Nabos Abik AYohana22
1Wat atomaza me di tonong kukyɛk fi ku nesek ashi kutset, fi ku gyɛs gyiri tɛ agyilas. Ashi me nes ni kuta igwɔm Adakunom ni Kitsamang e,2ku gosok nate agbat irèn iwɔp e. Na kaakyɛ abak kukyɛk e, kakon inesek kutset di se, ka tes ica nri kusɔk abe afaa, ka korok ica me kaakyi kufɛn. Afumung ákon e yet ikan ites mben azatse kyang.3Ba bi tɛ ba sɛ ite kawɛy ni wɔp e awo. Kuta igwɔm Adakunom ni Kitsamang e bi se ni wɔp e, basam wu bi ku ya ntong.4Ba bi di ayisi wu, ni iyerek wu bi se na natii bá.5Ba da tɛ ba sɛ katuk azɔng awo. Ba bi tsɛt mgbey agaramun ke nfi kunom azɔng awo, nek aTisa Adakunom bi sot mgbey bá. Ba bi ya igwɔm ayɛ na ayɛ.6Atomaza me fɛ̀ ni imi,<<Ifɛ̀ deng yet ikyɛngite iyɛ nɛ atsak.ATisa, Adakunomafɛ́ nabik batan wu,a tom atomaza wu,na a tonong basam wunkyɔrɔk fɛ́ gbingbingngmash nin te.>>7AYeso fɛ́, <<Di yin, imi yɔng ngmash ni in bɛ́! Awɛng se gung na ayɔng fɛ́ a tot ifɛ̀ batan fi i se ni kufumung kang.>>8Imi, aYohana, imi wu fi in fok, in di nkyɔrɔk nang. Izen fi in mi fok, in mi di ina bá, in kpa gururuk natak atomaza fɛ́ a di tonoso nkyɔrɔk e nang, nɔng in ku ya ntong.9Awɛt iwu fɛ̀ ni imi, <<I bi nye anɔng awo! Imi yet afi ifiri ni ngɔn nɛ barunyining batan, nɛ ngma bayɔng fɛ́ ba tot ifɛ̀ kufumung kang. Ya Adakunom aziwu ntong!>>10A tɛ fɛ̀ ni imi, <<I bi nɛt ifɛ̀ Adakunom fi i se ni kufumung kang awo, nek izen e bɛ́ bakat.11Won ayɔng fɛ́ a ras anyas, na ya kashon ni iras anyas wu; won ayɔng fɛ́ a ras ngbɛk-gbɛk nkyɔrɔk; na ya kashon ni iras ngbɛk-gbɛk nkyɔrɔk wu; won ayɔng fɛ́ a ras nkyɔrɔk ntek, na ya kashon ni iras nkyɔrɔk ntek e, won ayɔng fɛ́ a se jɛrɛ, na ya kashon ni kusot jɛrɛ.>>12AYeso fɛ́, <<Di yin, imi yɔng ngmash ni in bɛ́! Izang hom se ni imi, In da nɔɔk kaangan kpaf ikyɛng fɛ́ a ra.13Imi yet Imɛsɛng nɛ afi Igang, afi Imɛsɛng e ni Igang e, afi Itumung e ni Nkum e.14<<Awɛng se gung ne bayɔng fɛ́ ba kus ares bá, nɔng ba bin sɛ irèn sak na kakon inesek kutset, a da nɔ atisi kuwɔp e.15Ákabu fɛ́ a se ama iwɔp e, yet bayɔng fɛ́ ba ras kubok, ni kujang, nɛ́ bafi ifɛɛs banet, nɛ bafi ya nabannom ntong, nɛ ngma bayɔng fɛ́ ba shim iras mbɔɔs.16Imi, aYeso, in tom atomaza hom, na a da taas nkyɔrɔk nang nek bafi ikuus. Imi yet Aney, ni Izɔrɔk aDauda, nɛ mgbey Àdat Isɛng Atson.>>17Kabik Adakunom e nɛ́ agwol e fɛ̀, <<Bɛ́!>> Won ayɔng fɛ́ a foos, na fɛ́, <<Bɛ́!>> Ngma ayɔng fɛ́ a foos iyɛ ngash, won na a bɛ́; ngma ayɔng fɛ́ a shim, won na a bɛ́ na shan kunang ashi fɛ a nesek kutset.18In tsin kɔrɔk ngma ayɔng fɛ́ a foos kucɛɛt Adakunom fi i se ni kufumung kang ato: Ngma ayɔng fɛ́ a di barang ikikak ni na, Adakunom da ku barang izot fɛ́ ba jɛk ni kufumung kang.19Ngma ayɔng fɛ́ a kyɛk ikikak ni kufumung ifɛ́ Adakunom kang, Adakunom da shan kanu kafuu ne kakon fɛ́ ka nesek kutset, ni nfi kuwɔp ajɛrɛ, fi ba tonong ni kufumung kang.20Ayɔng fɛ́ a tsin taas kucɛɛt kang, fɛ́, <<Ey, Imi ngmash nin bɛ́.>>
Anɔng. Bɛ́, aTisa aYeso.21Won itek aTisa aYeso ni i se gung na banet Adakunom. Anɔng.
Anɔng. Bɛ́, aTisa aYeso.21Won itek aTisa aYeso ni i se gung na banet Adakunom. Anɔng.
The Seed Company