Sálumu20
Afurieiduni luagu agañeiruni
1Aganba labu Aburemei lidan idiheri; ageindagualá Lubungiute Hakobu buéigiñe.2Óunahala ídemuei bun tídangiñe lisanduariun Bungiu to Sionboun.3Haritagualá luagu sun bidewese lun, resibileime sun badagaragüdün le gudawarügüti luagu latarü lau ugundani.4Gúnfulilei sun bayumahan, adügaleime sun le baritagubei badügün.5Wefeduhaba ítara luagu bagañeirun, wiñuruba fanidira lidan liri Wabungiute. Gúnfulilei Aburemei sun le bamuriahabei!6Chouru naali luagu líchugubei lan Aburemei agañeiruni lun urúei le lanúadirubei, luagu lóunabubei lan giñe siélugiñe, rúina ligíame agañeiruni lun lau lubafu.7Añahein afiñetiña tuagu burí hakarün to lánina wuribu, híbiri afiñetiña hawagu halügüniña gabayu; anhein wagía luagu Aburemei le Wabungiute wafiñera.8Hagía, baruguati hagachürügü aba héiguadun, anhein wagía, derebugumemetiwa raramémewaña giñe.9Aburemei, rubei agañeiruni lun urúei! Óunababawa dan le wagúarun bun!Bible Society of Honduras