SOWEL2chk_bsm

1Oupwe ettiki rappwa lon Sion,oupwe asilesil me won ewe chukun Kot mi Pin usun ewe feiengau epwe war.Oupwe chechech, ämi aramasen Juta meinisin,pun ränin ewe Samol mi Lapalap a war.2Ei rän epwe eu ränin rochopwak me toputop,pwal eu ränin kuchuchu me rochokich.Iwe, eu mwicheichen pwiin lifichimas mi fokun pöchökülepwe pwölüela ekewe chuk usun chök rochokichin pwin.Ei esap fis seni me lomlom,esap pwal fis ren ekewe täppin aramas repwap up lon kan fansoun mwach.
3Ekkei epwe akom mwer, nge ngetengeten ekkei epwe ngetetä me mürir.Iwe, ewe fanü a usun chök ewe tanipin Eten, lupwen resamwo tori,nge lupwen ra towu seni, a usun chök eu fanüapö.Iwe, mettoch meinisin ra tala rer.
4Iwe, lapalaper a usun chök lapalapen oris,ra pwal müttir usun chök orisin maun.5Ar mwetemwet won ungen ekewe chuka usun chök chopuchopun wokenme ngetengeten ekkei, lupwen a ngeteri fetilipwas.Ra tettel usun telin sounfiu mi pwora, lupwen ra feila ngeni maun.6Iwe, lupwen aramas ra küneer, ra fokun rükö,nge won meser a wopwechepwechela ren ar niuokus.7Ra fiu usun chök sounfiu,ra pwal töta won tit usun chök chon sile maun.Ra fetal wenewen lon tettelir,nge resap riki seni.8Iwe, resap etietifengen,pun eman me eman a chök fetal lon alan.Esap wor och pisekin maun a tongeni apetiir.9Ra mweteta won ewe telinimw,ra sä won ekewe tito tötä won ekewe imw,ra pwal tolong lon ekewe asammwacho usun chök chon solä.
10Iwe, fanüfan me läng ra chechech, lupwen ra feito.Akkar me maram ra rochola,nge fü kana resap chüen tin.11Iwe, ewe Samol mi Lapalap a kökkö fän leüömong me mwen an mwichen sounfiu.Ewer, an mwich a fokun watte,nge iteiter mi aleasochisi an kapas ra pwora.Iwe, ränin ewe Samol mi Lapalap a fokun eniwokus.Iö a tongeni pwäk le nonom lon?

Än Kot ümöümöch

12Iwe, ewe Samol mi Lapalap a apasa,“Iei otun oupwe kul ngeniei seni unusen letipemifän echikefel, fän kechü me ngüngüres.13Ousap chök kamwei üfemi, nge oupwe letipeta lon lelukemi.”Oupwe kul ngeni ewe Samol mi Lapalap ämi we Kot,pun a eäni kirikiröch me chen.A songomang o tongotam,a pwal siwili an ekiekin afeiengaua aramas.14Eli ewe Samol mi Lapalap ämi we Kot epwe siwili an ekieko afeiöchükemi ren chomong uän ämi irä.Mürin, oua tongeni eäni asoren mongö me asoren ün ngeni.
15Oupwe ettiki rappwa lon Sion.Oupwe apini eu rän pwe oupwe echikefel lon,oupwe pwal körifengeni ekewe aramas pwe epwe wor eu mwich mi pin.16Oupwe achufengeni ekewe aramas o apiniir.Oupwe amwichafengeni ekewe ätemirito achufengeni ekewe semiritme ekewe mönükol.Iwe, pwal ekewe mi apwüpwülüförepwe towu seni rumwer o feito.
17Iwe, ekewe souasor mi angang ngeni ewe Samol mi Lapalap repwe ütä lefilen kengkangen ewe imwenfel me ewe rongen asor o kechü.Iwe, repwe apasa, “Äm Samol mi Lapalap, kopwe achika noum aramas, nge kosap mwüt ngeniir pwe repwe tolong lon itengau me esit me ren chon ekewe mwü.Pwota chon ekewe mwü repwe apasa, ‘Ifa i chök ar we Kot?’”
18Mürin, ewe Samol mi Lapalap epwe ekimongei fanüano tongei nöün aramas.19Iwe, epwe üreniir,“Iei üpwe ngenikemi wiich,wain me apüra seni föün oliftori epwe ku ngenikemi.Ousap chüen küna itengau me lein chon ekewe mwü.
20Iwe, üpwe atowu me leimi ekewe pwiin lifichimas seni efengo asürela toau lon fanüapö,pwe ekewe mi akom repwe mäla lon ewe Setin Mäla mi nom ötiu,nge ekewe mi kukumwir repwe mäla lon ewe matau watte mi nom lotou.Iwe, pwongauen inisir epwe pwonotä.Üpwe aroserela pokiten ar kewe föför ra föriir.”
21Ewe fanü epwe öchsefälo ämärätä sokopaten irä mi ua,pun ewe Samol mi Lapalap a föri mettoch mi amwarar.22Ousap niuokus, ämi mönün ewe fanü,pun fetilin lon ewe fanüepwe arauarau,ekewe irä repwe ua,ewe irä fiik me irän wain repwe pwal uamong.
23Oupwe mwänek, ämi aramasen Sion,oupwe pwapwa ren mine ewe Samol mi Lapalap ämi we Kot a föri.A fang ngenikemi üttomongo apüngätiu womi ütten lefenme ütten leres usun chök me mwan.24Iwe, ekewe lenien wichiwich umwun wiich repwe ur ren föün wiich,nge ekewe lenien üchüch repwe ur ren wain me apüra seni föün olif.25“Iwe, üpwe aliwini ngenikemi mine ekewe lifichimas mi äsfeil,ekewe mi mwetemwet o kata,pwal mine ekewe muunen lifichimas ra eni lon ekewe ier.Ir nei mwichen sounfiu mi chomong üa tinato remi.26Iwe, oupwe mongö mongö mi chomong pwe oupwe möt.Oupwe pwal mwareiti iten ewe Samol mi Lapalap ämi we Kot,a föri mettoch mi amwarar ngenikemi.Nge nei aramas resap chüen tosefälilong lon itengau me säw.27Iwe, ämi chon Israel, oupwe silei pwe ngang üa nom leimi,oupwe pwal silei pwe ngang ewe Samol mi Lapalap ämi we Kot,nge esap wor eman lüki.Iwe, nei aramas resap chüen tosefälilong lon itengau me säw.”

Kot epwe fangala Ngünün ngeni aramas

28“Mürin, epwe war ewe fansoun pwe üpwe tinato Ngüni won aramas meinisin.Nöümi mwän me fefin repwe osuni,ekewe chinlap mwän me leimi repwe eäni tan,nge nöümi alüal epwe wor künaer.29Lon ena fansoun üpwe pwal tinato Ngüniwon chon angang mwän me chon angang fefin.
30Iwe, üpwe awarato manamanwon läng pwal won fanüfan,cha me ekkei, pwal kuchun ötüöt.31Akkar epwe rochola,nge maram epwe wiliti chamwen epwe war ränin ewe Samol mi Lapalap, ewe rän mi lap o eniwokus.32Iwe, epwe fis pwe iö epwe köri iten ewe Samol mi Lapalap epwe manau.Pun won ewe chuk Sion pwal lon Jerusalem repwe nom chokewe mi sü seni feiengau,usun ewe Samol mi Lapalap a apasa.Nge me lein ekewe mi chüen manau epwe wor chokewe ewe Samol miLapalap a afiliir.”
expand_more
Search