BaYahuda3
1Nek anɔng, ábaruneng fi i se yin jɛrɛ, iyin fi i mi sɛ yin kanu kafiin ni iyes sak azanɛn. Sak yin kuyiring yin naton aYeso fɛ́ a yet atom nɛ Agbat àware, ayɔng fi in ma fɛ̀ yin, in nɔɔk yit atsak ni wu.2AYeso ra kutomong wu na katsak sak na ayɔng fɛ́ a ku myak, kyɔn tɛ fɛ́ aMusa kin ra kutomong wu na katsak ayɛt banet Adakunom.3AYeso kyem na ba ku nɔk iratek fi i naat ifɛ́ aMusa makiyi, kyɔn tɛ anet inok kutu a waat kutu me ikyɛng ko ni iratek.4Kaakye kari bɛ̀ anet inok ka, awɛt Adakunom wu a yet anet inok akaakyi ikyɛng.5AMusa ra kutomong wu na katsak tɛ asam ayɛt banet Adakunom. A tonong ifɛ̀ fɛ́ Adakunom bi tak ide sak ashon.6Awɛt Anet-Isheshek ra kutomong wu na katsak tɛ Arim e, fɛ́ a bi ice azaton ngma banet Adakunom. Iyit ba in yet yit banet wu me, ki in sot yit ni iyɛ ting, ni ite iyɛ fi in di ki tsot yit kugwɔm.7Nek anɔng, kyɔn tɛ fɛ́ Kabik aJɛrɛ fɛ̀,<<Atut, ki ngɔn fok kutɔ wu,8i bi sot yin nikugbarak iyɛ awo,kyɔn tɛ banet fɛ́ bakin dorok nhwyɛ awo,ni izen fɛ́ ba kindi imara natse,9azɔng wu fɛ́ badakop yinkin di mara,ba tɛ ba di bamang mo,ngma ne fɛ́ ba kin dintomong homfi in kin ras inaayɛ nsɔk nnaas.10Nek anɔng fi in kin besengiyɛ hom na bafikuzam kuyɔng, wat in fɛ̀,<Kaakyi izen kuyiring báse kpɛɛ ni imi,ba rēn irén hom awo.>11Ayɛt ibeseng iyɛ hom,in nye kushii ye,<Jɛm-jɛm, ba bi nɔna nawu hom awo.> >>12Nye yin yɛɛt ábaruneng, iba sot yin ne ayɛ anyas ni iraye ishan atsak ayɛt ayɛ yin awo, fɛ́ i da ki sak yin ni tirik yin Adakunom atset kama.13Tit ni i gbinding yin bafidang kaakyi izen. Ra yin kutomong na kaakyi kawat fi i sɛ yin, fɛ́ ba yes <<Atut>>, kɔn akak ayɛt yin bi se gbarak ni irèn fi inɛn di wɔrɔsɔ anet awo.14Iyit bɛ̀ yit kanu kafiit na Anet-Isheshek, ki in bereng yit gak sak ni igang e, idɔng fi in tsang di te yit agap ni imɛsɛng e.15Kyɔn tɛ fɛ́ ba tsin mɛsɛng fɛ̀,<<Atut, ki ngɔn fok kutɔ wu,i bi sot gbarak awo,kyɔn ti fi i kin te ni izenidorok nhwyɛ yame.>>16A yet bangan ba fɛ̀ ba kin fok kutɔ Adakunom, ba ma dorok ni kuhwyɛ yɛ? Ngma ba, ba kin yet bayɔng fɛ́ aMusa kin wuruk ni ba ni mben aMasat awɛ?17A yet bangan ba fɛ̀ Adakunom kin di beseng iyɛ ayɛ nsɔk nnaas ni ba yɛ? Ba yet bayɔng fɛ́ ba ra inɛn, fi nkom bá kin kpas natse awɛ?18A kin yet bangan ba fɛ̀ Adakunom kin di shiwu jɛm-jɛm a bi nɔ na nawu wu awo yɛ? A kin yet iba me yɔng fɛ́ ba raba dang fok ifɛ̀ wu awɛ?19Nek anɔng, in mi di yit, nek iraba ishan atsak bá ye fi i sak da ba kyem ba nɔ na nawu wu awo.
The Seed Company