Sálumu149
Bungiu, adügüti sun katei ani Urúei
1Alawaha huméi Aburemei!Heremuha aban uremu iseri lun Aburemei alawaha huméi lidan hadamurin gúnfulitiña!2Gunda humá Ísüraelina, lílana Sión, ladüga Bungiu adügübalün, ligía giñe Hurúeitebei.3Alawaha huméi liri lau abinahani, heremuha uremu lun tau árüpa luma panderu.4Ladüga gúndaati Aburemei hau lumutuniña; ru lumuti agañeiruni houn ha ǘnabugubaña.5Gunda hamá gúnfulitiña lau hagañeirun, ani íbini dan le harumuguña lan heremuha lau ugundani.6Ñeinlá alawahani lun Bungiu lidan hiyumaaru, tuma aban eféin to biámagua tamana húhaburugu7lun hageindagun hama gibe tubungiutegu, lun habeichaguniña néchanigu,8lun hagüraguniña urúeigu hama gürigia gabafutiña lau güringüri hǘrüti le lauti gürabu;9lun hagunfuliruni siadi le bürüwaalibei hawagu. Ábanba inebesei lira houn sun ha gúnfulibaña.
Alawaha huméi Aburemei!
Bible Society of Honduras