1 ABitrus4
1Nek anɔng, ne fɛ́ Anet-Isheshek sɔ izot ni irɔm wu, sok yin ace yin anɔng bà ni nggɔn fi in se kpaf anɔng, nek iwu fɛ́ a mi sɔ mgbang e ni irɔm wu a mi gang ni inɛn.2Nek anɔng, iwu nye ishɛrɛp kusot wu azeng azatse nek amaan ikɔk banet awe awo, tit nek kushim Adakunom.3Nek iyin mi bɔ yin izen yame ni iras yin agbɛk-gbɛk fɛ́ bafi nhwyi kasa iras e, isosok yin ayɛt kusot ayit isɔ, nɛ amaan ikɔk, ni isɔ, aduk iro, ni ngbɛk-gbɛk nkyɔrɔk ni iya nabannom ntong.4Ikyɛng e ka ba se yɔɔt fi iyin rayin imoon ice ni ba ayɛt iras nkyɔrɔk ngbɛk-gbɛk e, nɛ ba ki korok yin ni itok.5Awɛt ba bi tak ikyɛng fɛ́ ba kin nye sak na ayɔng fɛ́ a mi kana nye a da ra batset nɛ bafaben ishɔt.6Nek anɔng wu, fɛ́ kin di shara ifɛ̀ itek sak na bayɔng fɛ́ ba man kus, nɔng ba bi ka ba ra ishɔt tɛ banet ni irɔm, awɛt ba bi nye kusot bá nabik ashon Adakunom.7Igang akaakyi ikyɛng mi bɛ́ bakat. Nek anɔng, tot yin ace yin, nɔng i da kyem ira yin awon.8Iratek e ngma yet shim yin bafidang ni iyɛ izining. Nek ishim famasa ihwyanang anɛn dot.9Shashang yin bafidang yɛɛt na nasa yin, vit itang kufɛk.10Kaangan na a ra kutomong ni kunang fɛ́ Adakunom nɔk tɛ anek atek fɛ́ na akaakyi irèn na di sɛs bafidang wu.11Ke akak tsin cɛɛt, won na a nye anɔng tɛ anet fɛ́ a tsin tees ifɛ̀ Adakunom kpaf-kpaf. Ke akak tsin ra kutomong, won na a nye anɔng ayɛt agap fɛ́ Adakunom nesek, nɔng ayɛt akaakyɛ Adakunom di ki sɛ itere ayɛt aYeso Kristi. Ízɔk nɛ agap ni isot afuu ayɛ na vit igang. Anɔng.12Bacɛk iyɛ hom, ayɔɔt bi ki yit yin nek imara ifi mgbang fi i tsin sɔ yin awo, ti ikyɛng ikak ifas tsin te ni yin.13Tit ni nye yin iyɛ ikan nek fi i tsin sɔ yin izot Anet-Isheshek, nɔng i bi nye yin iyɛ ikan makiyi ni izen fɛ́ a bi bɛ a tonong ízɔk wu.14Ke ba ki tosong yin nek iyerek Anet-Isheshek, iyin bɛ yin awɛng, nek Kabik ízɔk nɛ Adakunom se ni yin.15Ke akak da sɔ mgbang, won da i bi yet nek ifɛt anet akak awo, kɛ nek itsang awo, kɛ nek amaan anet awo, kɛ nek inɔs ni ikyɛng fi kubɔk wu di se awo.16Ngma na anɔng, ke i sɔ mgbang tɛ bafi ikuus Anet-Isheshek, da i bi fok nsum awo, tit ni tere Adakunom nek ibɛ yin iyerek e dɔng.17Nek izen mi nye fi ishɔt da tumung na banet Adakunom; ki ishɔt e tumung ni iyit, ikyɛng e da te anɛ na bayɔng fɛ́ ba raba ifok ifɛ̀ itek Adakunom ɛ?18Ane,<<Ki i bi mgbang,anet kusot kutabatna a hwyet.I bi sot anɛ na bayɔngfɛ́ ba raba kusot kutabat,nɛ bafi inɛn ɛ?>>19Nek anɔng, bayɔng fɛ́ ba tsin sɔ mgbang ni irèn fɛ́ Adakunom shim, na ba nabak ice bá na afɛ́ atsak Anet inye bá, nɛ ba ya kashon ni iras itek.
The Seed Company