Sálumu29
Lubafu lumalali Aburemei
1Ru humá uéiriguni lun Aburemei, huguya lirahüñü ha siélubaña; alawaha huméi lubafu luma luéirigun Aburemei;2halawahei luéirigun liri Aburemei; hudugua humá lun Aburemei tidan lisanduariun.3Aganbúati lumalali Aburemei ligibuagu barana; dürürügüdati Bungiu le wéirigubei wayuhuru: Anihein Aburemei lóugiñe lueirin barana!4Dürügüdati lumalali Aburemei lau erei, aganbúati lumalali Aburemei lau ubafu;5Halaguati lumalali Aburemei tídibu wewe. Guchagua lumuti Aburemei tídibu hibúari le Líwanuna!6Adadagaragüda lumuti burí áraabu le Líwanu luma Sirión; achubaagüda lumuti kei bágasu!7Achüühati lumalali Aburemei watu gemeti;8adadagaragüda lumuti lumalali Aburemei fulasu mageirawati, adadagaragüda lumuti Aburemei fulasu mageirawati le lani Kádesi.9Hingí lumutu lumalali Aburemei tídibu wewe wéinamutu hulagualóun burí to dabiararuguboun; rútiña súngubei uéiriguni lun lúbiñe.10Gumadi lumuti Aburemei huya; agumadihati Aburemei keisi urúei lánina sun dan!11Ruti Aburemei erei houn lánigu; biní lumutiña Aburemei lumutuniña lau darangilaü.Bible Society of Honduras