1 Timothy3
1Camvŭm heq cồ nhâng bâng chĕq tôq bây: “Hê vu lây nŏq cơnh ôp gru tê dive, nŏq tamun nŏq gĕh cơnh du vrŭq yăh rom.”2Canŏq, tamun tê dive nhâng cồ tamun đăng tih lăh gĕh, siklô ayh du mvu si-ur, ndĕh ndăp, jơ nơm, đăp nđăp, wŏq chăm tamuôi, gĕh prơn pađau tăm ti,3đăng vanhưl sĕh alăc, đăng chin'hâc tăm cammlăh, gŭq saq yăh lamut lamit, yăh tăm la-êr, đăng cơnh can'hir jên caih,4gưt jơ di yăh caniêp nơm, gĕh ŏh con gưt iêt chăng bây lĕq nuih talaq tôq sinđach5(mvăc hê du mvu đăng gưt trong jơ ca'hya caniêp nơm, nŏq tamun nŏq tê ranăm Vatom Gŭn Siđăch Trôq de canŏq caheq?),6đăng gal nŏq cồ tamun me tôq, chĕq đăng payh ơ iơq nơm nŏq tamun nŏq vông jŏch lăp sinlơ ôp dôih dân ca chaq camhôch.7Palâq sĭq vlâq, tamun tê nhâng căh gĕh camvŭm candân yăh a tamun aling Vatom Gŭn, chĕq tamun nŏq đăng tarŏh lăp sinlơ viêm măt bây tăm văc dăq chaq camhôch de.8Dân canŏq, khây chung kwŏng căh rĭh di yăh, đăng nhai var camvŭm, đăng vanhưl sĕh alăc, đăng cơnh can'hir păch vu de,9gưt jơ di yăh sinlơ jru sưt sĭq sinlơ tôq camvân don a con tamun sŭng glăm soch jrŏh.10Sĭq măt ndây, khây nĕh khoi căh gĕh longgăn lor, en alưr nŏq căh chĕq khây nĕh ôp vrŭq nŏq đăng vlam sinlơ chih lăh.11Khây tamun si-ur khoi canŏq, căh gŭq saq di yăh, đăng nhai viêm, gưt jơ nơm, gĕh du nuih talaq sŭng ăp vrŭq.12Khây chung kwŏng cồ tamun siklô ayh du mvu si-ur, gưt jơ di yăh ŏh con bây lĕq nhi nơm.13Mvăc khây tamun ôp vrŭq sŏng yăh văt sĭq an nơm tŭq tao yăq yăh rom bây gŏq sinlơ chha nuih sŭng sinlơ tôq camvân u Candranh Krit Yêsu.14Ănh chêr khây camvŭm heq an con, cơnh saq tât di sô chĕq dom con,15nŏq hê ănh tât lĭh nggưt, nŏq con nhâng căh gưt ôp lăm lây sŭng nhi Siđăch Trôq de, nŏq cồ Vatom Gŭn Siđăch Trôq cồ hôm mrĭh de, pông jrŏng bây jâng nhi chŏl jăp sinlơ dip gal de.16Sinlơ jru sưt sĭq sinlơ tôq camvân nĕh cồ măq mi đăng tăm cammlăh gĕh, nŏq cồ: “Candranh gĕh tănlŭh sŭng rup swan con tamun, gĕh nhai yăh sŏng sŭng Siđăch Wênh, gĕh khây con gŭn sên sây, gĕh nhai lŭh sŭng ăp văl ganơ, gĕh tôq camvân vlơ dưnya, gĕh văt tăn'hao sŭng sinlơ sindraq sindil.”
FAR EAST BROADCASTING COMPANY