Nabos Abik AYohana18
1Ama anɔng, in di atomaza akak a ne azanɛn na tsin tisik. A bi kukyem makiyi, kazatse wat ka shesheng nek ndɛp izɔk wu.2A ta kutɔ gbɛrɛy makiyi,<<A mi kpa!Agbat aBabila mi kpa!A mi sot kari ítsengnɛ kari akaakyɛkuri aduk abik,nɛ kari ngma ngbɛk-gbɛknkyɔrɔk nɛ nanonfɛ́ ba byɛn ina.3Nek ngma mben azatsemi sɔ ashi anap iririmkujang wu.Bágwɔm azatse miras irɔs ni iwu,banet ijik azatse mites kurúm ayɛt adukkusot nta wu.>>4In ti in fok fok kutɔ kukak fi ku ne azanɛn,<<Banet in, wuruk yinayɛt wu,kɔn inɛn wu bi ki tat yin,kɔn izot wu ikakbi kpa naton yin;5nek anɛn wu mi tseshining sak azanɛn,Adakunom mi yiringanyas ko.6<<Ku nye yin kpaf ikyɛng fi iko kin ki nye yin e ba;ku nye yin ne sok kafaikyɛng fi ko kinki nye yin ne.Ku ku gyɔrɔp yin itsɛnifaa ikyɛng fi ko kinki nɔk yin.7Ku tang yin iyɔm,ni mgbang makiyikpaf ni ízɔk ni ntafi iko kinnesek ice ko.Ku tsosok kukaani iyɛ ko fok,<Imi sosok tɛ azɛnɛ;imi yet akuma awo,imi bi diibeseng iyɛ awo.>8Nek anɔng, atuk azining,izot ko bi bɛ́ zɛngɛ,iku, nɛ kafa kawe, ni nzong.Kurong bi ku ko ya,nek aTisa, Adakunom fɛ́ awaat akaakyɛ,bi ku tsɛɛt ishɔt.9<<Ni izen fɛ́ bágwɔm azatse fɛ́ ba mi ras kujang ni iwu, fɛ́ ba ya nta bà gung ni wu, bi di atseng kurong fi ku bi ku ya, ba bi tos na ba nye kafa kawe mok iwu.10Nek nnyim mgbang fɛ́ ba bi di na tsin sɔ, ba bi nyeseng yik-yik na ba tos,<Kawɛy! Kawɛy!Kaa agbat iwɔp,Kaa aBabila, kuwɔp fɛ́ba foos ni iko!Ayɛt igyip izining,igang ngɔn wat ibɛ́!>11<<Banet ijik azatse bi tos nɛ kafa kawe naton ko nek vit ayɔng fɛ́ a tɛ a ka ba ras ijik12nkyɔrɔk ijik bà yet: atsɔm-aseng, nɛ atsɔm akan, nɛ ata itsɔm, nkyɔrɔk kurúm aben, ni nkpiin alinen, ni nzwey e, nɛ asiliki, nɛ asɛng kyiu, ni nkyɔrɔk nkɔn ntek zizɛɛt-zizɛɛt, ni nkyɔrɔk anyi azɔkɔm zizɛɛt-zizɛɛt. Ni nkyɔrɔk fɛ́ ba sɛp na ákon aSitiron, ákon itsɔm, ngma nɛ́ ayɔng fɛ́ ba nye na atsɔm, na atsɔm awe, nɛ ata inok fɛ́ a nɛp.13Ni nkyɔrɔk asinamɔn, ni nkyɔrɔk nkɔn ntek e, na amir, nɛ afirankinsen; nɛ ashi anap, nɛ name, ni mkpe ntek, nɛ alikama; ni inyak, ni ibon, ni itsaap, ni itsaap atsɔm, nɛ banet fɛ́ ba yet basam, ntset banet awe yɔng.14<<Ba bi nye, <Ngma nkyɔrɔk ntek fi i di tsɛt ice, in mi tsees, in da won. Ngma kurúm ngɔn ni nkyɔrɔk mgbep ngɔn mi beseng. Vit ngɔn ni i ti isɛ na!>15Banet ijik fɛ́ ba ku rɛɛs nkyɔrɔk e nang, fɛ́ ba tees kurúm ni wu, ba bi nyeseng yik-yik, nek nnyim mgbang fɛ́ a di se. Ba bi tos na ba nye kafa kawe16na ba tang nkun,<Kawɛy! Kawɛy!Kaa agbat iwɔp!Ngɔn fi ites alinen atek,nɛ ares azwey e,nɛ ares asɛng kyiu,i gyɛs na atsɔm-aseng,nɛ ata itsɔm,nɛ nkyɔrɔk kurúm aben!17Ayɛt igyip izining,ngma kurúm ngɔn emi beseng!><<Ngma bafɛ́ akyɛ-ashi, nɛ bafi inɔɔs e, nɛ bafi ikɔk akyɛ-ashi me, nɛ bayɔng fɛ́ ba ras ntomong ayɛt ashi, ba bi nyeseng yik-yik.18Izen fɛ́ ba bi di atseng kurong fɛ́ a bi ya kuwɔp e, ba bi nye, <Vit kuwɔp fɛ́ ba ki mang nye tɛ agbat kuwɔp kang!>19Ba bi tang ntong na ice bà, ne ba tos ni ibeseng iyɛ, na ba nye,<Kawɛy! Kawɛy!Kaa agbat iwɔp,karɔ fɛ́ ngma batekakyɛ-ashi, di tes kurúm bà!Ni igyip izining,kuwɔp e mi wey!20Nye yin iyɛ ikan nek ika,ho kazanɛn!Nye yin iyɛ ikan,banet Adakunomnɛ batom, ne batan!Adakunom mi tsɛɛt ishɔt niikyɛng fɛ́ iwukin ki ra yin e.> >>21Ama anɔng, atomaza akakfɛ́ abanang,a tehik kunyin kuta kukakfi kunanang ko seti kuta-ikɔɔ,a barak iko ni izek, a fɛ́,<<Na agap anɔng,fɛ́ ba da worokagbat iwɔp aBabila sak aben,ba bi tɛ ba ku sɛ awo.22Ba bi tɛ ba fokabom banet-izom,nɛ bafɛ́ abom, nɛ́ bafi ihwyɛrɛnɛ bafɛ́ ágba ni ngɔn awo.Vit anet kutomong mbɔkfɛ́ a bi tɛ a ne ayɛt ngɔn.Ba bi tɛ ba fok iwɔngkuta-ikɔɔ ayɛt ngɔn awo.23Mgbey agaramunbi tɛ aron ayɛt ngɔn awo.Ba bi tɛ ba fok kutɔamatek agwolnɛ agwol eni ngɔn awo.Banet ijik ngɔn, kin yetagbat bafi ijik azatse.I kin wɔrɔk icɛn azatsene nadɔm ira kubok ngɔn.24Ni iwɔp aBabila fɛ́ ba kin sɛnasok batan Adakunomnɛ nasok banet Adakunom,ne ngma banet Adakunomfi i kin fɛɛs azatse.>>
The Seed Company