2 John1
1Chhŭng kwŏng dơp an yông gĕh cuôl bây khây con yông de, cồ khây tamun cồ ănh sinđach sŭng camvŭm dip gal — bây đăng ayh nơm ănh, nŏq lĕq săq khây tamun lăq sên gưt sinlơ dip gal dân canŏq —2mvăc sinlơ dip gal hôm mo gŭq sŭng vơn bây nhâng gŭq bây vơn an tât wân lawân.3Sinlơ yăh an ngăn, nuih talaq sinđach, bây sinlơ yăh iên a Siđăch Trôq, cồ Vap bây a Candranh Krit Yêsu, Con Vap de, nhâng gŭq bây vơn sŭng sinlơ dip gal bây sinlơ sinđach.4Ănh yăh vui hơn lŭng mvăc ănh sây gĕh takiq ŏh con dông de saq sŭng sinlơ dip gal, dân ca vơn lăq tôq wŏq ravwŏq a tŭq Vap.5Ơ yông, avrêq ănh wĭnh yông — đăng gal dân ca gĕh chêr an yông du ravwŏq me, nŏq păch vơn lăq gĕh a lăm daq vôq — pành vơn căh sinđach ndăng ganai.6Bây sinlơ sinđach cồ caheq, nŏq cồ vơn căh saq bây khây ravwŏq Nĕh de. Heq cồ ravwŏq, dân ca pôp ŏh lăq iêt chăng a lăm daq vôq, nŏq cồ pôp ŏh căh saq sŭng sinlơ sinđach.7Mvăc gŏq ndu ta gat lăq gĕh măt sŭng dưnya, cồ khây tamun đăng tôq wŏq Candranh Krit Yêsu tât sŭng rup swan. Nŏq cồ tamun ta gat bây tamun tăm chŏl vlâq Candranh Krit.8Đé pôp ŏh căh jơ sên chĕq pôp ŏh đăng ôp pachĕq ăp sinlơ cồ vơn lăq chŏnh n'hyoq, ala nŏq pôp ŏh wŏq gĕh lôch păch yăh gĕh paq an.9Vu lây cồ saq ngai diêt nŏq đăng gŭq mŏq sŭng camvŭm pađau Candranh Krit de nŏq đăng gĕh Siđăch Trôq. Vu lây gŭq mŏq sŭng sinlơ pađau, tamun nŏq gĕh lĕq Vap bây Con.10Hê vu lây tât bây pôp ŏh nŏq đăng văt bây sinlơ pađau nŏq, nŏq vâng wŏq tamun nŏq lăp nhi bây vâng nhai bây nĕh: “Khwây pôp”.11Mvăc vu lây nhai bây tamun nŏq: “Khwây pôp”, cồ gĕh tăm lăp ti bây khây vrŭq viêm nĕh de.12Mvăc gĕh gŏq păch ănh đăng cơnh chêr an pôp ŏh don a sirăq bây daq sinđôch. Nŏq ănh cơnh tât bây pôp ŏh bây nhai păch măt dân măt, chĕq sinlơ vui hơn pôp ŏh de gĕh lôch lam.13Khây ŏh con tamun pôp ŏh gĕh săch yông de gĕh camvŭm pân mơq yông.
FAR EAST BROADCASTING COMPANY