Mateo9
1Anuax nuntinu ꞌirukiani kuantankëx ka baka ukëmanan sika tankëx Jesús aín ëmanubi bëbakëxa.2Usai ꞌikëbëtan ka uni ꞌinsinkë nikinbi tankëma achúshi bakëtinu ꞌaruxun ubankëxa: An uni ubankë an ka Jesusan ka ënë uni pëxkuti ꞌikë kixun sinankëxa, sinánia ꞌunankin ka Jesusan ꞌinsinkë uni a kakëxa: —Chuamarua ka ꞌit min ꞌuchakama ka tërë́nkë ꞌikën.3Kia kuakin ka an kuënëo bana ꞌunánkë uni rairinën sinankëxa: —Ënë unix ka ꞌatimati Diosmi banaia ax ka ꞌaisama ꞌikën.4Kia atun, sinán ꞌunankin ka Jesusan kakëxa: —¿Uisa kupin kaina mitsun ꞌatimakin sinanin?5¿Uisa kara “Min ꞌucha ka tëmashi tërë́nkë ꞌikë”, mi kanabi “Nirukiani ka kuantan kixun mi kati ꞌik”.6Kana mi ismiti ꞌain, ꞌën Unin Bëchikë ꞌixun kana ꞌënribi ënë menu kushi ꞌixun, uni aín ꞌuchakama tërëana. Uni ꞌinsinkë nirukibi tankëma: —Nirukiani ka min bakëti bibiani min xubunu kuantan kati ꞌain.7Usakin kakëshi ka nirukiani aín xubunu kuankëxa.8Ënë isi rakuëkin ka unikama kuë́ënkin nukën Papa Dios rabiakëxa, ꞌain cushia uni pëxkuia ëskin.9Anuax kuankibi ka Jesusan Mateo tsókë mërakëxa, ꞌapu ubamiti kuríki bitsi tsókë mërakin ka kakëxa, ꞌë ka nuibëtsin kakëxëshi ka nirukiani abë́ kuankëxa.10Kuankin ka Mateonën Jesús këñun aín unikama aín xubunuxua pinun ubankëxa, ubanx ka an Romanu ꞌikë ꞌapu ubamiti kuríki bikë unikama ꞌimainun ꞌuchañu unikamabëtan pi anuxun piti anu Jesús tsobuakëxa.11Usakin ꞌaia iskin ka fariseo unikama Jesusan unikama kakëxa: —¿Uisa kupin kara an kuríki bikë uni ꞌimainun ꞌuchañu unikamabëtan an mitsu ꞌunamikë unin pín?.12Kakëxun ka Jesusan kakëxa: —Uni ꞌinsinkëma kaman ka rukuturu kuëënima, paëtankë uni ꞌimainun ꞌinsinkë uni an kuni ka rukuturun ronti kuëënía.13Usa ꞌain kamina ënë bana kuënëo uisai kara kia kixun ꞌunanti ꞌain: “ꞌËn kana min nuibananti kuë́ënin, ñuina xaroima”. ꞌËn kana uni upí kupin uama ꞌain, sinánati ꞌëmi katamënun ꞌuchañu unikama a kai kana ubakën.14Juan an uni nashimikë, aín unikaman ka Jesús kuanxun ñukakëxa: —Nukama ꞌimainun fariseonëx ka ꞌitsaíira ñu píima samátia, ¿Añu ꞌai kara min unikama samatima ꞌin?15Kakëxun ka Jesusan kakëxa: —¿Kamikë unikama kara masá sinanti ꞌikë anua aín mëratibë birakakë anua abë́ ꞌain? ꞌAibi ka aín nëtë nukukëbë aín mërati uankëbë ñu píima samáti ꞌikën.16“Uinbi ka chupa xëni, chupa sani iotan aín tukikë a ꞌunuima; usa okëxubi ka chupa sani iotan tsënkikin chupa xëni tukaia, tukakëx ka chaia.17Uinbi ka ñuina xáka chumu okë xëninu uva bërií chëkakë a ꞌaruima ꞌarukëxubi ka tukaia, uva chëkakën ka urukin chumu tukai ampënkiti ꞌikën. Usa ꞌain ka uva chëkakë bëná ax ñu xaká bënanu ꞌarukë ꞌiti ꞌikën, usa ꞌain ka a rabëtabi upí ꞌiti ꞌikën.” 18Jesusan bana ñuikëbë ka judiosnën ꞌapu aín kushi achúshi ukin kakëxa: —Aín rabuxutan tsobukin, ꞌën bëchikë ka bamatisa ꞌikë, usa ꞌaibi ukimin min mëkën anu nankëx ka iëti baiskiti ꞌikën.19Jesús nirukiani kuankëbëa, aín unikama abë́ nirukiani kuania ka nuibiankëxa.20Usai ꞌikëbë ka xanu akumakë mëkën rabë́ ꞌimainun rabë́ baritia, imi putakë an Jesús kaxu kuankin aín chupa kuëbi tikakëxa.21Ka sinánkëxa: ꞌAin chupa tikaishi, kana pëxkuti ꞌain.22Kuainakëkin ka Jesusan isakëxa, iskin ka xanu kakëxa: —Chuamarua kamina ꞌiti ꞌain, xu xanu. ꞌËmi sinani kamina pëxkua, anuax ka xanu pëxkukë ꞌiakëxa.23Jesusan ka judiokama ꞌapun xubunu nukukin isakëxa, an ñu më́ëkë unikama bukukë isanan uni sharati inia isakëxa.24Ka kakëxa: —Ka pikú ënuax, xu xanu ka bamakëma ꞌikën, ka ꞌuxaxa kia ka. Unikaman Jesús usankankëxa.25ꞌAibi ka anu ꞌikë unikama a chikini atsinki ka, xu xanu aín mëkënan bikin biruakëxa.26A me kamanuxun ka usaia ꞌikë kuakankëxa.27Anuax kuania ka Jesús bëxuñu uni rabëtan nuibiankin, kuënkënkin kakëxa: ¡Davitan rëbunki nu kamina nuibakin ꞌakinti ꞌain!28A xubunu Jesús atsinkëbë ka bënxuñukama a ꞌurama kuania, ñukakëxa: —¿Mitsun kaina ꞌën karana uisakin mi ꞌati ꞌai kixun sinánin?
