Sálumu81
Luriban Ísüraeli luma lareini Bungiu
1Heremuha lau ugundani lun Bungiu, ladüga ligía lan wérebei! Heremuha lau agúarahani lánina ugundani lun Lubungiute Hakobu!2Heremuha áfareina panderu, luma libimen tamuri sun tuwuyeri árüpa.3Win humóun fidu lídanme lachülürün iseri hati, ítarameme giñe lídanme lachülürün fulenu, ligía luéyuribei óunwenbu wafedun.4Ladüga anihán gumadi le líchugubei Lubungiute Hakobu lun Ísüraeli;5ligía gumadi le ichugúbei lun Hosé dan le láfuridunbei Bungiu ageindagua kóntüra Ehiptu.Aganbatina lariñagun aban umalali le ibidiñeti meha nun:6«Gidá naali banügün bégewagugiñe, gidá naali wadagimanu dereti buéi.7Wátibu nuagu lidan bidiheri, aba nesefurunibu; óunaba numutibu lídangiñe dúeri le adürühabei, hóuchagua numutibu laru duna le Meribá.8Aganba huméi neweridihan nánigu, baganbana hamugadügü Ísüraeli!9Mabungiutebá búngiugu terencha; máhuduraguaba houn búngiugu terencha.10Au Bubungiutebei; le asagarubadibu Ehiptugiñe; wagaba ábame nakimuledagüdünibu.11Gama lumoun máhatiña nánigu haganbunina; máhati Ísüraeli ladügüni le nubeibei!12Ligía nígirunbaliña lun hasigirun adügei le habusenrubei, aba habagaridun keisi hagundan.13Lun hamuga buga aganba hamanina nánigu! Lun hamuga falá hamani Ísüraelina némeri,14nǘnabudagüdüñanu hamuga háganiñu lidan murusun dan, áfaraguanaña hamuga ha ageindagubaña hama!15Hábürühaña hamuga ha iyereehabúbaña lun Bungiu ligibugiñe aba hamuga hasiadirúniwa lun súnwandan.16Léigagüdüñein hamuga Bungiu lubuidun-agei türigu houn lánigu, gidaléi hamuga hamagürabu lau sírudu áraabuna».
Bible Society of Honduras