Sálumu4
Emenigini luagu Aburemei
1Bungiu le ageindagubei nuéigiñe. Fuleseibana lau bóunabunina danme nagúarun bun! Buguya le íchugubei dǘgüdaguaü nun lidan nidiheri, gudemená bun, aganbabéime nafurieidun bun!2Huguya le wéirigubei hanaagun hungua, ídaba san lásura hanabaguni niri? Ídaba san lásura hayumahan luma háluahani katei le málabei luma le mámabei inarüni?3Subudi huméi luagu himei lániña Aburemei gürigia ha gúnfulibaña luma lun lánigume, subudi huméi luagu aganba lánina Nabureme dan le nagúarun lun.4Adadagara humá, mafigounhadigia huguyame! Danme róunhadün, lidan límaniga álügüdagua humá hungua ida hiña lan tidan hanigi;5ru humá adagaragüdüni lau inarüni lun Aburemei, afiñe huguyame luagu.6Gíbetiña ariñagutiña: «Kaba funa san arufudei le buídubei woun?» Aburemei, arihabá wawagun lau areini!7Rúhadibu ugundani tidoun nanigi sügǘ hau ha gíbebei türigu tuma diwéin hama.8Róuntina tidan nigabanan lau darangilaü lárigiñe aba narumugun, ladüga rútibu darangilaü luma achoururuni nun, Nabureme.Bible Society of Honduras