Sálumu2
Niráü buguya
1Málati hachagaragun néchanigu ha gíbebaña ubungiute málati hasaminarun hadaagun katei le meseriwínti.2Awügürihouatiña urúeigu hama gumadimatiña ha lánina ubóu le; óundaragua hagía lun heledegun lubá Wabureme Bungiu, luma lubá urúei le lanúadirubei.3Aba hagúarahan, hariñagati: «Wáhüchüraguaali hagüringürin wawariua! Wafaragadaali hagüraguniwa!»4Éherahati Aburemei le arúeihabei sielu hau;5lárigiñe, aba lagañidun, aba lalouchagüdüniña; aba lébechuniña buin lau igañi, lariñaga:6«Ru naali nurúeite luagu Sión, nuwübüri le sándubei».7Lariñahare urúei: «Nariñagaali ka lan laritagubei Nabureme: Ariñagaali nun: “Niráü buguya, uguñe, Búguchihadina.8Amuriahabá numa lun níchuguni néchani burí bun balaganteme, amuriahabeime lagumuhóun larigeirugu ubóu, níchugubei bun.9Bagumadirubaña urúeigu lau úhabu héreti, babouchagubaña kei sóudieru le adügǘti lau múa!” »10Guentoti aganba humá, huguya urúeigu hama agumadihatiña ubouagu; furendei huméi arufudahani le buidu!11Ru humá uéiriguni lun Aburemei lau ugundani luma inebesei bulugua humá adadagareina ligibugiñe, gáñidügüliñein, ábameti hóunwegun ǘmada, ladüga ménrengunti lun lagañidun.Fuleseiwatiña ha afiñebaña luagu!
Bible Society of Honduras