Titus3
1Chischisuumach chitiiniimach chechii nituhtawaatwaau aniyuu kaa uchimaamitwaau kaye chechii nanihiihtawaatwaau aniyuu kaa chisheuchimaau aapatisiyich kaye muush chechii ayeskuwiitwaau chechii aapatisiihkahtahkwaau kuiskw e ishinaakuniyich atushchewiniyuu.2Wiihtamuch ekaa chechii machaayimuumaatwaau aweyuu, chechii chiyaameyihtaakusitwaau kaye chechii miyeyihtaakusitwaau. Muush chipaa yuuspaatisiistuweuch misiwe aweyuuh.3Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.4Mikw maak iskutak kaa waapahtiitahkw Chishemanituu chipimaachihiiweminuu e ishpish chishewaatutaatahkw kaye e ishpish saachihiitahkw5chichii pimaachihiikunuu. Namui wii taan kaa ishi chimiyuutuutamuhkw chuuhchi pimaachihiikunuu mikw aniyuu Chishemanituu e chii chistimaacheyimitahkw ekut kaa uhchi pimaachihiitahkw. Kaa payehchisiit Ahchaahkw chichii payehchihiikunuu kaye miin chichii uschihiikunuu.6Chishemanituu chii weyuuchipayiniyuu e siikanimaataakw Kaa payehchisiyich Ahchaahkwa anit e ihtaayihkw aniyuu uhchi taan kaa ishi ihtuutamaatahkw chipimaachihiiweminuu Jesus Christ.7Ekw maak aniyuu e chii chishewaatutaatahkw Chishemanituu chichii ihtuutaakunuu chechii kuiskunaakusiihkw ekw maak chiyeshtinaateyihtamuhkw che ayaayihk kaachiche pimaatisiiwin.8Taapwemakan uu kaa itweyaan.
Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.9Ihtaauch awenichii e machipayitwaau e aayimuutahkwaau Jewa iinuu wiishuwewinh taan aniyuuh chipaa kanuweyihtaakanuuyuuh kaye e aayimuutahkwaau taan e itiskaatuyich utaanische waahkumaakanawaauh. Ekaawii aapateyihtamukw chechii aayimuutamekw uyuuh chekwaayuuh wesh taapaa wiyesh itaapatan kaye namui mitun wiichihiikuuch awenichii.10Ihtaate awen muush e ihtuutawaat chechii machipayiyich umaamuuayimihaau kaye chechii ihtuutawaat chechii pahkaanipayihuyich wiihtamuu peyakwaau maak niishwaau chechii puuniit aniyuu e ihtit. Ekaa maak nituhtaaske ekush ekaa piskaas.11Chichischeyimaau e machituutahk awen uyuu e ihtit. E machituutahk maak ekut e nuukuniyich e wanipayit.12Nititeyihten chechii itishahuuk Artemas kaye maak Tychicus anite e ihtaayin. Iskutak maak takushinitwaawenich uchii naapeuch anite e ihtaayin che kuchihtaayin tiiwehch chechii pechi nachishkuyin anite Nicopolis kaa ishinihkaatech ihtaawin wesh ekut kaa wii ihtaayaan iskan pipun.13Kata chistuhteuch an wiyaaskunichesuu Zenas ekw maak Apollos. Suuhk che kuchihtaayin chechii wiichihiitwaau e ayeskuwiitwaau, che nituu chischeyimatwaau misiwe chekwaayuu chechii ayaatwaau taan che ishi nituweyihtahkwaau.14Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.15Misiwe maak awenichii utah kaa ihtaatwaau e ihtaayaan chiwaachiyemikuch. Waachiyemach chiwiichewaakanuuch anichii kaa taapwehtahkwaau. Chitayimiheshtamaatinaan Chishemanituu chechii chishewaatutaataakw misiwe e tashiyekw.
Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.9Ihtaauch awenichii e machipayitwaau e aayimuutahkwaau Jewa iinuu wiishuwewinh taan aniyuuh chipaa kanuweyihtaakanuuyuuh kaye e aayimuutahkwaau taan e itiskaatuyich utaanische waahkumaakanawaauh. Ekaawii aapateyihtamukw chechii aayimuutamekw uyuuh chekwaayuuh wesh taapaa wiyesh itaapatan kaye namui mitun wiichihiikuuch awenichii.10Ihtaate awen muush e ihtuutawaat chechii machipayiyich umaamuuayimihaau kaye chechii ihtuutawaat chechii pahkaanipayihuyich wiihtamuu peyakwaau maak niishwaau chechii puuniit aniyuu e ihtit. Ekaa maak nituhtaaske ekush ekaa piskaas.11Chichischeyimaau e machituutahk awen uyuu e ihtit. E machituutahk maak ekut e nuukuniyich e wanipayit.12Nititeyihten chechii itishahuuk Artemas kaye maak Tychicus anite e ihtaayin. Iskutak maak takushinitwaawenich uchii naapeuch anite e ihtaayin che kuchihtaayin tiiwehch chechii pechi nachishkuyin anite Nicopolis kaa ishinihkaatech ihtaawin wesh ekut kaa wii ihtaayaan iskan pipun.13Kata chistuhteuch an wiyaaskunichesuu Zenas ekw maak Apollos. Suuhk che kuchihtaayin chechii wiichihiitwaau e ayeskuwiitwaau, che nituu chischeyimatwaau misiwe chekwaayuu chechii ayaatwaau taan che ishi nituweyihtahkwaau.14Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.15Misiwe maak awenichii utah kaa ihtaatwaau e ihtaayaan chiwaachiyemikuch. Waachiyemach chiwiichewaakanuuch anichii kaa taapwehtahkwaau. Chitayimiheshtamaatinaan Chishemanituu chechii chishewaatutaataakw misiwe e tashiyekw.
Canadian Bible Society