Sálumu135
Katei burí wéinamuti le ladügübei Bungiu
1Alawaha huméi Aburemei! Alawaha huméi liri Aburemei, alawaha huméi huguya le lubúeingu,2ha tídanbaña luban Aburemei, lidan tibürürün luban Wabungiute.3Alawaha huméi Bungiu, ladüga buiti; eremuha humá uremu lun liri ladüga areidati.4Ladüga anúadira lumuti Hakobu lun lánime, anúadira lumuti Ísüraeli lun ligíaba lan lirisin.5Subudi numuti buidu luagu weiri lan Wabungiute hawéi sun búngiugu.6Adüga lumuti Aburemei sun le labusenrun dandu sielu kei ubouagu, dandu baranaha kei lábugiñe barana.7Iñuraguati Bungiu dúeri luéigiñe lébeha ubóu, aranseti wayuhuru lubá luriban dan, ani furigüdati garabali lídangiñe lagei.8Ligía áfaragubaliña ígiramaü hadan kada tílana muna Ehiptuna hama furumiñetiña harahüñü animaalugu.9Óunaha lumuti liseinin lamidangua uburugu Ehiptu, luagun urúei Ehiptuna hama lánigu.10Áfarati saragu néchanigu, ani gidalei habagari urúeigu gabafutiña.11Sihón le urúei Amoruna; Ogu, lurúeite Basán, hama sun urúeigu Kanán;12aba líchuguni burí hamúan urúeigu hagía houn Ísüraelina ha lánigu, kei halagante.13Aburemei, magumuchaditi biri; laritawaguba buagun súnwandan.14Adügati Aburemei irichaü houn lumutuniña; gudemehabuti houn eseriwidutiña lun.15Golu luma pülata haguariuanbei gibe tubungiutegu, katei burí le hadüga gürigia lau háhabu.16Gayumatiña, gama lumoun siñati hadimurehan; gágutiña, gama lumoun siñati harihin;17garigeirugutiña, gama lumoun siñati haganbun; mabagarigubeitiña!18Ítara kei guáriua hagía, ítara haña giñe ha adügübaliña hama ha afiñerubaña hawagu.19Ísüraelina, alawaha huméi Aburemei, fádirigu, alawaha huméi Aburemei;20Lewitagu, alawaha huméi Aburemei, huguya le hínsiñehabubei lun Aburemei, alawaha huméi.21Alawahoualá Aburemei, le aganóubei Herusalén, yágüta Sión!Alawaha huméi Aburemei!
Bible Society of Honduras