-lit gĕh tamun ala nŏq cồ Bôt-tiu Phê-tu, bây khoi cơnh sŏq nuih talaq văl Yo-thai, nŏq Phê-lit chĕq Phao-lô gŭq nhi jingo.
FAR EAST BROADCASTING COMPANY