1 Thessalonians3
1Payh canŏq, lăm đăng gŭq nggơ jŏq dông gĕh, khananh sinâng yăh dông nŏq cồ du mvu ănh gŭq sĭq vlâq u A-thên2en khananh gĕh pađăr Ti-mô-thê, tamun pôp ŏh khananh bây dĭch năc Siđăch Trôq sŭng Sipơp Yăh Siđăch Yơt Dưnya de, chĕq ôp kranh gajăp nggâm jrông jrâng pôp ŏh sĭq sinlơ tôq camvân nơm de,3chĕq đăng gĕh vu lây lănggưn nuih sŭng khây sinlơ lŏh sat heq. Mvăc nơm pôp ŏh gưt pành khây vơn gĕh sŭmmrăp chĕq lăm măt bây khây vrŭq canŏq.4Tât daq lăm khananh hôm mo gŭq bây pôp ŏh, khananh gĕh nhai lor an pôp ŏh pành khây vơn sẽ vlam lŏh sat, bây vrŭq gĕh ôp lŭh dân ca pôp ŏh gĕh gưt.5Mvăc vrŭq nŏq, lăm đăng câp nggơ jŏq gĕh dông wŏq, nŏq ănh gĕh pađăr tamun saq chĕq di gưt sinlơ tôq camvân pôp ŏh de canŏq caheq, mŏq gưt gĕh nĕh cồ lamvoch sŏq ju nŏq ju heq chĕq lamvoch pôp ŏh en prơn vahal khananh de lŭh palay chĕq.6Cồ canŏq sŏng lăm heq, Ti-mô-thê, alưr lăm saq a gatŭq pôp ŏh sĭq tât khananh heq, gĕh văt sĭq an khananh sinlơ vui sĭq sinlơ tôq camvân bây nuih talaq tăm sinđach pôp ŏh de, pành pôp ŏh wân lawân jơ sŭng nuih khây vrŭq rom yăh sĭq khananh, câp nggơ vlam khananh khoi dân ca khananh câp nggơ vlam pôp ŏh.7Mvăc vrŭq nŏq, Ơ pôp ŏh, khananh gĕh pawal nuih payh ju pôp ŏh lăm tăm chŏl vôq bây sinlơ tŏh twang nggâm sinlơ rabăh rabơp nơm de, mvăc sinlơ tôq camvân pôp ŏh de.8Payh a dâq heq, hê payh nơm pôp ŏh kram gajăp sŭng Siđăch, nŏq khananh hôm mrĭh.9Khananh nhâng pađăc hao Siđăch Trôq camvŭm may mo canŏq caheq sĭq pôp ŏh pănggơih hao lĕq sĭq khây sinlơ vui hơn payh cồ ju pôp ŏh, khananh hơn vui u vôq măt Siđăch Trôq khananh de,10măng năr vơu ngwân lĕq nuih chĕq gĕh vlam măt pôp ŏh bây tanlăp khây vrŭq lây hôm pŏh pât sŭng sinlơ tôq camvân pôp ŏh?11Ngwân wĭnh nơm Siđăch Trôq, Vap vơn de, bây Siđăch Yêsu, cồ Cô Voq vơn, iau trong khananh tât bây pôp ŏh.12Wĭnh Cô Voq ôp an pôp ŏh tao măq dông wŏq bây vênh rămvi sŭng sinlơ tăm sinđach sŭng ndăng ganai bây ăp ndu, khoi dân ca vrŭq khananh ôp an pôp ŏh canŏq,13chĕq ôp an nuih talaq pôp ŏh kram gajăp, đăng gĕh tŭq lây viêm sŭng sinlơ jrŏh soch, u vôq măt Siđăch Trôq, Vap vơn de, sŭng sinlơ jưr tât vlâq Siđăch vơn de, cồ Siđăch Yêsu, nggâm lĕq săq khây vatom gŭn Siđăch de. A-men!
FAR EAST BROADCASTING COMPANY