—Usa ka ꞌën ꞌIbu, ka kakëxa.29Usa ꞌain ka Jesusan aín bëru tikakin kakëxa: —Min sinankësa oi ka ꞌiti ꞌikën.30Usa ꞌaín ka bëpëxkukin Jesusan kakëxa: —Uibi kamina ñuixuntima ꞌain.31ꞌAibi ka pikukin kamabi menuxun ꞌunantanun Jesusan ka ꞌë pëxkuaxa kixun ñuiakëxa.32Bënxuñu unikama chikitamainun ka uni banañuma Jesusnu bëakëxa, anu ñunshin ꞌatsian ꞌikë.33Anua Jesusan ñunshin chikinkëbë ka uni banakëxa, usaia ꞌikëbë ka uni ratuti sinankasmai kiakëxa: —¡Uinsarabi ka Israelnu ësa ñu ꞌiama ꞌikën!34ꞌAibi ka fariseokama kiakëxa: —Ñunshin ꞌatimanën ꞌapubi ka ënë aín kushi ꞌinanxa anua ñunshin pikunun.35Jesús ka ëma chukumakama ꞌimainun ëma chanuribi kuankëxa, kuankin ka anua judíos timëkë xubu kamanuxun ꞌunamiakëxa. Upí bana ñuixuankëxa, Diosan nëtë naíkamëonu ꞌiti ñuixunkin ka ꞌinsinkë uni pëxkukin aín paë nëtëmiakëxa.36ꞌAisamaira uni iskin ka nuibakëxa ꞌibuñuma oveja ꞌikësai nuibakati sinankasmai ka tantima niakëxa.37Aín unikama ka kakëxa: —ꞌItsaíira ka ñu bimi a biti ꞌikën, ꞌaibi ka an biti uniñuma ꞌikën.38Usa ꞌain kamina bimi ꞌibu ñukáti ꞌain, an bimi biti unikama xunun.
—Usa ka ꞌën ꞌIbu, ka kakëxa.29Usa ꞌain ka Jesusan aín bëru tikakin kakëxa: —Min sinankësa oi ka ꞌiti ꞌikën.30Usa ꞌaín ka bëpëxkukin Jesusan kakëxa: —Uibi kamina ñuixuntima ꞌain.31ꞌAibi ka pikukin kamabi menuxun ꞌunantanun Jesusan ka ꞌë pëxkuaxa kixun ñuiakëxa.32Bënxuñu unikama chikitamainun ka uni banañuma Jesusnu bëakëxa, anu ñunshin ꞌatsian ꞌikë.33Anua Jesusan ñunshin chikinkëbë ka uni banakëxa, usaia ꞌikëbë ka uni ratuti sinankasmai kiakëxa: —¡Uinsarabi ka Israelnu ësa ñu ꞌiama ꞌikën!34ꞌAibi ka fariseokama kiakëxa: —Ñunshin ꞌatimanën ꞌapubi ka ënë aín kushi ꞌinanxa anua ñunshin pikunun.35Jesús ka ëma chukumakama ꞌimainun ëma chanuribi kuankëxa, kuankin ka anua judíos timëkë xubu kamanuxun ꞌunamiakëxa. Upí bana ñuixuankëxa, Diosan nëtë naíkamëonu ꞌiti ñuixunkin ka ꞌinsinkë uni pëxkukin aín paë nëtëmiakëxa.36ꞌAisamaira uni iskin ka nuibakëxa ꞌibuñuma oveja ꞌikësai nuibakati sinankasmai ka tantima niakëxa.37Aín unikama ka kakëxa: —ꞌItsaíira ka ñu bimi a biti ꞌikën, ꞌaibi ka an biti uniñuma ꞌikën.38Usa ꞌain kamina bimi ꞌibu ñukáti ꞌain, an bimi biti unikama xunun.
The Seed Company