Sálumu90
Bungiu hama gürigia
1Aburemei, buguya waramudaguagülebei súnwandan.2Lúmagiñe meha lubaragiñe ladügǘn burí wübü, lubaragiñe buga anihein lan múa luma ubóu, lúmagiñe binadu dan lumoun lébeha dan, Bungiu buguya.3Adügatibu lun háguyugun gürigia múame dan le bariñagun: «Águyugua humá hárigoun lidoun múa gürigia».4Milu irumu bun ítara liña kei weyu wurinouga, le ásügürübei; ítara liña kei átiri oura áriebu!5Aduruuha bumutiña gürigia lau anarimeni kamá hamuga aban idabagu;6ítara haña kei híduru le áhüchübei aba legelewehan binaafin, gama lumoun rábounweyu aba lásaürün aba lounwen.7Gumuguagüda lumutiwa bigañi, bulíeiguagüda lumutiwa!8Rédeiti wafigoun luma wariban bigibugiñe.9Sun wabagari gumuguati ladüga bigañi; ñǘdünti warumudiri kei aban awaraguni.10Ǘrüwa wein diisi irumu ligía wabagaridubei; ha héretimabaña chülütiña darí gádürü-wein; gama lumoun igarigu luma wadagimanu líchugubei limigifen ibagari. Sügüti burí irumu furese kéisigubeirügü wagía!11Kagia subudihabúbei lun lanarime bigañi? Kagia subudihabúbei lun basafaragun?12Arufudahabá woun lun wabahüdüni waweyuri buidu, ragǘ láamuga wachügü lichú aau.13Aburemei, gararaguabá wawagun! Átiribei san dan bau lubá bagiribudun? Gudeme hamá bubueingu ha bun!14Buíngüdabawa lau bínsiñehabu dan le lagumeserun weyu, eremuha wamaamuga lau ugundani lidan sun wabagari.15Ruba saragu irumu lau ugundani woun, kei burí líbehabu irumu le sügǘ wamaalibei lau idiheri.16Adügabá lun gayara lan harihini bubueingu hama hadügawagun katei le burí badügübei luma buéirigun!17Ñeinlá lareini Aburemei le Wabungiute wawagu. Bungiu adügabá lun derebugu lan buadigimari wadan! Anha Bungiu, derebugugüdabei buadigimari wadan!Bible Society of Honduras