Sálumu142
Buguya naramudaguagülebei
1Agúahatina luagu Nabureme lau umalali héreti amuriaha numuti lugudemehabu lau umalali reinti.2Ru numuti nufuledein ligibugiñe, subudigüda numuti nidiheri liñúarü,3dan le nasandiragun nungua lau maguraasuni.Nabureme, subudi bumuti némeri: Lidan üma le uéigiñebei nidin, rúhaña aban sádara nubá.4Digiguatina luagun nóunwenren, ani úati ñǘbuinti íderaguana. Úati ni aban lun númagiñe lan! Úati ni aban bereseti nau!5Bun nagúaha, Nabureme, nariñaga bun: «Buguya naramudaguagülebei; buguya sun le númabei lidan ibagari le».6Tenibá lun nagúarahan ladüga débiliti nasandiragun nungua. Sefubána hawéi ha éibaahabalina ladüga héretiña nuéi.7Sagabana tídangiñe nufurisun lun gayara lan neremuhan bun. Hageyedaguba gürigia harumatiña nau danme le óusera báadina buidu.
Bible Society of Honduras