1 Corinthians2
1Ơ pôp ŏh, lăm tât bây pôp ŏh, ănh nhâng đăng saq tât bây sinlơ prĭh jru sưt sŭng khây camvŭm nhai prĭh ha sinlơ vanŏh vŏh chih, lăm saq nhai lŭh an pôp ŏh sĭq sinlơ jru sưt Siđăch Trôq de. 2Mvăc gŭq vlăc canđal pôp ŏh, ănh gĕh phlâq nuih pành đăng gưt păch lây payh ayh gưt Siđăch Krit Yêsu nggâm Candranh cồ vu pâng jimâng vlơ chhơ pagăn.3Ănh nhâng gĕh gŭq bây pôp ŏh sŭng sinlơ la-ui, sŭng sinlơ phŭng candŭh bây râm săq lŭng.4Camvŭm nhai ănh je bây sinlơ cồ yảng ănh je đăng gal don a chhu vôq vanŏh nhai lŭh khây camvŭm yăh dê iĕt, nŏq cồ don a sinlơ candân Siđăch Wênh de nggâm chin'hâu,5chĕq sinlơ tôq camvân pôp ŏh đăng gŭq u sinlơ vanŏh con tamun de, nŏq cồ tŭq chin'hâu Siđăch Trôq de.6Nŏq sŭng khây tamun cồ kranh gajăp, khananh yảng sinlơ vanŏh, nŏq đăng gal sinlơ vanŏh dưnya heq de, khoi đăng gal khây tamun cồ iau vôq u dưnya heq, cồ khây tamun vlam sinlơ pachĕq ĭh ôi.7Ala lăp nŏq, khananh yảng sinlơ vanŏh Siđăch Trôq de sŭng sinlơ jru sưt, cồ păch gĕh dâq gĕh tăm pôn sưt nŏq Siđăch Trôq gĕh chĕq ân alor ăp nggơih chĕq an sinlơ sindraq sindil vơn de,8cồ sinlơ đăng gĕh du mvu tamun iau vôq sŭng dưnya heq gưt gĕh, mvăc hê khây nĕh gưt, nŏq nhâng khây nĕh đăng pâng jimâng Candranh sindraq sindil vlơ chhơ pagăn uy.9Canŏq, dân ca gĕh camvŭm chêr: “Khây sinlơ cồ măt ndŏh sây, tôr ndŏh chăng, bây nuih talaq con tamun ndŏh sinâng tât, cồ ăp sinlơ Siđăch Trôq lĕq sŭmmrăp sindăc an khây tamun cồ sinđach Nĕh.”10Mvăc Siđăch Trôq gĕh pơq lŭh an vơn don Siđăch Wênh. Mvăc Siđăch Wênh deng gưt lĕq ăp sinlơ, tât daq lĕq khây sinlơ jru sưt Siđăch Trôq de wŏq.11Mvăc vu lây sŭng con tamun gưt gĕh ăp sinlơ du con tamun, hê đăng gal wênh tamun nŏq gŭq sŭng glăm nơm? Khoi canŏq, đăng gĕh vu lây gưt di gĕh ăp sinlơ sĭq Siđăch Trôq, ayh Siđăch Wênh Cô Voq de.12Nhâng khananh đăng wŏq sŏq yang ravang u dưnya heq, wŏq ayh Siđăch Wênh tât a Siđăch Trôq, chĕq vơn gưt gĕh khây sinlơ gĕh paq an ngăn an vơn iưn don Siđăch Trôq,13khoi ca khây sinlơ cồ Khananh yảng, đăng gal don a sinlơ pađau don khây camvŭm vanŏh con tamun de, nŏq cồ don a sinlơ pađau tămti Siđăch Wênh de, lăm nhai lŭh ăp sinlơ gŭn măn don a ăp camvŭm gŭn măn.14Nhâng tamun dăh bây nuih tôr dâm lor heq nŏq đăng wŏq ăp sinlơ sĭq Siđăch Wênh Siđăch Trôq de, mvăc păch nŏq cồ gala galâp bây tamun nŏq, bây tamun nŏq đăng gĕh prơn chĕq gưt mvăc păch nŏq gĕh candân bây trong gŭn măn.15Hôm tamun gŭn măn candân ăp sinlơ, nŏq nơm nĕh nŏq đăng gĕh vu lây candân gĕh.16“Mvăc vu lây gưt dân nuih tôr Siđăch de — vu lây pađau tăm ti Nĕh?”
Nhâng vơn heq gĕh nuih tôr Candranh Krit de.
Nhâng vơn heq gĕh nuih tôr Candranh Krit de.
FAR EAST BROADCASTING COMPANY