2 Corinthians13
1Heq cồ dâq di pe ănh tât bây pôp ŏh. “Ăp vrŭq gĕh ôp yăh sĭq vlâq don a camvŭm var ha pe ndu tamun candân.”2Ănh gĕh nhai lor lăm saq tât dâq di var, en avrêq, an cồ đăng gĕh măt, ănh khoi nhai — bây khây tamun lăm lor heq gĕh ôp bưn bap, bây lĕq săq khây tamun hôm sĭq vlâq — pành hê ănh gĕh tât tŭq heq du dâq wŏq, ănh nhâng đăng hwât chĕq uy,3mvăc pôp ŏh gĕh đôq păch candân Candranh Krit nhai pađau tŭq ănh, cồ Candranh đăng la-ui bây pôp ŏh uy, nŏq gĕh vênh prơn camhlăng u sŭng pôp ŏh.4Mvăc Siđăch gĕh a tŭq la-ui chĕq vu pâng jimâng vlơ chhơ pagăn, nŏq Siđăch gĕh rĭh don a prơn gŭn Siđăch Trôq de. Mvăc khananh khoi la-ui sŭng Siđăch, nŏq nggâm bây pôp ŏh, khananh nhâng rĭh bây Siđăch don prơn gŭn Siđăch Trôq de.5Pôp ŏh căh sên sĭq vlâq con tamun nơm gĕh gal cồ nơm gĕh rĭh sŭng sinlơ tôq ha đăng. Căh candân sĭq nơm. Ha pôp ŏh đăng gưt gĕh nhâng bâng sĭq con tamun nơm pành Candranh Krit Yêsu gŭq sŭng nơm hẩng — hê canŏq, gĕh gal pôp ŏh cồ tamun mvâr mviq hẩng?6Nŏq ănh camvân cồ pôp ŏh nhâng gưt pành nơm khananh đăng gal cồ mvâr mviq.7Hôm khananh vơu ngwân bây Siđăch Trôq chĕq pôp ŏh đăng ôp păch lây tih wil, đăng gal chĕq nơm khananh cơnh nhai lŭh sĭq nơm cồ gĕh vu wŏq, nŏq cồ chĕq nơm pôp ŏh gĕh ôp vrŭq yăh rom, an cồ nơm khananh nŏq dân ca đăng gĕh vu wŏq.8Mvăc khananh đăng thêng ôp du sinlơ lây tăm chŏl sĭq vlâq bây con trong dip gal, palâq sĭq vlâq khananh cồ mvăc a con trong dip gal.9Payh ơ khananh vui hơn lăm khananh nŏq la-ui hôm pôp ŏh gĕh camhlăng. Khananh khoi vơu ngwân an sinlơ heq: sinlơ yăh lôch pôp ŏh de.10Mvăc vrŭq nŏq, lăm đăng gĕh măt, ănh chêr ăp sinlơ heq, chĕq lăm vi gĕh măt, ănh đăng gal ôp vrŭq nĕh camhlăng bây prơn cồ Siđăch gĕh paq an ănh chĕq ân an vrŭq jrông jrâng, cồ đăng gal tămhơch tât vrŭq pâm talĭh.11Chôch lĕq, ơ pôp ŏh, căh vui hơn! Căh tămhơch tât sinlơ yăh lôch, căh chĕq nơm gĕh rawa nuih, căh gĕh simơ du chhu vôq, căh rĭh tăm la-êr ndăng ganai, Siđăch Trôq sinđach de nggâm sinlơ yăh iên nhâng gŭq bây pôp ŏh.12Căh pân mơq ganai don a camvŭm phêp yăh soch. Lĕq khây con sinau Cô Voq păng mơq pôp ŏh. 13Ngwân sinlơ yăh an ngăn Siđăch de, cồ Candranh Krit Yêsu, bây sinlơ sinđach Siđăch Trôq de nggâm sinlơ tăm la-êr ratênh Siđăch Wênh de gŭq bây lĕq săq pôp ŏh.
FAR EAST BROADCASTING COMPANY