Sálumu76
Bungiu le gagañeiradibei
1Subudiwati Bungiu Hudá; buiti ladimurehoun luagu liri hadan lánigu Ísüraeli.2Luáguñoun wübü le Sión litenpulun, uburugu Herusalén;3ñein láhalachaguoun burí lárumatena wuribu: Idaüdinaü, eféin tuma gimara.4Wéirigutibu Bungiu! Wéirigutibu sügǘ lau burí áraabu le magumuchadibei!5Ha ganigitimabaña aba lagidarúniwa sun hámati; ha héretimabaña, aba lásiñarun hadügün ni kata; arumuga hamuti lagumuhóun hadabagu!6Dan le bíchugun lúrudu, buguya Lubungiute Hakobu, siñati tánhingichun karü ni gabayu.7Hanarimetibu! Kaba san gayara lerederun lara bigibugiñe dan le bagañidun?8Lúmagiñe siélugiñe subudigüda bumuti baguseragüdün; aba lederaguagüdün múa ladüga lanufude,9dan le básaarun lun bíchugun irichaü, Bungiu, luma lun besefuruniña sun ha asufurirubaña ya ubouagu.10Sánsiguati ligañi gürigia lun alawahanime bun, lérügü murusun ligañi, ñǘbuinti lun biridinme!11Adüga humá füramasei lun Habureme le Hubungiute, gama lumoun gúnfuli humá luma; huguya le geyegubei lau le gadünabei lun inebewalá barǘ humá idewesei lun!12Gidá lumuti habagari gumadimatiña, hanufudegüdalaña lurúeitegu ubóu.Bible Society of Honduras