Sálumu88
Lafurieidun aban súfuriti
1Nabureme, Nubungiute Nesefuragüle, amuriahatina ídemuei buma áriebu wéyuagu,2resibibéi nafurieidun! Tenibá lun nayumuragun!3Wéiriti wuribati le ábürühabei nuagun darí lun nasandiragun nungua luagu nounwe lan;4darí lun gayaraahali lan nabahüdǘniwa hadan hilaaña, ladüga rédeihadina méreuga,5Igirúaadina haganagua hilaguaaña; ítara niña kei ha óunwegubaña lidan wuribu, ha bunawaañabaña; kei ha féridi hamaalibei bóunigirun, ha bulíeibaañabaña!6Fuíbaadina lidoun lilulin-agei huyu, lidoun burí fulasu búrigati ani hulili ligía.7Ígiragüda baali bigañi nuagun, bulugüda báadina lábugiñe lihürü lugudi barana!8Adügaadibu lun hígirunina numadagu; adügaadibu lun hásiñarunina awanda. Ítara niña kei aban adaürǘti le siñati lesefurun.9Nerederuña marihinga lárigi saragu ayahuni; Sagü weyu nayumuragun bun, Nabureme, ani iñura numuti núhabu bun!10Badügübei funagia uéiriguni hádangiñe hilaaña? Gayaraabei funagia seremei hamanibu hilaaña?11Ladimurehóuba funagia luagu binarün luma bínsiñehabu lidan umúahaü, lidan larúeihan óunweni,12lidan lamuñan óunweni, le ñein lubéi labulieidúa sun katei? Ñeinbei funagia aritaguti luagun biricha luma burí katei wéiriguti le badügübei?13Ánheinti au, Nabureme, wátina buagu; iñura numuti nafurieidun bun binaafin.14Ka san uagu mabahüdün bubadina, Nabureme? Ka uagu baramudagua nuéi?15Lúmagiñe meha nibureingidina nidiheri nan ani yarafa au lun óunweni; áfagaadina katei hanarimeburiti búmagiñe, ani siñá nun!16Sügühali lanarime bigañi nuéigiñe, ani áfaraha láadina;17geyeguati nau sunsuinagubei súnwandan kamá dan le labuinchun duna fulasurugu.18Dísegüda baaña numadagu nuéi, guentó lúmarügüñein luburiga gamadagua nan!Bible Society of Honduras