Sálumu47
Bungiu Urúeibei lidan sun ubóu
1Sun gürigia pou huméi húhabu! Hagúaraha lun Bungiu lau ugundani!2Ladüga hanarimeti Aburemei le íñugubei; ligía lurúeitebei sun ubóu.3Günringuati burí ageiraü hama néchanigu, aba líchuguniña lábugiñe wabafu.4Anúadaha laali walagante, le lapantaagüle Hakobu, le meha hínsiñebei lun.5Warihali Aburemei luagun lálana larúeihan laganagua hagúarahan lánigu lau ugundani luma tumalali fidu!6Heremuha, wa humá uremu lun Bungiu! Heremuha, wa humá uremu lun warúeite!7Heremuha aban bérusu lun Bungiu, ladüga ligía Lurúeitebei sun ubóu!8Bungiu Harúeitebei néchanigu! Ñun liña luagu lálana larúeihan le sándubei!9Óundaraguatiña wügüriña íñugutiña ha fulasurugubaña hamoun lumutuniña Bungiu le Lubungiute Abüraámü,10ladüga lani Bungiu sun ubafu le ubouagubei lóugiñeñein sun katei Bungiu!Bible Society of Honduras