IPRU5chk_bsm
1Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.2Pokiten i a apwangapwang lon püsin manauan, a tongeni tipepwetete ngeni chokewe mi wewemang o föri mine a mwäl.3Iwe, pokiten püsin i a apwangapwang, epwe fokun föri asoren amusamusen tipis, sap fän iten chök än ekewe aramas tipis, pwe pwal fän iten püsin an tipis.4Esap wor eman a seikätä püsin i an epwe wiseni ewe wisen souasor mi lap. Nge Kot echök a seikätä eman aramas an epwe wiseni ewe wisen souasor mi lap, usun chök mine a fis ngeni Aaron.5Ina chök usun Kraist, esap püsin seikätä an epwe wiseni ewe wisen souasor mi lap. Nge Kot a üreni,“En Nei, ikenai üa wiliti Semom.”6A pwal apasa lon eu kewe Toropwe mi Pin,“En kopwe eman souasor tori feilfeilachöklon tettelin Melkisetek.”7Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.8Iwe, inamwo are i Nöün Kot, nge a kaiö aleasochis ren ekewe riaföü a tolong lon.9Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.10Iwe, Kot a aita ngeni souasor mi lap lon tettelin Melkisetek.